Sabi 32:8 - Hdi

⁸ Gi misimmisim, zluŋ zla həŋ ta tvi ya mnanaf yu ta həŋ. Ka slraftá həŋ ta mamakwa sla ŋa ghəŋa taŋ nda kfur nwap lu, ka tsəlɓu ta kəma ni, ka pla ghəŋ ŋa ni. Ka həŋ mantsa: “Israʼila, wana lazglaftaha gha ta hlagaghunapta ma haɗika masar,” ka həŋ. »

Sabi 32:8 ပူးပေါင်းရင်းမြစ်များ

1Mgh 12:28

Tahula ɗaɗawaŋta ni ta hiɗaku, ka tsatsaftá mgham ta mamakwa slaha his ka dasu, kaʼa nda mnduha mantsa: « Ariwa la Israʼila! Nda kɗa fitika ghuni ta ŋlu da Ursalima, wya lazglaftaha ghuni ta hlagaghunafta ma haɗika Masar, » kaʼa.

Nəhemiya 9:18

kulam nda slranafta taŋ ta ghəŋa taŋ ta mamakwa sla nda kfur nwap həŋ. Ka həŋ mantsa: « Wana Lazglafta gha ta klagaghapta ma Masar, » ka həŋ. Ma tsa magata taŋ mantsa ya, razagharaza həŋ katakata,

Sabi 20:23

Ma tsatsaf kuni ŋa ghəŋa ghuni ta sana lazglaftaha ka kfura tsedi nda ya ka dasu, ma magaɗiva kuni.

Sabi 22:20

Yaha kuni da tsaghutá mayəm ta nzaku mataba ghuni, yaha kuni da ganap tiri ta həŋ, kabga si ta ga mayəm kaghuni guli ta haɗika Masar.

Sabi 32:4

Ka zlghaghuta tsi da həŋ, ka pghamtá tsa dasu ya ma ghəzla ka nwapta, ka tsaftá mamakwa sla. Tahula tsa, ka həŋ mantsa: « Israʼila, wana lazglaftaha gha ta hlagaghunafta ma haɗika Masar! » ka həŋ.

Sabi 34:15

Ma dzraf kuni ta wi nda mnduha ma tsa haɗik ya. Hahəŋ ná, ta maga sliʼiŋsliʼiŋ həŋ nda ma tsəlɓu ŋa lazglaftaha taŋ. Ta pla ghəŋ həŋ ŋa lazglaftaha taŋ guli. Kawayaka skwi dzaʼa hga gha hga sana mndu mataba taŋ, dzaʼa zuza ka ta skwa pla ghəŋa taŋ.

La Levi 17:7

Haɗ həŋ dzaʼa pləgəltá ghəŋ ŋa skwa wuyay, tsa tsaf həŋ manda ɗaslakwa tsatá dugzumha ta mag həŋ ta sliʼiŋsliʼiŋ nda tsi ya wa. Tsaya tva skwi ŋa magay taŋ ŋa ɗekɗek ha ma zivir ma zivira taŋ.

Vrafta ta zlahu 32:17

Ka plə həŋ ta ghəŋ ŋa ghwaɗaka sulkumha, ka zluŋtá Lazglafta, ŋa lazglaftaha si kul snaŋta həŋ, ta sagha matsna ka lfiɗ, si kul zləŋaŋtá dzidzíha taŋ.

Vrafta ta zlahu 9:12

Ka Yawe nda iʼi mantsa: “Sliʼaf sliʼa hadna ka laha ka misimmisim, kabga tsa mnduha gha hlagap ka ma Masar ya ná, gaga həŋ ta dmaku dagala. Vagim zluŋ zla həŋ hada hada ta tvi ya mnana yu ta həŋ, ka laghwi da slraftá skwa wuyay nda kfur nwap lu ŋa ghəŋa taŋ,” kaʼa.

Vrafta ta zlahu 9:16

Ta nghə yu ná, gana ga kuni ta dmaku ta Yawe, Lazglafta ghuni ma slranaftá ghuni ta ghəŋa ghuni ta mamakwa sla ka kfur nwap lu. Ka gi zluŋtá kuni ta tvi ya mnaghuna Yawe, Lazglafta ghuni.

Yəhusuwa 22:15

Ka lagha həŋ slanaghatá mndəra la Rubeŋ, nda mndəra la Gat, nda rita mndəra la Mənase ta haɗika Gilghat. Ka həŋ nda həŋ mantsa:

Gwal tsa guma 2:17

Ama haɗ həŋ ta fanatá sləməŋ ta dər gwal tsanatá guma ta həŋ wu, kabga ta maga sliʼiŋ sliʼiŋ həŋ nda ma tsəlɓanatá tsəlɓu ta sanlaha ma lazglaftaha. Ta gi tsughwaɗaghu tsughwaɗa həŋ ta tvi ya si ksaf dzidzíha taŋ. Haɗ həŋ ta sna zlaha Yawe manda ŋa taŋ wa.

Gwal tsa guma 8:24

Tahula tsa, ka Gidghuŋ nda həŋ mantsa: « Ta kumay yu ta ɗawaŋtá sana skwi da kaghuni: Kalaɗifwa kala inda kaghuni ta halagarha mataba skwiha zləɗa kuni! » kaʼa. Mamu halagarha ka dasu si da tsa ghumaha ya, kabga la Yismaghel həŋ.