Sabi 4:1 - Hdi

¹ Ka Musa mantsa: « Wya zlghafta a həŋ wu, snata a həŋ ta gwaɗa ɗa guli wa. “Zlagagap a Yawe ta kəma gha wu!” ka həŋ dzaʼazlay nda iʼi, » kaʼa.

Sabi 4:1 ပူးပေါင်းရင်းမြစ်များ

1Mgh 13:3

Baɗ tsa fitik ya, ka snanamtá mnda Lazglafta ta Yaruvgham ta skwa mandərmimi dzaʼa magaku, kaʼa mantsa: « Dzaʼa tutá gwir, ŋa wutsuta hutiɗif lmus si tida ta haɗik, » kaʼa. Tsaya dzaʼa kəl kuni ka snaŋta kazlay na Yawe ta gwaɗata kəʼa.

Sabi 2:14

Ka tsa mndu ya nda tsi mantsa: « Wa ta faghamta ka mala ŋni ŋa tsa guma ta ghəŋa aŋni na? Ari ta kumay a ka ta dzihata manda tsa dzata gha ta mnda la Masar ya guli na? » kaʼa. Ka Musa ma ghəŋa ni mantsa: « A nda sna lu ta skwi maga yu, » kaʼa. Ka ksaftá zləŋ.

Sabi 3:15

« Ka ka dzaʼazlay nda la Israʼila guli na: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu ta ghungiɗaghata da kaghuni.” Tsaya hga ɗa ŋa kɗekedzeŋ. Nda tsa hgu ya dzaʼa hava inda zivira mnduha ta Iʼi.

Sabi 3:16

La! ka tskanata ka ta la galata mndu mataba la Israʼila, ka mnanata ka ta həŋ: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu, ta zlagagapta da iʼi. Kaʼa nda iʼi mantsa: Nghaghunagha ngha yu kahwathwata, nda ngha yu ta skwi ta mag lu ŋa ghuni ma Masar.

Sabi 3:18

Dzaʼa sna sna həŋ ta gwaɗa gha. Ŋa sliʼafta gha kawadaga nda tsa la galata mnduha la Israʼila ya slanaghatá mghama Masar. Ka kuni dzaʼazlay nda tsi na: “Yawe, Lazglafta la Hebru, ta guyata nda aŋni. Ndanana ta ndəɓa dzvu ŋni da kagha, zlaŋna zla ka dzaʼa ŋni za fitik hkən ta mbaɗa ma mtak, da planatá ghəŋ ta Yawe, Lazglafta ŋni.”

Sabi 4:10

Ka Musa nda Yawe mantsa: « Nawa nawa! mghama ɗa, kdəkkdək, sna a yu ta gwaɗa wu. Dər ɗahawu, dər beʼetsa, dər daga ghalya ha ka sagha ta na fitik gwaɗgana ka ta kwalva gha ná, pərɗaf a yu ta snaŋtá gwaɗa wu. Laviŋ a yu ta guna wi ka gwaɗa wu, ɗukɗukwa ghanika ɗa ka gwaɗa, » kaʼa.

Sabi 4:30

Ka rusanaftá Haruna ta həŋ ta inda gwaɗa mnanaf Yawe ta Musa. Magaŋha Musa guli ta ŋizlaha ta kəma la Israʼila.

Sabi 4:31

Ka zlghaftá la Israʼila ta tsa gwaɗaha ya. Ka snaŋtá həŋ kazlay nghanagha ngha Yawe ta la Israʼila kəʼa, nda ngha ta satá duna taŋ. Mantsa tama, ka tsəlɓatá həŋ ta haɗik, ka vlaŋtá glaku.

Sabi 6:12

Ka Musa nda Yawe mantsa: « La Israʼila sna a həŋ ta gwaɗa ɗa wu ná, Firʼawna yeya dzaʼa snihata rki, ta iʼi kul laviŋtá gwaɗa? » kaʼa.

Sabi 6:30

Ka Musa ta kəma Yawe mantsa: « Laviŋ a yu ta gwaɗa wu, walaŋta a Firʼawna ta fatá sləməŋ ka sna gwaɗa ɗa wu! » kaʼa.

Slna gwal ghunay 7:25

Ba dzaʼa nda sna zwana ma ɗa kazlay: Iʼi fa Lazglafta ŋa mbanaftá həŋ kəʼa, ka tsatsi si ta ndanay, tsaw sna a hahəŋ wa.

Gwal tsa guma 6:17

Ka Gidghuŋ nda tsi mantsa: « Ka kahwathwata mutsaf mutsa yu ta zɗakatahuɗa gha katsi, mariha mara ta ŋizla ta maraŋta kazlay, kagha Yawe ya ta gwaɗa nda iʼi kəʼa.