Sabi 6:6 - Hdi

⁶ Tsaya tama ná, kla ta lwa ɗa ŋa la Israʼila kazlay na, “Iʼi ná, Yawe yu. Dzaʼa hlagaghunap hla yu ma slna mbraku ma Masar. Dzaʼa zluʼagaghunap zluʼa yu ma ga vuʼa ta gə həŋ ŋa ghuni. Nda tɗatá dzva ɗa ta mbruta, nda ya nda glakwa slna guma ɗa dzaʼa varagaghunapta yu.

Sabi 6:6 ပူးပေါင်းရင်းမြစ်များ

1Mgh 8:42

Dzaʼa snaŋ sna həŋ kazlay na, dagala glakwa hga gha, nda mbrakwa gha, nda slna dzva gha kəʼa saghər mayəm da maga duʼa nda təv na həga na.

2Mgh 17:36

ama Yawe ta hlagaghunapta ma haɗika Masar nda tɗatá dzva ni ta mbruta yeya dzaʼa kuni da zləŋay. Ta kəma ni dzaʼa tsəlɓa kuni ta tsəlɓu. Ŋa ni dzaʼa pla kuni ta ghəŋ.

1Rus 17:21

Mamu sana mndəra mndu dər turtuk ta ghəŋa haɗik manda mnduha gha la Israʼila ra? Ar Lazglafta, sasa ka da varatá həŋ ŋa nzakwa taŋ ka mnduha gha, ŋa tsaftá hga gha, nda ma magata gha ta skwiha ka makwitkwit nda mandərmimiha. Ka ghazliŋtá ka ta kəma mnduha gha varagap ka ma haɗika Masar ta mndəra sanlaha ma mnduha.

Nəhemiya 1:10

Kwalvaha gha həŋ, mnduha gha həŋ, varagagha ka nda mbrakwa gha dagala nda ya nda mbrakwa dzva gha.

Sabi 1:11

Mantsa ya, ka paghatá həŋ ta maliha ta ghəŋa slna ŋa huʼanaptá vgha ta la Israʼila ma fanaghatá slna ka mbraku ta həŋ, kəl həŋ ka banaftá Firʼawna ta luwaha guvur: Pitum nda Ramses.

Sabi 12:41

Hɗatá tsa vakuha fwaɗ dərmək nda hkən mbsak ya, baɗ tsaya, ka sliʼagaptá inda mnduha Yawe ka ghuɓa gwal vulu ma haɗika Masar.

Sabi 12:51

Baɗ va tsa fitik ya, ka hligiŋtá Yawe ta la Israʼila ma haɗika Masar, ka ghuɓa gwal vulu ka ghuɓa gwal vulu.

Sabi 13:14

Ka ɗawaghuna ɗawa zwana ghuni ta kəma dazlay, kabgawu ta kəl kuni ka magay na ka həŋ ya, ka kuni dzaʼazlay nda həŋ na: “Nda mbrakwa dzva ni hlagamapta Yawe ma ga vuʼa ma Masar.

Sabi 13:16

Dzaʼa nzakway ka ŋizla ta dzva ghuni, ka skwa havu ta bizlbizla kuma ghuni, ŋa havamakta kazlay na Yawe ta hlagamapta nda mbrakwa dzva ni ma Masar, » kaʼa.

Sabi 13:3

Ka Musa nda mnduha mantsa: « Havapwa hava ka na fitik ya sliʼagap kuni ma ga vuʼa ma Masar na. Nda mbrakwa dzva ni hlagaghunapta Yawe. Ta havə kuni ta na skalu na, yaha kuni da za buradi nda is mida.

Sabi 15:13

Ma zɗakwa gha, ka klə ka ta mnduha gha vara ka. Ka pghafta ka ta həŋ nda mbrakwa gha da vla nzakwa gha nda ghuɓa.

Sabi 16:6

Ka i Musa nda Haruna mnanatá inda la Israʼila mantsa: « Ga hawu gita dzaʼa snaŋta kuni kazlay Yawe ta hlagaghunapta ma haɗika Masar kəʼa.

Sabi 18:1

Yitru ná, mnda dra skwi ŋa Lazglafta ma Midyaŋ ya, tsatsi dzidza Musa. Ka snaŋtá tsi ta inda skwiha magana Lazglafta ta Musa, nda ya ŋa la Israʼila mnduha ni tani, ya ká Yawe hlagaptá la Israʼila ma Masar.

Sabi 2:11

Ma sana fitik, nda gla Musa ka duhwal tama, ka sliʼaftá tsi ka labi da nghanaghatá zwana ma ni la Hebru. Ka nghanatá tsi ta blakwa slna fanagha lu ta həŋ ŋa magay ka mbraku. Ka nghaŋtá tsi guli ta sana mnda la Masar ta dza sani mataba zwana ma ni la Hebru.

Sabi 3:17

Mantsa ya tama, dzaʼa hlap hla yu ta kaghuni ma na Masar ta sə kuni ta duni na, ka hlaghatá kaghuni ta haɗika la Kanʼana, nda la Het nda la Amuru, nda la Periz, nda la Hiv nda la Yəbus. Ta tsa haɗik ya ná, ta mbəzaku uʼa nda zuɗum mida.”

Sabi 3:8

Tsaya tama kəl yu ka saha da zluʼagaptá həŋ ma dzva la Masar. Dzaʼa hlaf hla yu ta həŋ ma Masar, ŋa hlaghata ɗa ta həŋ ta sana haɗik ká ka nda ɗinakwa ni, dagala guli, ta mbəzaku uʼa nda zuɗum mida. Tsa vli ya ná, haɗika la Kanʼana, nda la Het, nda la Amuru, nda la Periz, nda la Hiv, nda ya nda la Yəbus ya.

Sabi 32:11

Ka zbə Musa ta lɓanatá ŋuɗuf ta Yawe, Lazglafta ni, kaʼa mantsa: « Ari Yawe! kagha ta hlagaptá həŋ ma haɗika Masar nda glakwa mbrakwa dzva gha ta fərtuta. Ndanana ná, nda gufa ŋuɗufa gha ta ghəŋa mnduha gha, kabgawu na?

Sabi 6:2

Ka Lazglafta nda Musa guli mantsa: « Iʼi ná, Yawe yu.

Sabi 6:29

kaʼa nda tsi mantsa: « Iʼi ná, Yawe yu, mnana mna ta Firʼawna mghama Masar ta inda skwi ta mnaghata yu, » kaʼa.

Sabi 6:8

Tahula tsa, ŋa hladaghunamta ɗa da haɗik ya waɗata ŋa vlaŋtá Abraham, nda Izak, nda Yakubu. Dzaʼa vlaghuna vla yu ŋa ghuni. Iʼi ná, Yawe yu,” » kaʼa.

Sabi 7:4

Haɗ Firʼawna dzaʼa snaghunata wu. Mantsa ya dzaʼa kəl yu ka faftá dzvu ta Masar. Dzaʼa hlagap hla yu ka ghuɓa gwal vulu ka ghuɓa gwal vulu ta mnduha ɗa la Israʼila ma haɗika Masar, nda glakwa slna guma ɗa.

Sabi 7:5

Dzaʼa snaŋ sna la Masar kazlay iʼi Yawe kəʼa, faf fər yu nda mbrakwa dzva ɗa ta la Masar, ka hlagaptá la Israʼila mataba taŋ, » kaʼa.

Slna gwal ghunay 13:17

Lazglafta mnduha la Israʼila ta zbaptá dzidzíha mu ŋa ŋlanaftá həŋ, ma fitika nzakwa taŋ ta haɗika Masar. Ka hligiŋtá tsi ta həŋ ma tsa haɗik ya nda mbrakwa ni.

Vrafta ta zlahu 11:2

Snaŋwa sna gita, zwana ghuni a ta nghaŋta wu, ta snaŋtá zlahu zlah Yawe, Lazglafta ghuni wu, ama kaghuni ta nghaŋtá glakwa ni, nda mbrakwa dzva ni, nda tɗatá dzva ni,

Vrafta ta zlahu 15:15

Havakwa hava ta si nzakwa ghuni ka vuʼa ta haɗika Masar, ka varagaptá Yawe, Lazglafta ghuni ya. Tsaya ta kəl yu ka vlaghunata na gwaɗaha mnaghunaf yu gita na.

Vrafta ta zlahu 26:8

Ka hlagaŋnaptá Yawe ma Masar nda glakwa mbrakwa ni, nda ya nda tɗatá dzva ni, nda skwi ta ga zləŋ, nda ŋizlaha, nda mandərmimiha.

Vrafta ta zlahu 4:23

Ɗasuwa ka kuni, dá zanaptá kuni ta dzratá wa Yawe, Lazglafta ghuni nda kaghuni, dá tsaftá kuni ŋa ghəŋa ghuni ta skwa wuyay ta gara vgha nda tsatá dər wati ma skwi tsi pyaf tsi,

Vrafta ta zlahu 4:34

Ar mamu a sana lazglafta ta kaɗaŋta hlapta ŋa ŋa ni ta sana mndəra mndu mataba sana mndəra mndu, nda dzəghəha, nda mazəmzəmha, nda mandərmimiha, nda ya nda vuluha nda glakwa mbrakwa ni, nda ya nda tɗatá dzva ni, nda skwiha maga tsi dagala dagala ta ga zləŋ manda inda ya maga Yawe, Lazglafta ghuni ma Masar ta wa ira ghuni ya rki na?

Vrafta ta zlahu 5:15

Havap hava ka si ta nzakwa gha ka vuʼa ta haɗika Masar, ka klagaghaptá Yawe, Lazglafta gha nda glakwa mbrakwa ni, nda ya nda tɗatá dzva ni. Tsaya kəl Yawe, Lazglafta gha ka mnaghafta ka ŋanata ka ta fitika Sabat kəʼa.

Vrafta ta zlahu 6:12

Ɗasuwa ka kuni, dá zanaptá kuni ta Yawe ta hlagaghunapta ma Masar ma ga vuʼa ya.

Vrafta ta zlahu 7:19

Havakwa hava ta inda ghwazla ira taŋ ya ngha kaghuni, nda mazəmzəmha, nda mandərmimiha magana tsi ta həŋ, nda glakwa mbrakwa ni, nda tɗatá dzva Yawe, Lazglafta ghuni ma hlagaghunapta ni. Manda tsaya dzaʼa maganata Yawe ta mndəra mnduha má si dzaʼa kuni zləŋay.

Vrafta ta zlahu 7:8

Ama kabga ɗvuta Yawe ta kaghuni, ka hɗamta tsi ta skwi ya waɗana tsi ta dzidzíha ghuni. Tsaya kəl tsi ka hlagaptá kaghuni nda glakwa mbrakwa ni, ka hlagaghunapta, ka varagaptá kaghuni ma ga vuʼa ma dzva Firʼawna, mghama Masar.

Vrafta ta zlahu 9:29

Mnduha gha həŋ teʼuwa, skwa za həga gha hligiŋ ka ta həŋ ma Masar nda glakwa mbrakwa gha, nda ya nda tɗatá dzva gha həŋ. »