Sabi 7:22 - Hdi

²² Ka magatá ɗəghaha la Masar ta ŋa taŋ manda va tsaya guli nda má ɗəgha ɗəgha taŋ. Nduk nda tsa, ta təŋ təŋa ni ghəŋa Firʼawna. Ka kwalaghutá tsi ta snatá gwaɗa i Musa nda Haruna, manda ya mna Yawe.

Sabi 7:22 ပူးပေါင်းရင်းမြစ်များ

Zlrafta 41:8

Tsaɗata vli, ta ndan Firʼawna. Ka hagaktá tsi ta inda ɗəghaha ni, nda inda gwal nda ɗifil ma ghəŋa taŋ ma Masar. Ka rusanaftá tsi ta həŋ ta tsa suniha ni ya. Sew haɗ mndu ta laviŋta paslanaptá tsa suniha ni ya wa.

Sabi 7:11

Ka hagaktá Firʼawna ta gwal nda ɗifil ma ghəŋa taŋ nda ɗəghaha tani. Tsa ɗəghaha ma Masar ya, ka magatá hahəŋ guli ta ŋa taŋ manda va tsaya nda má ɗəgha ɗəgha taŋ.

Sabi 7:13

Kulam nda tsa, ta təŋ təŋa ni ghəŋa Firʼawna, ka kwalaghutá tsi ta snatá gwaɗa i Musa nda Haruna, manda ya mna Yawe.

Sabi 7:21

Ka rwutá klipiha ma ghwa, ka ziʼutá ghwa, lavgliŋ a la Masar ta sa imi ma ghwa wu. Ka us inda vli ta haɗika Masar.

Sabi 7:23

Ka mbəɗavatá Firʼawna, ka laghu dzagha ni. Kulaf a ta tsa skwi ya wa.

2Tim 3:8

Manda va pghay pghə i Zanes nda Yambres ta ghəŋ ghərŋa ghərŋa nda Musa ghalya ya ná, manda va tsaya ta pgha sanlaha ma tsa mnduha ya ta ghəŋ ghərŋa ghərŋa nda kahwathwata. Gwal nda hwaɗa ghwinslak taŋ həŋ. Haɗ ghəzliwa zlghay nda ŋuɗufa taŋ wa.