Sabi 7:17 - Hdi

¹⁷ Ka Yawe na: “Dzaʼa nda sna ka kazlay iʼi Yawe kəʼa.” Wana yu dzaʼa dzuŋta nda na dafa ma dzva ɗa na ta imi ma ghwa na, ŋa navafta ni ka us.

Sabi 7:17 ပူးပေါင်းရင်းမြစ်များ

1Mgh 20:28

Ka lagha mnda Lazglafta ta vata mghama la Israʼila, kaʼa nda tsi mantsa: « Wya skwi mna Yawe: “Ka la Aram mnata na: Yawe ná, lazglafta ghwáha ya, lazglafta daɓiha a wu, ka həŋ. Dzaʼa vla vla yu ta inda na ndəghata sludziha na ma dzva gha, dzaʼa nda sna kuni kazlay na: Iʼi Yawe, kəʼa,” » kaʼa.

2Mgh 19:19

Ndanana, Yawe, Lazglafta ŋni, katap kata ta aŋni ma dzva Saŋheriv, ŋa snaŋta inda gá mgham ta ghəŋa haɗik kazlay kagha turtuktuk Lazglafta kəʼa, a Yawe! » kaʼa.

Sabi 1:22

Ka Firʼawna nda inda mnduha ni mantsa: « Inda zwaŋa zgun dzaʼa yagata lu mataba la Hebru ya ná, ka vzaghata kuni da ghwa Nil. Ama inda ya ka makwa, ka zlanata kuni nda hafu, » kaʼa.

Sabi 10:2

Mantsa ya tama, ŋa rusay gha ŋa zwana gha nda ya ŋa zighiha gha ya ka yu sunustá ima zgi ta la Masar, nda ya ka yu magatá ŋizlaha ɗa mataba taŋ. Tsaya dzaʼa kəl kuni ka snaŋta kazlay na iʼi Yawe kəʼa, » kaʼa.

Sabi 4:9

Ama ka zlghaf a həŋ nda tsa ŋizlaha his ya wu, snagha a həŋ wu, ka dzaʼa ka tigistá imi ma ghwa Nil, ka pghata ka ta ghwalata vli, dzaʼa nuna tsa imi dzaʼa tagista ka ma ghwa Nil ya ka us, » kaʼa.

Sabi 5:2

Ka Firʼawna mantsa: « Wa Yawe ŋa snay ɗa ta gwaɗa ni, ŋa zliŋta ɗa ta la Israʼila na? Sna a yu ta Yawe wa, haɗ yu ta zliŋtá la Israʼila guli wu, » kaʼa.

Sabi 6:7

Dzaʼa hlaf hla yu ta kaghuni ŋa nzakwa ghuni ka mnduha ɗa, ŋa nzakwa ɗa ka Lazglafta ghuni. Mantsa tama, dzaʼa snaŋ sna kuni kazlay Iʼi Yawe, Lazglafta ghuni, ta hlagaghunapta ma slna mbraku ma Masar.

Sabi 7:20

Ka magatá i Musa nda Haruna ta skwi ya mnanaf Yawe ta həŋ. Ka kapaftá tsi ta dafa ni ka dzuŋtá imi ma ghwa ta nghay i Firʼawna nda kwalvaha ni tani. Ka mbəɗavaftá inda imi ma ghwa, ka us.

Sabi 7:5

Dzaʼa snaŋ sna la Masar kazlay iʼi Yawe kəʼa, faf fər yu nda mbrakwa dzva ɗa ta la Masar, ka hlagaptá la Israʼila mataba taŋ, » kaʼa.

Danyel 4:17

Nda ngha kagha ta tsa fu ta glafta dagala, nda mbra ta zaghu za da ghuvaŋataluwa luwa ya, nda ngha inda mnduha ta ghəŋa haɗik tender guli.

Danyel 4:32

Haɗ ghəzliwa mnduha ta haɗik ta kəma ni wa. Manda skwi ya ndanaŋ tsi ta maga tsi nda bakwa gwal vulu ta luwa, nda mnduha ta haɗik tani. Haɗ mndu dzaʼa huzliŋtá dzva ni wu, dər ŋa mnanata kazlay nahgani na ta mag ka na? kəʼa nda tsi wa.

Danyel 5:21

Ka ghəzlaptá lu mataba mnduha, ka nutá ndana ni manda ŋa nimtak. Kawadaga nda kəɗihha ma mtak kəʼa ta nzaku. Ka zə tsi ta kuzuŋ manda ŋa slaha. Ka nzaku wuninik tida, ha ka snaŋta ni kazlay Lazglafta Dagala ta nzanaghatá ga mgham ta gə mnda səla kəʼa. Ta vlaŋ vla ta ga mgham guli ta mndu ya kumaŋ tsi.

Danyel 5:23

Mbaɗa ka ka pgha ghəŋ nda Mgham ta luwa. “Hlagiɗighawa hla ta leghwaha ni si ma həga ni ya,” ka ka nda kwalvaha. Ka sə kuni ta ghuzu tida, nda kagha tani, nda mnduha gha dagala dagala tani, nda miʼa gha tani, nda miʼa sanaghaha gha tani. Ta ghəŋa tsa guli ná, ka fə kuni ta laha ka zləzləva lazglaftaha ya tsaf lu nda kfura tseda, nda ya nda dasu, nda ya nda ghuva tili, nda ya nda kfur, nda ya nda udzu, nda ya nda pala tani. Tsa lazglaftaha ya ná, ngha a həŋ ta vli wu, sna a həŋ ta sləməŋ wu, sna a həŋ ta skwi ɗekɗek guli wa. Lazglafta ta ŋanatá hafa gha ma dzva ni, nda inda tva nzakwa gha tani ya ná, vlaŋ a ka ta glaku wa.

Suna Yuhwana 11:6

Mamu həŋ nda mbrakwa haghuta luwa, ŋa kwala imi nzaku ma tsa fitik ta klə həŋ ta lwa Lazglafta ya. Mamu həŋ guli nda mbrakwa mbəɗanafta imi guli ka us. Mamu həŋ nda mbrakwa gaktá ɗaŋwa ta ghəŋa mnduha ta ghəŋa haɗik ma fitik ya kumaŋ həŋ.

Suna Yuhwana 8:8

Ka vyatá tsa mahisa duhwala Lazglafta ya ta ŋa ni ma duli. Ka vzadatá lu ta sana skwi manda ghwá dagala ta draku da drəf. Ka mbəɗavaftá faway turtuk ma dgatá imi hkən, ka us.