Yəhusuwa 11:15 - Hdi

¹⁵ Si mnanaf mna Yawe ta zlahuha ta ghəŋa ni ta kwalva ni Musa. Ka mnanaftá Musa ta tsa zlahuha ya ta Yəhusuwa. Ka mag Yəhusuwa manda va tsaya. Pɗanaghu a Yəhusuwa ta inda skwi ya mnanaf Yawe ta Musa wa.

Yəhusuwa 11:15 ပူးပေါင်းရင်းမြစ်များ

2Rus 30:12

Ma Yuda guli, ka vlaŋtá Lazglafta ta ŋuɗuf ka skwa turtuk ta həŋ ŋa nzata taŋ nda dzratá ghəŋ, ka snatá gwaɗa mgham, nda ŋa maliha, manda ya mna gwaɗa Yawe.

Mbsak 33:50

Ka Yawe nda Musa ma daɓiha Muwav ta wa Yardeŋ, mbəŋ nda Yeriku mantsa:

Mbsak 33:52

ka ghəzliŋta kuni ta kəma ghuni ta inda mnduha ta tsa haɗik ya. Ka dzaɓiŋta kuni ta inda skwa wuyay taŋ fifiɗaf həŋ, nda inda skwa wuyay taŋ ka kfur nwap lu nda nwa. Ka dzaɓiŋta kuni ta inda vliha skwa wuyay taŋ tskal tskala ya.

Mata 23:23

« Ɗaŋwa ŋa ghuni gwal tagha zlahu ŋa mnduha, nda la Farisa. Tsa maɗgwirmaɗgwira ghuni ya! Ta ŋava ŋa kuni ka vla zaka niɗali, ka zluŋtá mali ma skwi ma zlahu ta nzakway ka nzaku tɗukwa, nda maga zɗaku, nda nzaku ka ŋərma. Tsaha ya skwi ma ŋa magay nda kwal kul zanaptá sanlaha ma skwiha.

Lukwa 11:42

« Ɗaŋwa ŋa ghuni la Farisa! Ta laghu la kuni vla skwi turtuk maghwaŋ ta nzakway mataba niɗali ta mutsafta kuni ma vwah, nda masuʼataha ta hvata kuni nda hva ka vlay ŋa Lazglafta, ka zlaŋtá nzaku tɗukwa, nda ɗvutá Lazglafta. Tsaya skwi má ŋa magay nda kwal kul zanaptá sana skwiha.

Slna gwal ghunay 20:20

Nda sna kuni guli kazlay: Haɗ sana skwi prək ka katá kaghuni ɗifaghuna yu wu kəʼa. Mnaghuna mna yu ta inda ni, ka taghaghunafta baŋluwa nda ya dzagha dzagha.

Slna gwal ghunay 20:27

kabga mnaghuna mna yu ta inda skwi mna Lazglafta, haɗ ya ɗifanaghu yu wa.

Vrafta ta zlahu 31:3

Yawe, Lazglafta ghuni dzaʼa klaghunatá kəma, tsatsi dzaʼa zaɗanatá na mndəra mnduha ta kəma ghuni na ŋa ghəzlafta ghuni ta həŋ. Yəhusuwa dzaʼa klaghunatá kəma manda ya mna Yawe.

Vrafta ta zlahu 31:5

Dzaʼa vlaghuna vla Yawe ta həŋ ma dzva ghuni, ŋa maganata ghuni ta həŋ taɓta inda gwaɗaha ya mnaghunaf yu.

Vrafta ta zlahu 31:7

Ka hgadaghatá Musa ta Yəhusuwa. Kaʼa nda tsi ta kəma inda la Israʼila mantsa: « Mbra ta vgha ka dihavata ka, kabga kagha dzaʼa lami kawadaga nda na mnduha na ta haɗik ya waɗana Yawe ta vlaŋta dzidzíha taŋ. Kagha dzaʼa vlaŋtá həŋ ka skwa za həga taŋ.

Vrafta ta zlahu 4:2

Ma sganagha kuni ta ghəŋa tsa gwaɗaha ta mnaghunafta yu ya, ma htanaghu kuni, ama ka ŋanata kuni ta zlahuha ta mnafta Yawe, Lazglafta ghuni ta mnaghunata yu gita na.

Vrafta ta zlahu 4:5

Nghawa, taghaghunaf tagha yu ta zlahuha, nda tva skwiha ŋa magay manda ya mnaɗif Yawe, Lazglafta ɗa. Lama ghuni da tsa haɗik ŋa ŋa ghuni ya, ka ŋanata kuni ta tsa zlahuha nda tva skwiha ŋa magay ya.

Vrafta ta zlahu 7:2

Dzaʼa vlaghuna vla Yawe, Lazglafta ghuni ta həŋ ma dzva ghuni, ŋa kwarafta ghuni ta həŋ, ka zaɗanata kuni ta həŋ tuzluzl. Ma dzrə kuni ta wi nda həŋ, ma zɗanaŋ kuni ta huɗi ta həŋ.

Yəhusuwa 1:7

Mbray kagha ta vgha, ka ŋavata gha kahwathwata kweŋkweŋ ŋa gha, ŋa ŋanatá inda tagha skwi ya mnaghaf kwalva ɗa Musa. Yaha ka da mbəɗaghutá vgha dər nda ga zeghwi, dər nda ga zlaɓa, kada dzaʼa ka ta kəma ta kəma ma inda vli ta dzaʼa ka.

Yəhusuwa 11:12

Ka zatá Yəhusuwa ta inda tsa luwaha ya, nda inda mghamha taŋ, ka pslatá həŋ nda kafay. Ka zaɗanatá tsi manda va ya mnaf Musa kwalva Yawe.

Yəhusuwa 11:14

Ka hlutá la Israʼila ŋa ŋa taŋ ta inda skwa zləɗu, nda rini ya slanagha həŋ ma tsa luwaha ya, ama ka pslatá həŋ nda kafay ta inda mnduha ha ka zaɗanatá həŋ, haɗ mndu ya zlana həŋ dər turtuk nda hafu wa.

Yəhusuwa 11:16

Ka zatá Yəhusuwa ta inda tsa haɗikha ya: Kwakwarha ta ghwáha, nda inda kwakwara Negev, nda inda kwakwara Guseŋ, nda kwakwarha ta kuɗuŋur nda təv dɗakwa fitik, nda Gharava, nda ghwáha la Israʼila nda kuɗuŋurha ni tani.

1Sam 15:11

« Ta hagay yu ta madər nda fata ɗa ta Sawulu ka mgham, kabga mbəɗaghu mbəɗa ta vgha ta vata iʼi. Haɗ ta maga slna nda gwaɗaha ta mnata yu wu, » kaʼa. Ka kuzlanaftá tsi ta Samuyel ta ŋuɗuf, ka han tsi ta wahu ta kəma Yawe petsuweɗ vli.