Yəhusuwa 11:20 - Hdi

²⁰ Nziya nza tsi ná, Yawe ta kurata sifanaftá ghəŋa mnduha ta haɗikha, ŋa dzaʼa da vulu kul haɗ sladavata nda la Israʼila, ŋa pslata tsaha ya ta həŋ nekwnekw kul haɗ hiɗahiɗa, ka zaɗanatá həŋ nekwnekw manda ya mnanaf Yawe ta Musa.

Yəhusuwa 11:20 ပူးပေါင်းရင်းမြစ်များ

2Sam 17:14

Ka i Avsalum nda inda la Israʼila mantsa: « Mal tsa hiɗaku vla Husay mnda la Arki ya, ka tsa ŋa Ahitufel ya, » ka həŋ. Tsaw, Yawe ta mnafta zləmbiŋtá tsa hiɗaku si vla Ahitufel ɗina ya, kada dɗanaghata zləmnda ta Avsalum.

1Mgh 12:15

Mantsa tama, fana a mgham ta sləməŋ ta mnduha ka sna skwi ta ɗaw həŋ da tsi wu, kabga Yawe ta mbəɗanaftá tsa skwi ta magaku ya, ŋa hɗamtá gwaɗa ya mnana tsi ta Yaruvgham, zwaŋa Nəvat, nda ma wa Ahiya mnda la Silu.

2Rus 22:7

Nda ɗvay Lazglafta kəl Ahaziya ka mutsafta zaɗaku ma lagha ni da Yuram. Ɓhadaghata ni, ka sab həŋ nda Yuram da guyaku nda Yehu, zivira Nimsi, mndu ya zbap Yawe nda ma pghanaghatá rɗi ŋa zaɗanatá la ga Ahav.

2Rus 25:16

Ta gwaɗay gwaɗay ta tsa gwaɗa ya, ka Amatsiya nda tsi mantsa: « Zbaf zba ŋni ta kagha ŋa nzakway ka mnda vla hiɗaku ŋa mgham ra? Laghu la gha! Haf ha ta wa gha, ari ka dzaghata lu a na? » kaʼa. Ka haftá tsa anabi ya ta wa ni, ama kaʼa mantsa: « Nda sna yu, kura kura Lazglafta ta zaɗaghata, tsəhala mantsa ya maga ka, ka kagha kwalaghutá snatá hiɗakwa ɗa ya, » kaʼa.

Sabi 10:1

Ka Yawe nda Musa mantsa: « La slanaghata Firʼawna, kabga təŋanaf təŋa yu ta ghəŋa ni nda ŋa kwalvaha ni tani, ŋa magata ɗa ta ŋizlaha ɗa mataba taŋ.

Sabi 11:10

Ka magatá i Musa nda Haruna ta inda tsa mandərmimiha ya ta kəma Firʼawna. Ama ka təŋanaftá Yawe ta ghəŋa Firʼawna. Zliŋ a ta la Israʼila ŋa sliʼapta taŋ ma haɗika ni wa.

Sabi 14:17

Dzaʼa təŋanaf təŋa iʼi ta ghəŋa la Masar ŋa hwayighunista taŋ. Dzaʼa maranaŋ mara yu ta glakwa ɗa ta Firʼawna, nda inda sludziha ni, nda mwata plisha ni, nda sludziha ni ta plis tani.

Sabi 14:4

Dzaʼa təŋanaf təŋa yu ta ghəŋa Firʼawna ŋa hwayighunista ni. Dzaʼa marana mara yu ta glakwa ɗa ta Firʼawna nda sludziha ni demdem tani. Mantsa ya dzaʼa kəl la Masar ka snaŋta kazlay iʼi ná, Yawe yu kəʼa! » kaʼa. Ka magata la Israʼila manda va tsaya.

Sabi 14:8

Ka təŋanaftá Yawe ta ghəŋa Firʼawna, mghama Masar. Ka hwayiŋtá tsi ta la Israʼila ta sab həŋ ma Masar nda kapa dzva flauʼwatá vgha.

Sabi 4:21

Ka Yawe nda Musa guli mantsa: « Vradaghata gha da Masar ya ná, yaha ka da zanaptá maga mandərmimiha ya vlagha yu ta mbrakwa magay ta kəma Firʼawna. Ama Iʼi, dzaʼa təŋanaf təŋa yu ta ghəŋa ni, haɗ dzaʼa zliŋtá la Israʼila ŋa sliʼafta taŋ wa.

Sabi 9:12

Ka təŋanaftá Yawe ta ghəŋ Firʼawna, ka kwalaghutá tsi ta snanatá həŋ, manda ya mnana Yawe ta Musa.

Sabi 9:16

Ama zlagha zla yu nda hafu, ŋa maraghaŋtá mbrakwa ɗa, ŋa tiŋtá hga ɗa ta ghəŋa haɗik demdem.

La Ruma 9:18

Mantsa ya tama ná, ta magay Lazglafta ta skwi ɗina ŋa mndu ya kumaŋ tsi, ta təŋay ta ŋuɗufa mndu ya kumaŋ tsi guli.

Vrafta ta zlahu 2:30

Ama ka kwalaghutá Sihuŋ, mghama Hesbuŋ ta vlamatá tvi ŋa laba mu nda ga taŋ, kabga təŋanaf təŋa Yawe, Lazglafta mu ta ghəŋa ni kulis nda ŋuɗufa ni, ŋa vlamata ni ma dzva ghuni manda na nzakwa ni gita na.

Vrafta ta zlahu 7:16

Dzaʼa zaɗana zaɗa kuni ta inda mndəra mnduha vlaghuna Yawe, Lazglafta ghuni ma dzva ghuni. Ksaghunata a həŋ ka hiɗahiɗa wu, tsəlɓəta a kuni ta tsəlɓu ŋa lazglaftaha taŋ wu, kabga nda nza tsaya ka dəɓəl ka ŋa ghuni. »

Gwal tsa guma 14:4

Sna a i da ni nda ma ni kazlay na sagha da Yawe tsa gwaɗa ya kəʼa wu, zba fitik ŋa Yawe ŋa tsagatá lmu nda la Filisti. Ma tsa fitik ya, la Filisti ta ga mgham ta ghəŋa la Israʼila.

1Sam 2:25

Ka gana ga sana mndu ta dmaku ta sana mndu katsi, dzaʼa mbəɗay Lazglafta ta gwaɗa tida, ama ka gana ga tsi ta dmaku ta Yawe, wa dzaʼa mbəɗa gwaɗa tida na? » kaʼa. Ama nda warga ta sna həŋ ta tsa skwi ta mnə da taŋ ya, kabga ta kumay Yawe ta rwanatá həŋ.