Yəhusuwa 10:39 - Hdi

³⁹ Ka zatá həŋ. Ka klaghutá həŋ ta tsa luwa ya nda mghama ni nda inda luwaha ta wafta tani, ka zaɗanatá həŋ nda kafay ta inda mnduha mida. Haɗ mndu ya zlana Yəhusuwa ŋa ndapta nda hafu dər turtuk wa. Manda va ya magana Yəhusuwa ta Hevruŋ, nda ya nda Livna nda mghama ni ya, mantsa kəʼa maganatá luwa Dəvir nda mghama ni tani.

Yəhusuwa 10:39 ပူးပေါင်းရင်းမြစ်များ

2Mgh 10:11

Ka pslatá Yehu ta sanlaha ta pɗaku ma la ga Ahav ma Yizrəghel, nda inda maliha ni, nda graha ni, nda gwal dra skwi ŋa lazglafta. Haɗ ya zlana tsi nda hafu dər turtuk wa.

Vrafta ta zlahu 3:3

Ka vlamatá Yawe, Lazglafta ta Ghug guli, mghama Basaŋ nda mnduha ni demdem ma dzva mu. Ka rwanatá mu ta həŋ, haɗ ya ta pɗata dər turtuk nda hafu wa.

Yəhusuwa 10:33

Ka sliʼaftá Huram mghama Gezer da kataŋtá luwa Lahis. Ama ka pslatá Yəhusuwa ta tsatsi nda mnduha ni tani, haɗ mndu zlana tsi nda hafu dər turtuk wa.

Yəhusuwa 10:37

Ka zata həŋ ta tsa luwa ya, ka pslatá həŋ ta mghama ni nda mnduha ni tani. Ka hlaghutá tsi guli ta inda luwaha ta waftá Hevruŋ, ka pslatá tsi ta mnduha ma tsa luwaha ya guli nda kafay. Manda va ya maga tsi ma Ghegluŋ, ka zaɗanatá Yəhusuwa ta tsa luwa ya, ka pslatá inda mnduha mida.

Yəhusuwa 10:38

Tahula tsa, ka mbəɗavatá i Yəhusuwa nda inda la Israʼila ka laghu guk liŋtá luwa Dəvir nda vulu.

Yəhusuwa 10:40

Mantsa ya ká Yəhusuwa zatá ta inda haɗikha: Ya nda ta ghwá, nda haɗika Negev tani, nda haɗikha ya ta kuɗuŋur tani, nda ya ta vata ghwá tani, nda inda mghamha taŋ tani. Haɗ skwi nda hafu mida ta ndapta dər turtuk wa. Ka zaɗanatá tsi ta inda mndu manda va ya mnanaf Yawe, Lazglafta la Israʼila.

Yəhusuwa 11:8

Ka zlanaŋtá Yawe ta həŋ ma dzva la Israʼila, ka pslatá həŋ, ka ŋawaftá həŋ ga mazlay tsəlak da Tsiduŋ luwa dagala, tsəlak da Misrefutmayim, tsəlak da didiŋa Mitspe nda ta tva safa fitik. Ka pslatá həŋ ta həŋ, haɗ ya ta ndapta dər turtuk nda hafu wa.

Yəhusuwa 12:13

nda Dəvir, nda Geder,

1Sam 15:3

Ndanana tama, la pslatá la Ghamalek tuzluzl. Ka níŋta kuni ka skwa dzahay ta inda skwa taŋ. Yaha ka da zlanatá həŋ. Ka rwanata ka ta inda taŋ demdem, nda zgwana tani, nda miʼaha tani, nda zwani tani, nda vziʼuwa tani, nda slaha tani, nda rina fisik tani, nda ŋalibwaha tani, nda kəɗihha tani,” kaʼa, » kaʼa.

1Sam 15:8

Ka ksaftá tsi ta nda hafu ta Agag mghama Ghamalek, ama ka rwanatá tsi tuzluzl ta mnduha ni nda kafay.