Ka ndandutá tsaha sriɓiɓ ya kay ta tsaha ndəfáŋ ghərmbəts ghərmbəts ya. Ka rusanaftá yu ta ɗəghaha ɗa, ama haɗ mndu dər turtuk ta laviŋtá paslapta wa, » kaʼa.
Ma tsa fitik hkən ya, ngha a la Masar ta mndu sani nda sani wa. Haɗ mndu ta laviŋta sliʼafta ma vli nza tsi wa. Ama inda la Israʼila ya ná, mamu tsuwaɗak ma inda vli nza nza həŋ.
Ka kwalvaha Firʼawna nda tsi mantsa: « Ha yawu dzaʼa zlanata na mndu na ta ŋamaftá dəɓəl na? Zliŋ zla ta na mnduha na ka sliʼa həŋ da tsəlɓu ŋa Yawe, Lazglafta taŋ. Kulam ndana ta sna a kagha kazlay ta zaɗaku Masar kəʼa ra? » ka həŋ.
Ama nda da la Israʼila, haɗ lu dzaʼa snaŋtá ghughaŋtá kri ta mndu dər rini wu. Tsaya dzaʼa kəl kuni ka snaŋta kazlay dgana dga Yawe ta la Masar nda la Israʼila kəʼa.”
Haɗ Firʼawna dzaʼa snaghunata wu. Mantsa ya dzaʼa kəl yu ka faftá dzvu ta Masar. Dzaʼa hlagap hla yu ka ghuɓa gwal vulu ka ghuɓa gwal vulu ta mnduha ɗa la Israʼila ma haɗika Masar, nda glakwa slna guma ɗa.
Lagha la mali ta ghəŋa gwal dra skwi ŋa Lazglafta nda la Farisa, ka tskanatá gwal tsa guma. Ka həŋ mantsa: « Dagala mazəmzəm ta mag tsa mndu ya, waká mu dzaʼa magay na?
Ka həŋ mantsa: « Waká mu dzaʼa magay nda na mnduha na na? Wana nda sna inda mnduha ma Ursalima kahwathwata kazlay: Hahəŋ ta magatá tsa mazəmzəm ya kəʼa, laviŋ a amu ta waɗay guli wa.
Ka həŋ mantsa: « Ka dzaʼa vriŋ vra kuni ta akwata Lazglafta la Israʼila, ma vriŋ kuni kul magatá lu ta sana skwi. Katək ná, maganawa maga ta skwa pla ghəŋ ŋa paya tvi. Tsaya ná, dzaʼa mbaku kuni, dzaʼa nda sna kuni kabgawu kwal mbrakwa ni tsaghuta nda kaghuni, » ka həŋ.
Ka fata kuni ta iri: Ka ksaf ksa tsi ta tvi ka ŋlu nda təv Betʼsemes ka dzaʼa ta haɗika ni katsi, Yawe ta magamatá tsa zləmnda dagala ya. Ka mantsa a tsi wu, dzaʼa nda sna amu kazlay na tsatsi a ta klamaktá tsa zləmnda ya wu, mantsa ya gi slamaghata tsaya kəʼa, » ka həŋ.