Sabi 32:32 - Hdi

³² Ama kdəkkdək, plana pla ta dmakwa taŋ. Ka mantsa a tsi wu, hərɗiŋ hərɗa ta hga ɗa ya vindam ka ma ɗelewera gha, » kaʼa.

Sabi 32:32 ပူးပေါင်းရင်းမြစ်များ

Sabi 32:10

Ndanana ná, zliha zla, nda gufa ŋuɗufa ɗa, dzaʼa zaɗanatá həŋ yu. Tahula tsa, dzaʼa yanaf ya yu ta mnduha gha da manaka taŋ, » kaʼa.

Danyel 12:1

« Ma tsa fitik ya, dzaʼa zlagapta Mikaʼel mali dagala ta katá mnduha gha. Dzaʼa nzakway tsa fitik ya ka mghama fitika sa duni. Daga ka yawu nzakwa mndəra mndu ha ka lagha ta tsa fitik ya, haɗ skwi ta kəɗ maguta manda tsaya wa. Ama ma tsa fitik ya dzaʼa ndapta mnduha gha nda vinda hga taŋ ma ɗelewer.

Mbsak 11:15

Ka manda nana ta magihata ka katsi, kdəkkdək ta dər dzihata gha. Ka si mutsaf mutsa yu ta zɗakatahuɗi ta wa ira gha katsi, ma nghəglaŋ yu ta na zləmnda fiɗagha ka na wu! » kaʼa.

Mbsak 11:25

Ka saha Yawe ma kusay ka gwaɗganata, ka klaʼatá tsi kiʼa ta sulkum ma Musa, ŋa fafamta ma tsa galata mnduha ndəfáŋ mbsak ya. Na tsa nzanzanaghata sulkum ta həŋ ya, ka zlraftá həŋ ta kla lwa Lazglafta, ama kɗaŋ a həŋ wa.

Mbsak 14:19

Wya dzvu, plana pla ta dmakwa na mnduha na, taɓta glakwa zɗakwa gha, manda va ya plana ka ta dmakwa na mnduha na daga ma Masar ha da hadna ya, » kaʼa.

Lukwa 10:20

Kulam nda tsa, ma rfu kuni ta rfu kabga snaghunata ghwaɗaka sulkumha ta gwaɗa, rfawa ta rfu ta ghəŋa vindatá hga ghuni ta luwa, » kaʼa nda həŋ.

Lukwa 23:34

Ka *Yesu mantsa: « Da! plana pla ta dmakwa taŋ, kabga sna a həŋ ta skwi ta mag həŋ wu, » kaʼa. Ka vzə həŋ ta vindima ŋa daguvustá lgutha ni.

La Ruma 9:3

ta ghəŋa zwana ma ɗa ta nzakway ka mndəra ini. Ta dər ma Ksiʼafta Lazglafta ta iʼi, ka dgihata nda Kristi, ta mbanaftá tsi ta hahəŋ, ka yu.

Vrafta ta zlahu 25:19

Mantsa ya tama, ka vlagha vla Yawe, Lazglafta gha ta mbiʼa vgha da ghumaha gha dər ndiga ta haɗik ya vlagha Yawe, Lazglafta gha ka skwa za həga gha, ŋa nzakwa ni ŋa ŋa gha ya, ka hərɗiŋta ka ta hga la Ghamalek ta ghəŋa haɗik, ha ŋa kwala lu havglaktá həŋ. Yaha ka da zanapta tsaya. »

Vrafta ta zlahu 29:20

Dzaʼa dgana dga Yawe nda inda mndəra la Israʼila ŋa slanaghata zləmnda, taɓta inda ksiʼa dzratá wi nda vinda ma na deftera zlahu na. »

Vrafta ta zlahu 9:14

Zliha zla ka zaɗanata yu ta həŋ, ka hərɗiŋta yu ta hga taŋ ta ghəŋa haɗik. Ama kagha, dzaʼa naghaf na yu ka mndəra mndu ta mbruta, ta ndəghuta ka malaghutá hahəŋ,” kaʼa.

Filip 4:3

Ka yu ta mnaghatá kagha guli gra ta ksa slna ɗa ná, wya dzvu, kataŋ kata ta tsa miʼaha ya. Nda tsa miʼaha ya, nda Klimaŋ, nda hamata gwal ta ksa slna kawadaga nda iʼi, dagala slna maga həŋ kawadaga nda iʼi, ghuy ghuya ŋni ta ɗaŋwa nda həŋ ta mna gwaɗa Lazglafta ŋa mnduha. Hahəŋ ná, vindaf vinda Lazglafta ta hga taŋ ma defteri ta vindi tsi ta hga gwal ta mutsa hafu.

Suna Yuhwana 17:8

Tsa nimtak nghə ka ya ná, si mamu ghalya, ama ta haɗ ndanana wa. Dzaʼa saf sa ma gudzuvruŋ ka dzaʼa da vla zaɗakwa ni. Mnduha ta nzaku ta ghəŋa haɗik, tsa gwal kul vindaku hga taŋ ma deftera hafu daga ma zlrafta ghəŋa haɗik, ya həŋ, ŋa ndermimay taŋ nda ndərmima nghaŋər həŋ ta tsa nimtak ya. Nziya nza tsi, si mamu tsatsi ghalya, ama ta haɗ ndanana wu, ta dzaʼa zlagap zlaga guli.

Suna Yuhwana 21:27

Haɗ skwi kul ghuɓaku dzaʼa lami da tsa luwa ya dər mndu ta vziŋtá ghəŋa ni ka maga manzakɗaway skwi, nda gwal ta tsakalawi wa. Ba gwal nda vinda hga taŋ ma deftera hafu da Zwaŋa Tuwak yeya dzaʼa lami.

Suna Yuhwana 22:19

Ka klanaghukla mndu ta sana skwi mataba gwaɗaha ma na defteri ta nzakway ka tsghatá lwa Lazglafta na katsi, dzaʼa klanaghukla Lazglafta ta mayaka ni ma yakwa tsa fwa hafu ya, nda ya nda tsa luwa nda ghuɓa ya, manda va ya nda vinda ma na defteri na.

Suna Yuhwana 3:5

« Mantsa ya dzaʼa suɗanavata lu ta lguta ŋusliŋ ta mndu dzaʼa zata ghwa. Haɗ yu dzaʼa walaŋta hərɗiŋta hga ni ma deftera ya vindam lu ta hga gwal nda hafu ŋa kɗekedzeŋ wa. Dzaʼa mnaŋ mna yu ta hga ni ta kəma Da ɗa, nda ya ta kəma duhwalha ni kazlay: Ŋa ɗa həŋ kəʼa.