Sabi 4:31 - Hdi

³¹ Ka zlghaftá la Israʼila ta tsa gwaɗaha ya. Ka snaŋtá həŋ kazlay nghanagha ngha Yawe ta la Israʼila kəʼa, nda ngha ta satá duna taŋ. Mantsa tama, ka tsəlɓatá həŋ ta haɗik, ka vlaŋtá glaku.

Sabi 4:31 ပူးပေါင်းရင်းမြစ်များ

Zlrafta 17:3

Ka zləmbatá Abram zlumbruh ta haɗik. Ka Lazglafta nda tsi guli mantsa:

Zlrafta 24:26

Ka dzatá tsa mndu ya ta ghəŋ ka tsəlɓatá ta kəma Yawe,

Zlrafta 29:32

Ka zlghaftá Leʼa ta huɗi, ka yatá tsi ta zwaŋa zgun, ka tsanaftá tsi ta hga ni ka Rubeŋ, kaʼa mantsa: « Nghadap ngha Yawe ta htanata lu ta iʼi, dzaʼa ɗvu ɗva zəʼala ini ta iʼi ndana tama, » kaʼa.

Zlrafta 50:24

Ka Yusufu nda zwana ma ni mantsa: « Dzaʼa mtaku yu. Lazglafta dzaʼa kata kaghuni kahwathwata, dzaʼa sliʼaghunaf sliʼa ma Masar, ŋa hlay ni ta kaghuni ta haɗik ya waɗana tsi ta vlaŋtá i Abraham, nda Izak, nda Yakubu.

1Rus 29:20

Tahula tsa, ka Dawuda nda inda guyatá ghəŋ mantsa: « Kdəkwakdək! Rfanaghawa rfa ta Yawe, Lazglafta ghuni, » kaʼa. Ka rfanaghata inda guyatá ghəŋ ta Yawe, Lazglafta dzidzíha taŋ. Ka dzadzatá həŋ ta ghəŋ, ka tsətsəlɓata ta kəma Yawe, nda ya ta kəma mgham.

2Rus 20:18

Ka dzadatá Yəhusafat ta kuma ta haɗik, ka zlambatá inda la Yuda, nda la Ursalima ta kəma Yawe ŋa vla glaku ŋa ni.

2Rus 32:8

Mbrakwa sluʼuvgha kweŋkweŋ ŋa gwal kawadaga nda tsa mgham ya, ama kawadaga nda amu, mamu Yawe, Lazglafta mu, dzaʼa sagha da kata amu, dzaʼa vulamatá vulu, » kaʼa. Ka vlaŋtá tsa gwaɗa Hizkiya mghama la Yuda ya ta mbraku ta mnduha.

2Rus 7:3

Ka nghə inda la Israʼila ta saha vu nda glakwa Yawe ta tsa həga Lazglafta ya. Ka tsəlɓatá həŋ ta daɓi, ka dzadzatá kuma ta haɗik, ka tsəlɓu həŋ ta tsəlɓu, ka zləzləva Yawe, ka həŋ mantsa: « Ŋərma ya, ta gɗava gɗa zɗakwa ni ŋa ɗekɗek! » ka həŋ.

Nəhemiya 8:6

Ka rfanaghatá Izra ta Yawe, Lazglafta dagala. « Amin! Amin! » ka mnduha demdem kapaftá dzva taŋ. Ka tsəlɓatá həŋ ka zlambata zluzlumbruh ta kəma Yawe.

Sabi 12:27

ka kuni dzaʼazlay nda həŋ na: “Tsaya skwa pla ghəŋa ka Pak ŋa Yawe kabga tsughwaɗaghuta ni ta həga la Israʼila ma Masar ma fitika dzuŋta ni ta Masar. Ama ka zluŋtá tsi ta həgaha amu,” » kaʼa. Ka tsəlɓatá la Israʼila ka zlambata zluzlumbruh.

Sabi 14:31

Ka nghaŋtá la Israʼila ta glakwa slna dzva Yawe ta maganatá la Masar. Ka zləŋatá həŋ ta Yawe, ka faftá həŋ ta ghəŋ tida, nda ya ta ghəŋa kwalva ni Musa guli.

Sabi 19:8

Ka tsuʼaftá mnduha demdem ta wi ka skwa turtuk, ka həŋ mantsa: « Inda skwi mna Yawe ná, dzaʼa magay ŋni, » ka həŋ. Ka vraŋtá Musa ta zlgha wa mnduha ta Yawe.

Sabi 19:9

Ka Yawe nda Musa mantsa: « Wya yu dzaʼa lagha ma kusay tɗik katakata slaghaghata, kada snaŋta mnduha ta iʼi ta gwaɗa nda kagha. Mantsa tama, dzaʼa faf fa həŋ ta ghəŋ ta kagha ŋa ɗekɗek, » kaʼa. Ka mnanatá Musa ta Yawe ta zlgha wa mnduha.

Sabi 2:25

Ka nghanaghatá Lazglafta ta la Israʼila. Ka snaŋtá Lazglafta ta nzakwa taŋ.

Sabi 3:16

La! ka tskanata ka ta la galata mndu mataba la Israʼila, ka mnanata ka ta həŋ: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu, ta zlagagapta da iʼi. Kaʼa nda iʼi mantsa: Nghaghunagha ngha yu kahwathwata, nda ngha yu ta skwi ta mag lu ŋa ghuni ma Masar.

Sabi 3:18

Dzaʼa sna sna həŋ ta gwaɗa gha. Ŋa sliʼafta gha kawadaga nda tsa la galata mnduha la Israʼila ya slanaghatá mghama Masar. Ka kuni dzaʼazlay nda tsi na: “Yawe, Lazglafta la Hebru, ta guyata nda aŋni. Ndanana ta ndəɓa dzvu ŋni da kagha, zlaŋna zla ka dzaʼa ŋni za fitik hkən ta mbaɗa ma mtak, da planatá ghəŋ ta Yawe, Lazglafta ŋni.”

Sabi 3:7

Ka Yawe mantsa: « Nda ngha yu kahwathwata ta sa duni ta sə mnduha ɗa ma Masar. Nda sna yu ta waha taŋ ta ghəŋa vəl ghuya ɗaŋwa ya ta ghuy gwal ta mara mbrakwa taŋ ta ghəŋa taŋ. Nda sna yu ta duni ta sə həŋ.

Sabi 33:10

Na nghaŋta inda mnduha ta tsa sundula kusay ta nzuŋta ta wa tgha tsa tumpul ya, zlambata inda mndu zluzlumbruh, dər wa ta wa tgha tumpula ni.

Sabi 34:8

Gi ka zləmbata Musa zlumbruh ta haɗik, ka tsəlɓata.

Sabi 4:5

« Ka maga ka mantsa ya, kada grafta həŋ kazlay zlagap zlaga, iʼi Yawe, Lazglafta dzidzíha taŋ, Lazglafta Abraham, Lazglafta Izak, Lazglafta Yakubu da kagha kəʼa, » kaʼa.

Lukwa 1:68

« Zləzlvama Mgham Lazglafta la Israʼila kabga sagha ni da kataŋtá mnduha ni, ka varatá tsi ta həŋ.

Lukwa 8:13

Sanlaha ma mnduha guli ná, manda kluluh rkaf hulfa tida həŋ, snaŋta taŋ ta gwaɗa Lazglafta, gi zlghafta taŋ nda rfu, ama haɗ həŋ ta zlaŋtá vli ŋa dzugwamta tsa gwaɗa ya ta slrəŋ ma ŋuɗufa taŋ wa. Ka dzəghaŋ dzəgha skwi ta həŋ, gi suwak zlaŋta taŋ ta zlghay nda ŋuɗufa taŋ.

Rut 1:6

Mantsa tama, ka sliʼaftá Naghumi ŋa zlanatá haɗika Muwav kawadaga nda ghwaʼaliha ni, kabga sniŋta ni ta mnay ta haɗika Muwav kazlay zɗanaŋ zɗa Yawe ta huɗi ta mnduha ni ka vlaŋtá skwa zay ta həŋ kəʼa.