Sabi 9:14 - Hdi

¹⁴ Ndana tama, dzaʼa ghungaghaghatá inda zləmndaha ɗa yu ta vərɗa kagha, nda kwalvaha gha, nda mnduha gha tani. Mantsa ya dzaʼa kəl ka ka snaŋta kazlay na, haɗ ya ta gara vgha nda iʼi ta ghəŋa haɗik tender wu kəʼa.

Sabi 9:14 ပူးပေါင်းရင်းမြစ်များ

2Sam 7:22

Dagala kagha mghama ɗa Yawe! Haɗ mndu taɓta kagha wa! Kahwathwata haɗ sana Lazglafta ta ghəŋa kagha, manda ya ta gɗata ŋni ta snaŋta wa!

1Mgh 8:38

ka magata dər wati ma mndu, ka inda mnduha gha, la Israʼila a tsi ta duʼa, dər mndərga wati ma duʼa tsi, ka taw, kabga tsatsafta taŋ ta skwi ta kuzlaŋtá həŋ ta ŋuɗufa taŋ, ka kapaftá dzvuha nda təv na həga na,

1Rus 17:20

Yawe, haɗ mndu taɓta kagha wa! Kahwathwata haɗ sana Lazglafta ta ghəŋa kagha, manda ya ta gɗata ŋni ta snaŋta wa!

Sabi 15:11

Ari Yawe, wa ya manda kagha mataba lazglaftaha na? Wa ya ta gara vgha nda kagha na? Ta ndərmima mndu na ghuɓatá kagha! Nda sgit ta kagha ma inda slnaha gha, nda ra ka ka vlaŋtá glaku, mamu ka nda mbrakwa maga inda skwiha!

Sabi 8:10

Ka tsakanatá lu gəɗim gəɗim, ka ziʼuta vli ma tsa haɗik ya ghurndiŋ.

Sabi 8:6

Kaʼa mantsa: « Mahtsim, » kaʼa. Ka Musa mantsa: « Dzaʼa nzakway manda ya mna ka! Kada snaŋta ka kazlay haɗ mndu taɓta Yawe, Lazglafta ŋni wu kəʼa.

Sabi 9:15

Ka má kapaf kapa yu ta dzva ɗa, ka dzughusta nda zləmnda katsi, kagha nda mnduha gha tani ná, má zwaɗu zwaɗa kuni ta ghəŋa haɗik ɗekɗek!

Danyel 5:21

Ka ghəzlaptá lu mataba mnduha, ka nutá ndana ni manda ŋa nimtak. Kawadaga nda kəɗihha ma mtak kəʼa ta nzaku. Ka zə tsi ta kuzuŋ manda ŋa slaha. Ka nzaku wuninik tida, ha ka snaŋta ni kazlay Lazglafta Dagala ta nzanaghatá ga mgham ta gə mnda səla kəʼa. Ta vlaŋ vla ta ga mgham guli ta mndu ya kumaŋ tsi.

La Levi 26:18

Kulam nda tsa, ka ta sniha a kuni wu katsi, dzaʼa sganagha sga yu ta va nzisla kaghuni ndəfáŋ səla ta ghəŋa dmakwa ghuni.

La Levi 26:21

Ka ta kɗaŋ kɗa kuni ta dza kuma nda iʼi, ka kwalaghutá sna gwaɗa da iʼi, dzaʼa sganagha sga yu guli ta va nzisla kaghuni ndəfáŋ səla taɓta dmakwa ghuni.

La Levi 26:28

iʼi guli dzaʼa dzay yu ta kuma nda kaghuni, dzaʼa ghuzlaghunap ghuzla yu ta iri ndəfáŋ səla dabga dmakwa ghuni.

Vrafta ta zlahu 3:24

“Mgham Yawe, zlraf zlra ka ta maranaŋta kwalva gha ta glakwa gha, nda mbrakwa gha. Wati ma lazglafta ya dər ta luwa tsi, dər ta haɗik a tsi, ta laviŋta magatá mndərga na mghama slna maga ka na na?

Vrafta ta zlahu 4:35

Maraghunaŋ mara ta tsa skwiha ya ŋa snaŋta ghuni ta Yawe kazlay tsatsi Lazglafta, haɗ sani ta ghəŋa tsatsi wu kəʼa.

Suna Yuhwana 18:8

Tsaya tama, baɗu va tsa fitik turtuk ya dzaʼa slanaghata ghuya ɗaŋwa ni ta nzakway ka mtaku, nda nzaku ka skwa hiɗahiɗa, nda maya, ŋa driŋta nda vu guli. Mgham Lazglafta ná, Lazglafta ta mbruta ya. Tsatsi ta tsanaghatá guma, » kaʼa.

Suna Yuhwana 22:18

Ka yu ta mnanaŋtá dər wati ma mndu ya ta snaŋtá na tsghatá lwa Lazglafta ma na defteri na ná. Ka sganagha sga mndu ta sana skwi katsi, dzaʼa Ganap ga Lazglafta ta iri nda tsa ghuya ɗaŋwaha vindam lu ma na defteri na.

1Sam 4:8

Wabaw ŋa amu! Wa dzaʼa da kataptá amu ma dzva tsa Lazglafta ta mbruta ya na? Tsatsi ta dzuŋtá la Masar ma mtak nda inda mndərga zləmndaha.