Yəhusuwa 11:12 - Hdi

¹² Ka zatá Yəhusuwa ta inda tsa luwaha ya, nda inda mghamha taŋ, ka pslatá həŋ nda kafay. Ka zaɗanatá tsi manda va ya mnaf Musa kwalva Yawe.

Yəhusuwa 11:12 ပူးပေါင်းရင်းမြစ်များ

Vrafta ta zlahu 7:2

Dzaʼa vlaghuna vla Yawe, Lazglafta ghuni ta həŋ ma dzva ghuni, ŋa kwarafta ghuni ta həŋ, ka zaɗanata kuni ta həŋ tuzluzl. Ma dzrə kuni ta wi nda həŋ, ma zɗanaŋ kuni ta huɗi ta həŋ.

Vrafta ta zlahu 9:3

Gita dzaʼa snaŋta kuni kazlay Yawe, Lazglafta ghuni ná, tsatsi ta mbaɗa ta kəma ghuni manda vu ta zaɗanatá skwi ya, kəʼa. Tsatsi dzaʼa zaɗanatá həŋ, tsatsi dzaʼa dzaganatá həŋ ta kəma ghuni, ŋa ghəzlafta ghuni ta həŋ ka gi zaɗanatá həŋ manda va ya mnaghuna Yawe.

Yəhusuwa 10:20

Ka zatá i Yəhusuwa nda la Israʼila ɗekɗek ta la Amuru, wər ka zaɗanatá həŋ demdem. Hutsekw yeya mnduha ta ndandapta, ka kataptá ghəŋa taŋ da mtaku. Ka vraghata da luwa taŋ ya ŋam lu ma matsak.

Yəhusuwa 10:28

Baɗ va tsa fitik ya, ka zata Yəhusuwa ta luwa Makkeda nda kafay. Ka pslatá tsi ta mghama ni, nda inda mnduha mida tani. Ka zaɗanatá tsi ta həŋ, haɗ mndu zlana tsi dər turtuk nda hafu wa. Manda va tsa magana tsi ta mghama Yeriku ya, kəʼa maganatá mghama Makkeda.

Yəhusuwa 10:30

Ka zlanaŋtá Yawe ta luwa Livna nda mghama ni tani ma dzva taŋ. Ka pslatá həŋ ta mnduha ma tsa luwa ya nda kafay, kul haɗ ya zlana həŋ nda hafu dər turtuk. Manda va ya magana tsi ta mghama Yeriku, ká həŋ maganatá mghama tsa luwa ya.

Yəhusuwa 10:32

Ka zlanaŋtá Yawe ta Lahis ma dzvu ta la Israʼila baɗ mahisa fitika taŋ ta vulu. Ka pslatá həŋ ta inda mnduha mida nda kafay, manda va ya maga həŋ ma Livna ya.

Yəhusuwa 10:35

Baɗ va tsaya, ka zata həŋ ta tsa luwa ya. Ka zaɗanata həŋ ta inda mnduha ma tsa luwa ya nda kafay, manda va ya maga həŋ ma Lahis.

Yəhusuwa 10:37

Ka zata həŋ ta tsa luwa ya, ka pslatá həŋ ta mghama ni nda mnduha ni tani. Ka hlaghutá tsi guli ta inda luwaha ta waftá Hevruŋ, ka pslatá tsi ta mnduha ma tsa luwaha ya guli nda kafay. Manda va ya maga tsi ma Ghegluŋ, ka zaɗanatá Yəhusuwa ta tsa luwa ya, ka pslatá inda mnduha mida.

Yəhusuwa 11:13

Ama dariŋ a la Israʼila ta luwaha ta kuɗuŋur wa. Ba Hatsur yeya driŋ Yəhusuwa.

Yəhusuwa 11:15

Si mnanaf mna Yawe ta zlahuha ta ghəŋa ni ta kwalva ni Musa. Ka mnanaftá Musa ta tsa zlahuha ya ta Yəhusuwa. Ka mag Yəhusuwa manda va tsaya. Pɗanaghu a Yəhusuwa ta inda skwi ya mnanaf Yawe ta Musa wa.

Yəhusuwa 13:6

Pɗakwa ni ŋa kɗiŋta guli ná, tsaya kwakwarha ya ta ghwá sliʼafta ni ma Ləvanuŋ, dikw da Misrefutmayim, mnduha ma tsa kwakwarha ya ná la Tsiduŋ həŋ demdem. Dzaʼa ghəzliŋ ghəzla yu ta tsa mnduha ya ta kəma la Israʼila. Daganafta kagha ŋa gha ta tsa haɗik ya ka skwa za həga taŋ ta la Israʼila manda ya mnaghaf yu.

Yəhusuwa 21:44

Ka vlaŋtá Yawe ta mbiʼa vgha ta inda vli ta wanaftá həŋ, manda ya waɗana tsi ta dzidzíha taŋ. Inda ghumaha taŋ guli, haɗ ya ta laviŋtá sladata ta kəma taŋ wu, kabga zlanaŋ zla Yawe ta inda ghumaha taŋ ma dzva taŋ.

Yəhusuwa 8:31

Ka baftá tsi manda va ya mnanaf Musa, kwalva Yawe ta la Israʼila. Nda vinda guli ma ɗelewera zlaha Musa kazlay tsa gwir ya ná, baf nda pala kul fiɗaŋtá lu nda kfur lu kəʼa. Tahula tsa, ka dranaftá lu ta skwa pla ghəŋ ŋa dray tsuh tsuh ta tsa gwir ya, ta Yawe. Ka vlaŋtá lu ta skwa pla ghəŋa zɗaku guli.

Yəhusuwa 8:8

Manda zluʼaghuta ghuni ta tsa luwa ya, ŋa fafiŋta ghuni nda vu, ŋa magay ghuni manda va gwaɗa ya mna Yawe. Tsaya zlahu ta mnaghunafta yu, » kaʼa.

Yəhusuwa 9:24

Ka həŋ zlghanaftá Yəhusuwa mantsa: « Wya skwi kəl ŋni ka mnay mantsa ya: Snaŋnagha sna kazlay na, mnanaf mna Yawe, Lazglafta gha ta Musa kwalva ni kazlay na dzaʼa zlaghunaŋ zla ta inda na haɗikha na, ŋa zaɗanata ghuni ta mnduha mida kəʼa. Ka zləŋaftá ŋni ta kaghuni katakata, nda hafa ŋni, tsaya kəl ŋni ka magay mantsa.