Sabi 3:7 - Hdi

⁷ Ka Yawe mantsa: « Nda ngha yu kahwathwata ta sa duni ta sə mnduha ɗa ma Masar. Nda sna yu ta waha taŋ ta ghəŋa vəl ghuya ɗaŋwa ya ta ghuy gwal ta mara mbrakwa taŋ ta ghəŋa taŋ. Nda sna yu ta duni ta sə həŋ.

Sabi 3:7 ပူးပေါင်းရင်းမြစ်များ

Zlrafta 16:11

Ka duhwala Yawe nda tsi guli mantsa: « Wana nda huɗi ka, dzaʼa yaya ka ta zwaŋa zgun, ŋa tsanafta gha ta hga ni ka Yismaghel, kabga snaŋ sna Yawe ta tawa gha.

Zlrafta 18:21

Ta kumay yu ta laha da nghanata ka mnda va tsa ta wahu həŋ ta snaɗighata ya tsi. Ka mantsa a tsi wu, ka ghəŋ yu ka snanata, » kaʼa.

Zlrafta 21:17

Ka snaŋtá Lazglafta ta lwa tsa zwaŋ ya. Ka hgaŋtá duhwala Lazglafta daga ta luwa ta Hagar, kaʼa nda tsi mantsa: « Nya ní Hagar? Ma zləŋ ka ta zləŋ, kabga nda sna Lazglafta ta lwa zwaŋa gha ta taw ma vli ya hada tsi.

Zlrafta 29:32

Ka zlghaftá Leʼa ta huɗi, ka yatá tsi ta zwaŋa zgun, ka tsanaftá tsi ta hga ni ka Rubeŋ, kaʼa mantsa: « Nghadap ngha Yawe ta htanata lu ta iʼi, dzaʼa ɗvu ɗva zəʼala ini ta iʼi ndana tama, » kaʼa.

Zlrafta 31:12

“Ngha ɓa, inda dugzumha ta buhwa mana guha ná, wereh wereha həŋ, wərtsitsa wərtsitsa həŋ, nda zlawa nda zlawa ta həŋ. Nda nza mantsa ya kabga nda ngha yu ta skwi maga gha Lavaŋ.

Zlrafta 31:42

Ka má haɗ Lazglafta da ɗa, Lazglafta Abraham, Lazglafta ya ta tsəlɓu Izak ta tsəlɓu nda zləŋ nda zləŋ ŋa ni ya kawadaga nda iʼi wu katsi, má nda dzvu bətbət zliɗista ka. Ama ka nghadaptá Lazglafta ta ghuya ɗaŋwa ɗa, nda slna ya maga yu nda dzva ɗa. Girviɗik ɗahawu, ka kuratá ta tsihatá guma ni, » kaʼa.

2Sam 22:28

Ta mbay ka ta mnduha ta tulekaku, ta faf fa ka ta iri ta gwal ta gla ghəŋ, ka dzaganatá həŋ.

2Mgh 13:4

Ama ka taw Yəhuʼahaz ta taw da Yawe. Ka zlghanaftá Yawe ta tawa ni, kabga nda ngha ká mghama la Aram ta rəha la Israʼila.

2Mgh 20:5

« Vra mnanatá Hizkiya, mala mnduha ɗa kazlay: “Wya ka Yawe, Lazglafta dzidza gha Dawuda mnata: Nda sna yu ta duʼa gha, nda ngha yu ta ima tawa gha. Dzaʼa mbaghaf mba yu. Baɗima ya, ka ŋladafta ka da həga Yawe.

Nəhemiya 9:9

Nghaŋ ngha ka ta ghuya ɗaŋwa dzidzíha ŋni ma Masar, snaghaghasna waha taŋ ma nzakwa taŋ ta wa drəfa Zaŋwafi.

Sabi 1:11

Mantsa ya, ka paghatá həŋ ta maliha ta ghəŋa slna ŋa huʼanaptá vgha ta la Israʼila ma fanaghatá slna ka mbraku ta həŋ, kəl həŋ ka banaftá Firʼawna ta luwaha guvur: Pitum nda Ramses.

Sabi 1:8

Lab la vakuha mida tama, ka laf sana mgham ta pala ma Masar. Sna a tsatsi ta gwaɗa ta ghəŋa Yusufu wa.

Sabi 22:23

Dzaʼa gufaf gufa ŋuɗufa ɗa, ŋa pslata ɗa ta kaghuni nda kafay. Mantsa ya, ŋa nzakwa miʼa kaghuni ka wadguha, ŋa nzakwa zwana kaghuni guli ka zwana tawakriha.

Sabi 33:13

Ndanana, kdəkkdək, ka si zɗəgagha zɗa yu ya, mariha mara ta nzakwa gha, kada snaŋta yu ta kagha dar, ŋa mutsafta ɗa ta zɗakatahuɗa gha. Ma zanap ka guli kazlay mndəra na mnduha na ná, mnduha gha ya kəʼa, » kaʼa.

Sabi 5:10

Ka sliʼaftá tsa maliha ta nzanaghatá la Israʼila ya, nda tsa gwal ta nghapta ka zwana ma taŋ ya, da mnanatá la Israʼila. Ka həŋ mantsa: « Wya ka Firʼawna nda kaghuni: “Vləglaghunata a yu ta husu wa.

Sabi 5:6

Baɗ va tsa fitik ya, ka vlaŋtá Firʼawna ta zlahu ta maliha mataba la Masar ta nzanaghatá la Israʼila ya, nda la Israʼila ta nghapta ka zwana ma taŋ, kaʼa nda həŋ mantsa:

Mbsak 20:16

Ka wahu ŋni ta wahu da Yawe, ka snaŋtá tsi ta waha ŋni. Ka ghunagatá tsi ta duhwala ni, ka hlagaptá tsi ta aŋni ma Masar. Wana ŋni ndanana ma Kades, luwa ya ta mukuma nda kwakwara gha.

Slna gwal ghunay 7:34

Nghadap ngha yu ta ghuya ɗaŋwa ŋa mnduha ɗa ta ghuy lu ma haɗika Masar. Sniɗigha sna ŋa ɗa ghəŋa taŋ, kəl yu ka saha da hlaptá həŋ mida. Ndanana na, sawi ka ghuna yu ta kagha da luwa Masar,” kaʼa nda tsi.

Hebru 4:15

Mali ta ghəŋa gwal ta dra skwi ŋa Lazglafta ya nda hta mbrakwa ni ka suʼa skwi kawadaga nda amu ma hta ta mbrakwa mu a ŋa amu wa. Katək ná, dzəghaŋ dzəgha lu ta mala mu ta ghəŋa gwal ksa slna Lazglafta manda va amu, ama ga a tsatsi ta dmaku wa.

1Sam 9:16

« Mahtsim ta na luwa ná, dzaʼa ghundaghagha ghuna yu ta sana mnda la Biŋyamiŋ, ka famta ka nda ma pghanaghatá rɗi ŋa nzakwa ni ka mali ta ghəŋa mnduha ɗa la Israʼila. Dzaʼa mbanaf mba ta mnduha ɗa ma dzva la Filisti, kabga nda ngha yu ta ksakwa taŋ ka hiɗahiɗa, ɓhiɗagha ɓha waha taŋ, » kaʼa.