Sabi 4:8 - Hdi

⁸ Ka Yawe nda tsi mantsa: « Ka zlghaghaf a həŋ wu, snagha a həŋ kulam nda va tsa taŋtaŋa ŋizla ya wu katsi, dzaʼa zlghaf zlgha həŋ nda tsa mahisa ni ya.

Sabi 4:8 ပူးပေါင်းရင်းမြစ်များ

2Mgh 5:7

Tahula dzaŋafta mghama la Israʼila ta tsa ɗelewer ya, ka kuhiŋtá tsi ta lguta ni, kaʼa mantsa: « Lazglafta yu, ŋa laviŋta ɗa ta dzatá mndu ka mbanaftá mndu a tsi ra? Kəl tsi ka mnay ŋa ɗa kazlay ka mbanafta yu ta mndu nda ksa da ghwaɗaka lku kəʼa ra? Nghawa ká na mndu na ta zba ghazeŋzeŋ nda iʼi ɓa! » kaʼa.

Sabi 4:28

Ka rusanaftá Musa ta Haruna ta inda gwaɗa mnana Yawe taghunafta ya, nda inda ŋizlaha mnana tsi ŋa magay.

Sabi 4:7

Ka Yawe nda Musa guli mantsa: « Vradanam vra ta dzva gha ta gərzla ghuva gha, » kaʼa. Ka vradanamtá tsi ta dzva ni ta gərzla ghuva gha, ka vravaftá dzva ni manda va vla ni.

Sabi 4:9

Ama ka zlghaf a həŋ nda tsa ŋizlaha his ya wu, snagha a həŋ wu, ka dzaʼa ka tigistá imi ma ghwa Nil, ka pghata ka ta ghwalata vli, dzaʼa nuna tsa imi dzaʼa tagista ka ma ghwa Nil ya ka us, » kaʼa.

Yuhwana 12:37

Kulam nda tsa mazəmzəmha mamaga tsi ta wa ira taŋ ya, ka kwalaghutá həŋ ta zlghafta.

Vrafta ta zlahu 32:39

Nghawa ɓa, iʼi ná, iʼi ya, haɗ sana Lazglafta ta ghəŋa iʼi wa. Iʼi ta dzata, iʼi ta zlaŋta nda hafu guli. Iʼi ta balanata, iʼi ta mbanafta. Haɗ mndu dzaʼa zluʼapta ma dzva ɗa wa.

Gwal tsa guma 6:17

Ka Gidghuŋ nda tsi mantsa: « Ka kahwathwata mutsaf mutsa yu ta zɗakatahuɗa gha katsi, mariha mara ta ŋizla ta maraŋta kazlay, kagha Yawe ya ta gwaɗa nda iʼi kəʼa.