Yəhusuwa 10:32 - Hdi

³² Ka zlanaŋtá Yawe ta Lahis ma dzvu ta la Israʼila baɗ mahisa fitika taŋ ta vulu. Ka pslatá həŋ ta inda mnduha mida nda kafay, manda va ya maga həŋ ma Livna ya.

Yəhusuwa 10:32 ပူးပေါင်းရင်းမြစ်များ

Sabi 17:13

Ka zatá Yəhusuwa ta ghwa katakata nda kafay ta ghəŋa sludziha la Ghamalek.

Vrafta ta zlahu 7:2

Dzaʼa vlaghuna vla Yawe, Lazglafta ghuni ta həŋ ma dzva ghuni, ŋa kwarafta ghuni ta həŋ, ka zaɗanata kuni ta həŋ tuzluzl. Ma dzrə kuni ta wi nda həŋ, ma zɗanaŋ kuni ta huɗi ta həŋ.

Yəhusuwa 10:28

Baɗ va tsa fitik ya, ka zata Yəhusuwa ta luwa Makkeda nda kafay. Ka pslatá tsi ta mghama ni, nda inda mnduha mida tani. Ka zaɗanatá tsi ta həŋ, haɗ mndu zlana tsi dər turtuk nda hafu wa. Manda va tsa magana tsi ta mghama Yeriku ya, kəʼa maganatá mghama Makkeda.

Yəhusuwa 10:31

Ka sliʼaftá i Yəhusuwa nda inda la Israʼila ma Livna ka ɓhadaghata həŋ da luwa Lahis. Ka fatá həŋ ta ghuɓa taŋ ndusa nda luwa, ka liŋtá həŋ guk nda vulu ta tsa luwa ya.

Yəhusuwa 10:33

Ka sliʼaftá Huram mghama Gezer da kataŋtá luwa Lahis. Ama ka pslatá Yəhusuwa ta tsatsi nda mnduha ni tani, haɗ mndu zlana tsi nda hafu dər turtuk wa.

Yəhusuwa 11:12

Ka zatá Yəhusuwa ta inda tsa luwaha ya, nda inda mghamha taŋ, ka pslatá həŋ nda kafay. Ka zaɗanatá tsi manda va ya mnaf Musa kwalva Yawe.