Sabi 5:6 - Hdi

⁶ Baɗ va tsa fitik ya, ka vlaŋtá Firʼawna ta zlahu ta maliha mataba la Masar ta nzanaghatá la Israʼila ya, nda la Israʼila ta nghapta ka zwana ma taŋ, kaʼa nda həŋ mantsa:

Sabi 5:6 ပူးပေါင်းရင်းမြစ်များ

2Rus 26:11

Mamu bakuha gwal vula Ghuziya prək ka kla huzla vulu. Pagha pagha lu ta həŋ ka baku ka baku manda ya mbəɗaf i Yəghiʼel mnda vindi, nda Maghaseya mali ta ghəŋa sludziha ta həŋ, mista Hananiya mala sludziha mgham.

Sabi 1:11

Mantsa ya, ka paghatá həŋ ta maliha ta ghəŋa slna ŋa huʼanaptá vgha ta la Israʼila ma fanaghatá slna ka mbraku ta həŋ, kəl həŋ ka banaftá Firʼawna ta luwaha guvur: Pitum nda Ramses.

Sabi 3:7

Ka Yawe mantsa: « Nda ngha yu kahwathwata ta sa duni ta sə mnduha ɗa ma Masar. Nda sna yu ta waha taŋ ta ghəŋa vəl ghuya ɗaŋwa ya ta ghuy gwal ta mara mbrakwa taŋ ta ghəŋa taŋ. Nda sna yu ta duni ta sə həŋ.

Sabi 5:10

Ka sliʼaftá tsa maliha ta nzanaghatá la Israʼila ya, nda tsa gwal ta nghapta ka zwana ma taŋ ya, da mnanatá la Israʼila. Ka həŋ mantsa: « Wya ka Firʼawna nda kaghuni: “Vləglaghunata a yu ta husu wa.

Sabi 5:19

Ka nghadaptá tsa la Israʼila ta nghapta ka zwana ma taŋ ya ná, ma ghuya ɗaŋwa həŋ katakata, kabga ka lu nda həŋ na: « Haɗ mbsaka brik dzaʼa kuni htanaghuta inda fitik guli wu, » ka lu nda həŋ.

Sabi 5:7

« Tazlay ná, kaghuni ta hlanaktá husu ta la Israʼila ŋa tsa brik. Ndana tama, ma hləglanak kuni ta həŋ, ka la hahəŋ ka ghəŋa taŋ da hlay.

Mbsak 11:16

Ka Yawe nda Musa mantsa: « Tskiha tska ta galata mnduha ndəfáŋ mbsak mataba la Israʼila, gwal graf ka kazlay na galata mnduha həŋ, mala mnduha həŋ kəʼa. Ka hladaghata ka ta həŋ da tumpula guyaku, ka sladata həŋ hada nda kagha.

Vrafta ta zlahu 1:15

Mantsa tama, ka hlaftá yu ta maliha ma inda mndəra ghuni, gwal nda ɗifil, gwal snaŋ lu ta həŋ, ka pghatá həŋ ka maliha ta ghəŋa mnduha dəmbuʼ dəmbuʼ sanlaha, nda dərmək dərmək sanlaha, nda hutaf mbsak hutaf mbsak sanlaha, nda ghwaŋ ghwaŋ sanlaha, ka gwal ta nghapta ma inda mndəra ghuni a tsi.

Vrafta ta zlahu 16:18

« Ka paghamta kuni ta gwal tsa guma, nda gwal nghapta ma inda mndəra ghuni ma inda luwaha dzaʼa vlaghunata Yawe, Lazglafta ghuni, ka tsanata həŋ tɗukwa ta guma ta mnduha.

Yəhusuwa 24:1

Ka tskanatá Yəhusuwa ma Səkem ta inda mndəra la Israʼila. Ka hagaŋtá tsi ta la galata mnduha taŋ, nda maliha taŋ, nda gwal tsanatá guma ta həŋ, nda gwal ta nghapta. Ka lagha həŋ maravata ta kəma Lazglafta.

Yəhusuwa 24:4

ŋa Izak guli, ka vlaŋtá yu ta i Yakubu nda Ghesav. Ka vlaŋtá yu ta Ghesav ta kwakwar ta ghwá Seghir ŋa nzakwa ni. Ama ka sliʼaftá i Yakubu nda zwana ni ka laha da nzata ma Masar.

Yəhusuwa 8:33

Inda la Israʼila, nda la galata mnduha taŋ tani, nda maliha taŋ tani, nda gwal tsanatá guma ta həŋ tani, nda zwana haɗik tani, nda la mayəm ma səla taŋ tani, inda tsa mnduha ya ta sladata nda ga slərpuha tsa akwata dzratá wa Yawe ya. Ka nzatá həŋ mbəŋ nda tsa la Levi gwal dra skwi ŋa Lazglafta ya ta kla tsa akwati ya. Gəts la Israʼila nda təv ghwá Gərizim. Gəts la Israʼila guli nda təv ghwá Gheval. Mantsa ya ka lu dzaʼa magata, ka Musa kwalva Yawe mnuta ŋa tfanaghatá wi ta la Israʼila.