Sabi 5:1 - Hdi

¹ Tahula tsa, ka lagha i Musa nda Haruna da Firʼawna, ka həŋ mantsa: « Ka Yawe, Lazglafta la Israʼila na: “Zliŋ zla ta mnduha ɗa ka dzaʼa həŋ skalihatá skalu ma mtak,” » kaʼa.

Sabi 5:1 ပူးပေါင်းရင်းမြစ်များ

1Mgh 21:20

Ɓhadaghata Iliya, ka Ahav nda tsi mantsa: « Sləgləɗigha sla ka ɓa, a ghuma ɗa? » kaʼa. Kaʼa mantsa: « Sləglaghagha sla yu, kabga skwap skwa ka ta ghəŋa gha ŋa maga ghwaɗaka skwi ta wa ira Yawe.

Sabi 10:3

Ka lagha i Musa nda Haruna da Firʼawna, ka həŋ nda tsi mantsa: « Ka Yawe, Lazglafta la Hebru wa: “Ha yawu dzaʼa gɗavata ka ma kwal kul dzagatá ghəŋ ta kəma ɗa na? Zlana zla ta mnduha ɗa ka sliʼa həŋ, ka tsəlɓa həŋ ta tsəlɓu ŋa ɗa.

Sabi 10:4

Ka kwalaghu kwala ka ta zliŋtá həŋ katsi, dzaʼa zligiŋ zla yu mahtsim ta hiʼa maya ta kwakwara gha.

Sabi 10:9

Ka Musa Mantsa: « Dzaʼa sliʼi ŋni nda duhwalha ŋni tani, nda galata mnduha ŋni tani, nda zwana ŋni zgwana nda kwagha ŋni tani. Mantsa rina fisika ŋni nda slaha ŋni tani, kabga nda ra ka dzaʼa ŋni da skalanatá skalu ta Yawe, » kaʼa.

Sabi 3:18

Dzaʼa sna sna həŋ ta gwaɗa gha. Ŋa sliʼafta gha kawadaga nda tsa la galata mnduha la Israʼila ya slanaghatá mghama Masar. Ka kuni dzaʼazlay nda tsi na: “Yawe, Lazglafta la Hebru, ta guyata nda aŋni. Ndanana ta ndəɓa dzvu ŋni da kagha, zlaŋna zla ka dzaʼa ŋni za fitik hkən ta mbaɗa ma mtak, da planatá ghəŋ ta Yawe, Lazglafta ŋni.”

Sabi 33:13

Ndanana, kdəkkdək, ka si zɗəgagha zɗa yu ya, mariha mara ta nzakwa gha, kada snaŋta yu ta kagha dar, ŋa mutsafta ɗa ta zɗakatahuɗa gha. Ma zanap ka guli kazlay mndəra na mnduha na ná, mnduha gha ya kəʼa, » kaʼa.

Sabi 4:23

Ka yu si nda kagha na: Zliŋ zla ta zwaŋa ɗa ŋa dzaʼa ni da tsəlɓu ŋa ɗa ka yu, ama ka kwalaghuta ta zliŋta. Mantsa tama, dzaʼa dza dza yu ta zwaŋa gha, zumala gha,” » kaʼa.

Sabi 6:11

« La! ka mnanata ka ta Firʼawna mghama Masar. Ka zliŋ zla tsi ta la Israʼila ta haɗika ni ka ka nda tsi, » kaʼa.

Sabi 6:27

Hahəŋ gwal ta gwaɗganatá Firʼawna, mghama Masar, ŋa hligiŋtá la Israʼila ma haɗika Masar. Va tsa i Musa nda Haruna yeya.

Sabi 7:16

Ka ka dzaʼazlay nda tsi mantsa: “Yawe, Lazglafta la Hebru, ta ghunaktá iʼi da kagha. Kaʼa na: Zliŋ zla ta mnduha ɗa ka dzaʼa həŋ da tsəlɓu ŋa ɗa ma mtak,” kaʼa, ama ha gita ka kwalahutá ka ta snata.

Sabi 7:2

Kagha dzaʼa mna inda skwiha dzaʼa mnaghafta yu, ŋa vray zwaŋama gha Haruna ta tsa gwaɗa ya ŋa Firʼawna, ŋa mbəl zliŋta ni ta la Israʼila ma haɗika ni.

Sabi 8:1

Ka Yawe nda Musa mantsa: « Mnana mna ta Haruna, ka tɗapta tsi ta dzvu ka fadaptá dafa ni ta ghəŋa zalaha, nda ghwaha, nda drəfha, ŋa sliʼaganapta kləŋha təɓsaʼ ta haɗika Masar, » kaʼa.

Sabi 8:16

Ka Yawe nda Musa mantsa: « Ka tsavafta ka wrək sərɗək mahtsim, ka lagha slanaghata Firʼawna ta fitika saba ni ŋa dzaʼa ta wa ghwa ya. Ka ka dazlay nda tsi: “Ka Yawe na: Zliŋ zla ta mnduha ɗa ka dzaʼa həŋ da tsəlɓu ŋa ɗa.

Sabi 8:17

Ka zliŋ a ka ta həŋ wu katsi, dzaʼa zligiŋ zla yu ta zuɗiha tuvulvulvul ta kagha, nda kwalvaha gha tani, nda mnduha gha tani, nda ya ta ghəŋa həgaha gha tani. Dzaʼa ndaghaganap ndagha həŋ ta həgaha la Masar, nda inda vliha ya nza nza həŋ.

Sabi 8:20

Ka magatá Yawe manda va ya mna tsi. Ka sliʼadaghata zuɗiha tuvulvulvul bəɗukw da həga ga Firʼawna, nda ya da həga kwalvaha ni, nda ya ta haɗika Masar demdem. Ka ɓadzanatá tsa zuɗiha ya ta vli katakata ta haɗika Masar.

Sabi 8:27

Ka magatá Yawe manda ya ɗawaŋ Musa da tsi, ka zlanatá tsa zuɗiha tuvulvulvul ya ta Firʼawna, nda kwalvaha ni tani, nda mnduha ni tani. Haɗ zuɗi ta pɗata dər turtuk wa.

Sabi 9:1

Ka Yawe nda Musa mantsa: « La slanaghatá Firʼawna, ka ka nda tsi na: “Ka Yawe, Lazglafta la Hebru nda kagha wa: Zliŋ zla ta mnduha ɗa ka sliʼa həŋ da tsəlɓu ŋa ɗa.

Sabi 9:2

Ka kwalaghu kwala ka ta zliŋtá həŋ, ka ŋaghutá həŋ katsi,

Mata 10:18

Dzaʼa hlay lu ta kaghuni, kabga gwaɗa ta iʼi ta kəma ŋumna nda ya ta kəma mghamha. Ŋa nzakwa ghuni ka masləmtsəka ɗa ta kəma taŋ, nda ya ta kəma sanlaha ma mndəra mnduha.

Mata 10:28

Ma zləŋ kuni ta gwal ta dzatá sluʼuvgha ta kwal kul laviŋta dzatá hafu. Lazglafta ta laviŋta zaɗanatá sluʼuvgha nda hafu tani ma həga vu ya ŋa zləŋay katək.

Slna gwal ghunay 4:29

Ndanana Mghama ɗa, ngha ka həŋ ta lma aŋni ɓa. Vlaŋ vla ta mbraku ta vuʼaha gha ŋa mna gwaɗa gha nda tatá us ta iri.

1Kwa 5:8

Ma zə mu ta tsa skala *Pak nda buradi nda is ŋa ghalya mida ya. Tsa is ya ná, maga ghwaɗaka skwi ya. Zama za nda buradi kul haɗ is mida ta nzakway ka vərɗa ni dzeʼdzeʼ ya. Nda ŋuɗuf ya nda ghuɓa, tɗukwa.