Sabi 9:16 - Hdi

¹⁶ Ama zlagha zla yu nda hafu, ŋa maraghaŋtá mbrakwa ɗa, ŋa tiŋtá hga ɗa ta ghəŋa haɗik demdem.

Sabi 9:16 ပူးပေါင်းရင်းမြစ်များ

2Sam 7:23

Mamu sana mndəra mndu dər turtuk ta ghəŋa haɗik manda mnduha gha, la Israʼila ra? Ar Lazglafta, sasa ka da varatá həŋ ŋa nzakwa taŋ ka mnduha gha, ŋa tsaftá hga gha, ŋa hɗamtá skwiha ta raghata, nda skwiha ta raŋtá haɗika gha, ka makwitkwit nda mandərmimiha, ka ghazliŋtá ka ta kəma mnduha gha varagap ka ma haɗika Masar ta mndəra sanlaha ma mnduha nda lazglaftaha taŋ.

2Mgh 19:35

Ta tsa rviɗik ya, ka sab duhwala Yawe pslatá la Asur dəmbuʼ dərmək nda tghas mbsak hutaf mida (185.000) ma ghuɓa taŋ. Ta sliʼavatá lu wrək sərɗək ná, mbliha yeya sinaka.

1Rus 16:24

Mnawa mna ta glakwa ni mataba mndəra mnduha, rusawa rusa ta mandərmima ni mataba inda mndəra mnduha!

Nəhemiya 9:10

Ka maganatá ka ta mandərmimiha nda mazəmzəmha ta Firʼawna nda inda kwalvaha ni, nda inda mndu ta haɗika ni, kabga nda sna kagha ta mndərga gla ghəŋ glə həŋ ta dzidzíha ŋni. Ndaɗaʼa tutá hga gha manda va ya ta nzakway gitana wu.

Sabi 14:17

Dzaʼa təŋanaf təŋa iʼi ta ghəŋa la Masar ŋa hwayighunista taŋ. Dzaʼa maranaŋ mara yu ta glakwa ɗa ta Firʼawna, nda inda sludziha ni, nda mwata plisha ni, nda sludziha ni ta plis tani.

Sabi 14:4

Dzaʼa təŋanaf təŋa yu ta ghəŋa Firʼawna ŋa hwayighunista ni. Dzaʼa marana mara yu ta glakwa ɗa ta Firʼawna nda sludziha ni demdem tani. Mantsa ya dzaʼa kəl la Masar ka snaŋta kazlay iʼi ná, Yawe yu kəʼa! » kaʼa. Ka magata la Israʼila manda va tsaya.

Sabi 18:11

Ndanana, nda sna yu kazlay na, malaghu mala Yawe ta inda lazglaftaha kəʼa, kabga zluʼagap zluʼa ta mnduha ni ma ghuya ɗaŋwa taŋ, da la Masar ta nzanaghatá həŋ, » kaʼa.

Sabi 9:15

Ka má kapaf kapa yu ta dzva ɗa, ka dzughusta nda zləmnda katsi, kagha nda mnduha gha tani ná, má zwaɗu zwaɗa kuni ta ghəŋa haɗik ɗekɗek!

Sabi 9:17

Kulam nda tsa, ta gla ghəŋ ka ta ghəŋa mnduha ɗa, zliŋ a ka ta həŋ wa.

Mbsak 14:21

Ama ta waɗa waɗa yu nda hafa ɗa, nda ya nda glakwa Yawe ta ndəghanaftá inda ghəŋa haɗik ya.

La Ruma 9:17

Wya ka Lazglafta mnanatá Firʼawna, ka vindaftá lu ma defteri: « Faf fa yu ta kagha ka mgham ŋa maravata mbrakwa ɗa ta kagha, nda ya ŋa tiŋtá hga ɗa ta ghəŋa haɗik demdem. »

La Ruma 9:22

Ka manda tsaya kumaŋta Lazglafta ta maraŋtá ɓasata ŋuɗufa ni, nda maraŋta ni ta mbrakwa ni ma suʼay ni nda ksatá ŋuɗuf katakata ta ghəŋa gwal nda fa ŋa zwaɗuta ma ɓasata ŋuɗufa ni ya ní, nu ŋa gha mida tama na?

Yəhusuwa 4:24

Maga maga mantsa ya, kada grafta inda mnduha ta haɗik ta glakwa mbrakwa Yawe. Nda ya kada gɗata kuni ta zləŋa Yawe, Lazglafta ghuni, » kaʼa.

1 Piyer 2:19

Ka lagha mndu ka suʼa ghuya ɗaŋwa, ta ghəŋa kumay ni ta nzaku manda ya ta zɗəganatá Lazglafta, dər má si ra a ghuyay ni ta tsa ɗaŋwa ya wu katsi ná, skwi ɗina ya.

1 Piyer 2:8

Ka lu vindafta guli na: « Tsa pala ya ná, ta dza mndu ka tuthun. Tsa pala ya ta zlambanaptá mnduha, » kaʼa. Ta dzay ta həŋ ka tuthun, kabga kwalaghuta taŋ ta snanatá gwaɗa Lazglafta. Manda tsaya thanafta Lazglafta ta həŋ daga manda ghalya.

Yuda 1:4

Klə yu ka mna tsaya ná, nda ndəgha mnduha ta kɗikadamta da taba ghuni, ka ɓadza zɗakatahuɗa Lazglafta. « Lma a Lazglafta ta magay mndu ta ghwaɗaka skwi ta kum mndu wu, » ka həŋ ta mnay. Mantsa ya vziŋta həŋ ta *Yesu *Kristi ta nzakway ka Mgham ta ghəŋa amu. Mndərga tsa mnduha ya ná, nda ghada vinda ta tsatá guma ta ghəŋa taŋ daga ghalya.

1Sam 4:8

Wabaw ŋa amu! Wa dzaʼa da kataptá amu ma dzva tsa Lazglafta ta mbruta ya na? Tsatsi ta dzuŋtá la Masar ma mtak nda inda mndərga zləmndaha.