Sabi 32:13 - Hdi

¹³ Havap hava ka kwalvaha gha i Abraham, nda Izak, nda Israʼila, waɗana ka ta həŋ kahwathwata ya. Ka ka nda həŋ na: “Dzaʼa yanaf ya yu ta hulfa ghuni tusak manda tekwatsaha ta luwa. Dzaʼa vlaŋ vla yu ta hulfa ghuni ta inda na haɗik mnə yu na, ŋa nzakwa ni ka ŋa taŋ ŋa ɗekɗek,” ka ka, » kaʼa.

Sabi 32:13 ပူးပေါင်းရင်းမြစ်များ

Zlrafta 12:2

Dzaʼa yagap ya yu ta ndəghata mndəra mndu ma kagha, dzaʼa tfaghagha tfa yu ta wi, dzaʼa ŋlanaf ŋla yu ta hga gha. Nda ma kagha dzaʼa mutsa sanlaha ta tfa wi.

Zlrafta 12:7

Ka maravatá Yawe ta kəma Abram, kaʼa nda tsi mantsa: « Dzaʼa vlaŋtá zivira gha yu ta na haɗik na, » kaʼa. Ka dzihwaftá Abram ta gwir ŋa Yawe ta zlagapta da tsi ya.

Zlrafta 15:18

Baɗu tsa fitik ya dzrafta Yawe ta wi nda Abram, kaʼa mantsa: « Nana haɗik na, sliʼafta ni ta wa lika Masar dikw ta wa mghama zala ta nzakway ka Yufratis, vlaŋ vla yu ta zivirha gha.

Zlrafta 15:5

Ka klagaptá tsi dzibil, kaʼa nda tsi mantsa: « Nghadaf ngha ta luwa, ka mbəɗafta ka ta tekwatsaha, ka dzaʼa laviŋ lava ka ta mbəɗafta, » kaʼa. Kaʼa guli mantsa: « Manda tsaya dzaʼa yafta zivira gha, » kaʼa.

Zlrafta 15:7

Kaʼa nda tsi mantsa: « Iʼi ná, Yawe yu, ta klagaghapta ma Ur ta haɗika Kaldiya, ŋa vlaghatá na haɗik na ŋa gha, » kaʼa.

Zlrafta 17:8

Dzaʼa vlagha vla yu ŋa gha nda zivira gha ta hula gha ta na haɗik ta nzaku ka mida ka mayəm na. Dzaʼa nzakway inda haɗika Kanʼana ka ŋa ghuni ŋa ɗekɗek. Dzaʼa nzakway yu ka Lazglafta tsa zivira gha ya, » kaʼa.

Zlrafta 22:16

kaʼa mantsa: « Waɗa waɗa vərɗa iʼi ka ghəŋa ɗa, ka Yawe mnata. Ta ghəŋa magata gha ta tsa skwi ya, kul sɗaɗifta nda zwaŋa gha kɗakwa ni turtuktuk ya,

Zlrafta 22:17

kahwathwata dzaʼa tfaghagha tfa yu ta wi, dzaʼa yaghaf ya yu ta zivira, dzaʼa nanaf na yu guli tusak manda tekwatsa ta luwa, manda wutak ta wa ghwa. Dzaʼa zaza zivira gha ta luwaha ghumaha ni.

Zlrafta 24:7

Yawe, Lazglafta ta luwa, ta klagaptá iʼi ma həga ga da ɗa, ta haɗika mndəra ini. Ka gwaɗgihata tsi, ka waɗihata vlaŋtá na haɗik na ta zivirha ɗa. Dzaʼa ghunaga ghuna vərɗa tsatsi ta duhwala ni ta kəma gha, Hada dzaʼa klanakta ka ta marakw ta zwaŋa ɗa.

Zlrafta 48:16

Tsatsi ta klaptá iʼi ma ghwaɗaka skwi, ka tfanagha tfa tsi ta wi ta na zwani na, əŋkaʼa ka hahəŋ dzaʼa kəl mnduha ka gɗata ta hga hga ɗa, nda ya, nda hga dzidzíha ɗa, i Abraham nda Izak, ka yafta həŋ ŋa nzakwa taŋ tusak ta ghəŋa haɗik, » kaʼa.

Sabi 13:11

Ka kəɗ Musa ta mnay: « Dzaʼa hladaghunam hla Yawe da haɗika la Kanʼana ya waɗaghuna tsi, kaghuni nda dzidzíha ghuni ya. Vlaghunata ni ya,

Sabi 13:5

Baɗ da ɓhadaghunamta Yawe da haɗika la Kanʼana, nda la Het, nda la Amuru, nda la Hiv, nda la Yəbus, tsa haɗik ya waɗa tsi ta vlaŋtá dzidzíha ghuni, ta mbəzaku uʼa nda zuɗum mida ya, wya skwi ŋa magay ghuni ma na tili na inda vaku:

Sabi 33:1

Ka Yawe nda Musa mantsa: « Sliʼaf sliʼa hadna kagha kawadaga nda na mnduha hlagaf ka ta haɗika Masar na, ka ŋla kuni ŋa dzaʼa ta tsa haɗik waɗana yu ta i Abraham, nda Izak, nda Yakubu ya kazlay dzaʼa vlaŋ vla yu ta zivira taŋ kəʼa nda həŋ ya.

La Levi 26:42

dzaʼa havak hava yu ta dzratá wa ɗa nda Yakubu, nda Izak, nda Abraham, ŋa havapta ɗa guli ka haɗika taŋ.

Vrafta ta zlahu 1:10

Yaghunaf ya Yawe, Lazglafta ghuni. Wana kuni gita tusak manda tekwatsaha ta luwa.

Vrafta ta zlahu 7:8

Ama kabga ɗvuta Yawe ta kaghuni, ka hɗamta tsi ta skwi ya waɗana tsi ta dzidzíha ghuni. Tsaya kəl tsi ka hlagaptá kaghuni nda glakwa mbrakwa ni, ka hlagaghunapta, ka varagaptá kaghuni ma ga vuʼa ma dzva Firʼawna, mghama Masar.

Vrafta ta zlahu 9:27

Havap hava ka kwalvaha gha i Abraham, nda Izak, nda Yakubu. Ma kulaf ka ta na təŋata ghəŋa na mnduha na, nda ɓədzakuha taŋ, nda dmakuha taŋ na.

Hebru 6:13

Ma fitika tanafta Lazglafta ta imi ta sləməŋ ta Abraham ná, ka waɗanatá tsi nda vərɗa htsiŋa ni, kabga haɗ sana mndu ta malaghutá tsatsi ŋa waɗanatani nda tsi wa.