Sabi 7:3 - Hdi

³ Ama iʼi, dzaʼa təŋanaf təŋa yu ta ghəŋa Firʼawna. Dzaʼa yanaf ya yu ta mazəmzəmha ɗa nda mandərmimiha ɗa ma haɗika Masar.

Sabi 7:3 ပူးပေါင်းရင်းမြစ်များ

Nəhemiya 9:10

Ka maganatá ka ta mandərmimiha nda mazəmzəmha ta Firʼawna nda inda kwalvaha ni, nda inda mndu ta haɗika ni, kabga nda sna kagha ta mndərga gla ghəŋ glə həŋ ta dzidzíha ŋni. Ndaɗaʼa tutá hga gha manda va ya ta nzakway gitana wu.

Sabi 11:10

Ka magatá i Musa nda Haruna ta inda tsa mandərmimiha ya ta kəma Firʼawna. Ama ka təŋanaftá Yawe ta ghəŋa Firʼawna. Zliŋ a ta la Israʼila ŋa sliʼapta taŋ ma haɗika ni wa.

Sabi 11:9

Ka Yawe nda Musa mantsa: « Haɗ Firʼawna dzaʼa snaghunata wu, kada yavafta mandərmimiha ɗa ta haɗika Masar, » kaʼa.

Sabi 14:4

Dzaʼa təŋanaf təŋa yu ta ghəŋa Firʼawna ŋa hwayighunista ni. Dzaʼa marana mara yu ta glakwa ɗa ta Firʼawna nda sludziha ni demdem tani. Mantsa ya dzaʼa kəl la Masar ka snaŋta kazlay iʼi ná, Yawe yu kəʼa! » kaʼa. Ka magata la Israʼila manda va tsaya.

Sabi 3:20

Tsaya tama dzaʼa kəl yu ka kapaftá dzva ɗa ka dzuŋtá la Masar, nda inda mandərmimiha dzaʼa magata yu mataba taŋ. Tahula tsa, ŋa slighunista ni.

Sabi 4:21

Ka Yawe nda Musa guli mantsa: « Vradaghata gha da Masar ya ná, yaha ka da zanaptá maga mandərmimiha ya vlagha yu ta mbrakwa magay ta kəma Firʼawna. Ama Iʼi, dzaʼa təŋanaf təŋa yu ta ghəŋa ni, haɗ dzaʼa zliŋtá la Israʼila ŋa sliʼafta taŋ wa.

Sabi 4:29

Ka sliʼaftá i Musa nda Haruna ka laghu, ka tskanatá həŋ ta inda la galata mndu mataba la Israʼila.

Sabi 4:7

Ka Yawe nda Musa guli mantsa: « Vradanam vra ta dzva gha ta gərzla ghuva gha, » kaʼa. Ka vradanamtá tsi ta dzva ni ta gərzla ghuva gha, ka vravaftá dzva ni manda va vla ni.

Sabi 7:13

Kulam nda tsa, ta təŋ təŋa ni ghəŋa Firʼawna, ka kwalaghutá tsi ta snatá gwaɗa i Musa nda Haruna, manda ya mna Yawe.

Sabi 9:16

Ama zlagha zla yu nda hafu, ŋa maraghaŋtá mbrakwa ɗa, ŋa tiŋtá hga ɗa ta ghəŋa haɗik demdem.

Yuhwana 4:48

Ka Yesu nda tsi mantsa: « Ka ta ngha a kaghuni ta mazəmzəm nda skwa ndərmimay wu ná, zlgha a kaghuni kay tama wa! » kaʼa.

Slna gwal ghunay 2:22

« Mnduha la Israʼila, snawa ta skwi dzaʼa mnaghunata yu: *Yesu mnda la Nazaret na tsa mndu maraghunaŋ Lazglafta ta ga Mghama ni, ma magay ni ta mandərmimi, nda ŋizla mazəmzəmha kavghakavgha mataba ghuni, manda va ya snaŋ vərɗa kaghuni ya.

Slna gwal ghunay 7:36

Tsa Musa ya ta hlagaptá zwana la Israʼila, nda maga mazəmzəm nda skwa ndərmimay ma haɗika Masar, nda ya ma drəfa Dva, nda ya ma mtak, ka zatá həŋ ta vaku fwaɗ mbsak ta tvi ma mtak.

La Ruma 15:19

Nda ya nda ma mazəmzəmha nda mandərmimiha, nda mbrakwa Sulkuma Lazglafta magata tsi. Zlraf ma luwa Ursalima yu ta tuza tsa *Lfiɗa Gwaɗa ta Kristi ya ka laghu dikw ta haɗika Iliri.

La Ruma 9:18

Mantsa ya tama ná, ta magay Lazglafta ta skwi ɗina ŋa mndu ya kumaŋ tsi, ta təŋay ta ŋuɗufa mndu ya kumaŋ tsi guli.

Vrafta ta zlahu 4:34

Ar mamu a sana lazglafta ta kaɗaŋta hlapta ŋa ŋa ni ta sana mndəra mndu mataba sana mndəra mndu, nda dzəghəha, nda mazəmzəmha, nda mandərmimiha, nda ya nda vuluha nda glakwa mbrakwa ni, nda ya nda tɗatá dzva ni, nda skwiha maga tsi dagala dagala ta ga zləŋ manda inda ya maga Yawe, Lazglafta ghuni ma Masar ta wa ira ghuni ya rki na?

Vrafta ta zlahu 7:19

Havakwa hava ta inda ghwazla ira taŋ ya ngha kaghuni, nda mazəmzəmha, nda mandərmimiha magana tsi ta həŋ, nda glakwa mbrakwa ni, nda tɗatá dzva Yawe, Lazglafta ghuni ma hlagaghunapta ni. Manda tsaya dzaʼa maganata Yawe ta mndəra mnduha má si dzaʼa kuni zləŋay.