30 Ga mahtsima ni, ka Musa nda mnduha mantsa: « Gaga kuni ta mghama dmaku. Ndanana, ka ŋla yu da Yawe, dzaʼa mutsay yu kasiʼi ta plighunista ni ta dmakwa ghuni, » kaʼa.
Kabgawu kəl ka ka hərtətatá gwaɗa Yawe, nda ma magatá ghwaɗaka skwi ta wa ira ni na? Dza dza ka nda kafay ta Uriya, mnda la Het, dza dza ka nda kafaya la Ghamuŋ, ka klutá ka ta markwa taŋ ka markwa ghuni.
Ma fitika zluʼanata Yawe ta kwakwar ta la Israʼila mista ga mghama la ga Dawuda ná, ka famtá la Israʼila ta Yaruvgham, zwaŋa Nəvat da mgham. Ka mbəɗiŋtá Yaruvgham ta la Israʼila diʼiŋ nda Yawe, ka hlamtá həŋ da mghama dmaku.
Ka Musa mantsa: « Nda fa kuni ŋa maga slna Yawe gita, kabga dzutskwaŋ a dər wa ma kaghuni ta dzata dər zwaŋa ni, dər zwaŋama ni wa. Tsaya kəl tsi ka vlaghunatá tfa wi gita, » kaʼa.
Kawayaka skwi, ma tsaya dzaʼa mbəɗanafta Lazglafta ta ndana ni, ŋa zlaŋta ni ta gufatá ŋuɗufa ni ta ghəŋa amu. Mantsa ya ná, rwuta a mu wu, ka kuni dazlay, » kaʼa.
Dzaʼa nzakway tsa dzratá wi ya ŋa granaftá nzakwa ni ka mndu ta maga slna dra skwi ŋa Lazglafta, nda zivira ni tani ŋa ɗekɗek, kabga skwaghutá ta draku ma vla Lazglafta ni, ka slərɓanaptá tsi ta zughu ta la Israʼila guli, » kaʼa.
Ka yu ta mnaghata na: Nda pla inda dmakwa na marakw na. Tsaya kəl tsi ka maraŋta ɗvuta ni ta iʼi dagala. Ka kiʼa planata lu ta dmakwa mndu ya, kiʼa ɗvu maraŋ tsa mndu ya guli. »
*Kristi ta varagamapta ma tsa ksiʼa zlahu ya, kabga niŋ na lu ka ksiʼatá mndu ŋa da manaka amu. Ka lu vindafta ma gwaɗa Lazglafta na: « Inda mndu zləŋaf lu ta udzu ná, nda ksiʼa, » kaʼa.
Mantsa ya tama, mnuvuswa dmakwa ghuni mataba ghuni, ka maga kuni ta duʼa da Lazglafta ta ghəŋa sani nda sani, kada mbaghunafta Lazglafta ma inda ɗaŋwaha ghuni. Maga duʼa mndu tɗukwa ná, ta ksay ta slna nda mbraku kahwathwata.
Fitika tska alkama ta vwah a na wu ra? Dzaʼa hgaŋ hga yu ta Yawe ŋa ŋəzlata luwa ŋa nzagatá ni ta imi. Mantsa ya dzaʼa kəl kuni ka grafta ka snaŋtá glakwa ghwaɗaka skwi magana kuni ta Yawe nda ma ɗawafta ghuni ta mgham da tsi, » kaʼa.
Ka inda mnduha nda Samuyel mantsa: « Ndəɓana ndəɓa ta dzvu ta Yawe, Lazglafta gha ta ghəŋa aŋni kwalvaha gha, kada kwala ŋni ta rwuta, kabga aŋni ta sganaghatá dmakwa ŋni, dmakwa ɗawaŋta ŋni ta mgham, » ka həŋ.
Ka Samuyel nda mnduha mantsa: « Ma zləŋ kuni ta zləŋ! Manda va tsaya nzakwa ni, gaga kuni ta inda tsa dmaku ya. Ama ma mbəɗana kuni ta hul ta Yawe. Maganawa maga ta slna ma hya hya ŋuɗufa ghuni.
Iʼi ná, va a yu ɗekɗek ta ganata ɗa ta dmaku ta Yawe, nda ma zlanata ɗa ta maga duʼa da tsi ta ghəŋa kaghuni wa! Katək na, dzaʼa gɗa gɗa yu ta taghaghunatá tvi tɗukwa, ndəɗapa.