Sabi 5:21 - Hdi

²¹ Ka həŋ nda həŋ mantsa: « Ka ngha Yawe ta skwi maga kuni, ka tsaghunagha tsatsi ta guma. Ziʼiŋnis ziʼa kuni ta wa ira Firʼawna, nda ya ta wa ira gwal ta ksanatá slna. Pghanam pgha kuni ma dzvu ta kafay ta həŋ ŋa pslatá aŋni, » ka həŋ.

Sabi 5:21 ပူးပေါင်းရင်းမြစ်များ

Zlrafta 16:5

Ka Saray nda Abram mantsa: « Nana razu raziha lu na ná, ta ghəŋa gha. Iʼi ta vlaghatá kurɗa ɗa ŋa markwa ghuni, ama nghanata ni ta zlghatá huɗa ni ná, ka zlrafta hərtətá iʼi! Ka tsa Yawe ta guma mataba ɗa nda kagha! » kaʼa.

Zlrafta 31:53

Ka nza i Lazglafta Abraham nda Lazglafta Nahur ŋa tsa guma mataba u, » kaʼa. Tsaya Lazglafta da taŋ. Ka waɗatá Yakubu nda hga Lazglafta ta tsəlɓu Da ni Izak ta tsəlɓu ŋa ni nda zləŋ nda zləŋ ya.

Zlrafta 34:30

Ka Yakubu nda i Simghuŋ nda Levi mantsa: « Magiha maga kuni ta ghwaɗaka skwi, ka niɗta ka ghwaɗaka mndu ta kəma na mnduha ta na haɗik na, i la Kanʼana, nda la Periz. Sira a mnduha ɗa wu, ŋa tskafta taŋ ta vgha ta iʼi, ka dzatá iʼi, ŋa zaɗihata taŋ nda la ga ini tani, » kaʼa.

2Sam 10:6

Ta nghə la Ghamuŋ ná, tsawaɗanaf tsawaɗa həŋ ta ŋuɗuf ta Dawuda nda tsa skwi maga həŋ ya. Ka hlaftá həŋ ta sludziha dəmbuʼ hisambsak (20.000) da la Aram Betʼrəhuv, nda la Aram Tsuva, dəmbuʼ turtuk (1.000) da mghama Maghaha, dəmbuʼ ghwaŋpəɗ his (12.000) da la Tuv ŋa play nda pla.

1Rus 19:6

Ta nghə la Ghamuŋ ná, tsawaɗanaf tsawaɗa həŋ ta ŋuɗuf ta Dawuda nda tsa skwi maga həŋ ya. Ka ghunaftá Hanuŋ nda la Ghamuŋ ta kiluʼa tsedi dəmbuʼ hkən mbsak (30.000) ŋa platá mwata plis nda gwal ta ŋla plis da la Aram ta kwakwara Mesuputami, nda la Aram ma Maghaha, nda ya ma Tsuva.

Sabi 14:11

Ka həŋ nda Musa mantsa: « Haɗ kulu ma Masar ra? Nya kəl ka hlagaŋnapta ŋa rwuta ŋni ma mtak na? Nya kəl ka ka hlagaŋnapta ma Masar?

Sabi 15:24

Ka zlraftá mnduha ta ruruŋwaku ta ghəŋa Musa, ka həŋ mantsa: « Nahgani dzaʼa ŋni da say na? » ka həŋ.

Sabi 16:2

Ma tsa mtak ya, ka ruruŋwu guyatá ghəŋa la Israʼila demdem ta ruruŋwaku ta ghəŋa i Musa nda Haruna,

Sabi 4:31

Ka zlghaftá la Israʼila ta tsa gwaɗaha ya. Ka snaŋtá həŋ kazlay nghanagha ngha Yawe ta la Israʼila kəʼa, nda ngha ta satá duna taŋ. Mantsa tama, ka tsəlɓatá həŋ ta haɗik, ka vlaŋtá glaku.

Sabi 5:20

Ka sab həŋ ma həga ga Firʼawna slanaghatá i Musa nda Haruna ta sladu hada ta kəzla həŋ.

Sabi 6:9

Ka rusanaftá Musa manda va tsaya ta la Israʼila, ama ka kwalaghutá həŋ ta snay, kabga nda hwaɗa ghəŋa taŋ da tsa ndəgakwa slna ta mag həŋ ya.

Mbsak 14:22

Haɗ ya ma inda na mnduha ta nghaŋtá glakwa ɗa, nda ŋizlaha maga yu ma Masar, nda ya ma mtak, ghwaŋ səla taŋ ta dzəghaŋtá iʼi, ka kwalaghutá sna gwaɗa ɗa na,

Mbsak 14:3

Kabgawu ta kəl Yawe ka kla aŋni da tsa haɗik dzaʼa rwaŋnata lu nda kafay ya na? Dzaʼa kasu kasa lu ta miʼa ŋni nda zwana ŋni. Ta dər má vra ŋni da Masar a wu ra? » ka həŋ.

1Sam 13:4

Ka snanaghatá tsi ta inda la Israʼila kazlay na zaɗana zaɗa Sawulu ta vla gwal vula la Filisti, ka tsawaɗanaftá tsi ta ŋuɗufa la Filisti, kəʼa. Ka lagha inda sludziha tskavata ta vata Sawulu ma Gilgal.

1Sam 27:12

Faf fa Ahis ta ghəŋ ta Dawuda, kaʼa ma ghəŋa ni mantsa: « Ndanana ná, ka skwa mbiɗa nzakwa ni da la Israʼila, mnduha ni. Dzaʼa nzakway tama ka kwalva ɗa ŋa ɗekɗek, » kaʼa.