Sabi 3:6 - Hdi

⁶ Iʼi Lazglafta da gha, Lazglafta Abraham, Lazglafta Izak, Lazglafta Yakubu, » kaʼa. Gi ka bukwamtá Musa ta kuma ni, kabga ta zləŋay ta nghaŋtá Lazglafta.

Sabi 3:6 ပူးပေါင်းရင်းမြစ်များ

Zlrafta 12:1

Ka Yawe nda Abram mantsa: « Sliʼaf sliʼa ka zlaŋta ka ta haɗika gha, nda la ghuni, nda la ga da gha, ka dzaʼa ka ta haɗik ya dzaʼa maraghaŋta yu.

Zlrafta 12:7

Ka maravatá Yawe ta kəma Abram, kaʼa nda tsi mantsa: « Dzaʼa vlaŋtá zivira gha yu ta na haɗik na, » kaʼa. Ka dzihwaftá Abram ta gwir ŋa Yawe ta zlagapta da tsi ya.

Zlrafta 17:3

Ka zləmbatá Abram zlumbruh ta haɗik. Ka Lazglafta nda tsi guli mantsa:

Zlrafta 24:12

Kaʼa mantsa: « Yawe, Lazglafta daŋahəga ɗa Abraham, wya dzvu, payaɗif paya ta zɗaku ma na guya vgha na gita. Maranaŋ mara ta zɗakatahuɗa gha ta daŋahəga ɗa Abraham.

Zlrafta 26:24

Ta tsa rviɗik ya ka zlagaptá Yawe da tsi, kaʼa mantsa: « Iʼi Lazglafta Abraham da gha ya, ma zləŋ ka, kawadaga yu nda kagha, dzaʼa tfaghagha tfa yu ta wi, dzaʼa yanaf ya yu ta zivira gha dabga kwalva ɗa Abraham, » kaʼa.

Zlrafta 28:13

Ka sladanavatá Yawe ta vata ni, kaʼa nda tsi mantsa: « Iʼi Yawe, Lazglafta Abraham ta nzakway ka da gha, Lazglafta Izak. Nana haɗik hana ka tida na ná, dzaʼa vlagha vla yu ta kagha nda zivira gha tani.

Zlrafta 28:17

Ka ksaftá zləŋ, kaʼa mantsa: « Vla ga zləŋ ŋa mndu na vli na, haɗ sana skwi wu, həga Lazglafta ya, wa tgha laf ta luwa ya, » kaʼa.

Zlrafta 31:42

Ka má haɗ Lazglafta da ɗa, Lazglafta Abraham, Lazglafta ya ta tsəlɓu Izak ta tsəlɓu nda zləŋ nda zləŋ ŋa ni ya kawadaga nda iʼi wu katsi, má nda dzvu bətbət zliɗista ka. Ama ka nghadaptá Lazglafta ta ghuya ɗaŋwa ɗa, nda slna ya maga yu nda dzva ɗa. Girviɗik ɗahawu, ka kuratá ta tsihatá guma ni, » kaʼa.

Zlrafta 32:9

Kaʼa ma ghəŋa ni mantsa: « Ka sagha sa Ghesav ka ndusanavatá sana ghuɓu ka liŋtá həŋ ya ná, dzaʼa hwayap hwaya ya sana ghuɓu ya, » kaʼa.

1Mgh 18:36

Ta fitika vla mbəhu ga hawu, ka gavadaghatá anabi Iliya, kaʼa mantsa: « Ari Yawe, Lazglafta Abraham, nda Izak, nda Israʼila! Ka snaŋ sna lu gita kazlay na kagha Lazglafta ma Israʼila, kwalva gha iʼi guli kəʼa. Ta mag manda ya mnaf ka yu ta na skwiha na.

1Mgh 19:13

Na snaŋta Iliya ta tsa lwi ya, ka bukwamtá tsi ta kuma ni nda sɗakwa ni, ka sab tsi ma tsa galigha ya ka nzuŋta ta wa ni. Ka gwaɗganatá sana lwi: « Nu ta mag ka hadna ní, Iliya? » kaʼa.

Nəhemiya 9:9

Nghaŋ ngha ka ta ghuya ɗaŋwa dzidzíha ŋni ma Masar, snaghaghasna waha taŋ ma nzakwa taŋ ta wa drəfa Zaŋwafi.

Asta 3:4

Ka gɗatá həŋ ta mnay ŋa ni inda fitik manda va tsaya, ama ka kwalaghutá tsi ta snanatá həŋ. Ka snanamtá həŋ ta Haman, ŋa nghay ka dzaʼa zlanaŋ zla lu ta tvi Murduhay ŋa maga skwi ta mag tsi, tsaw si mnana mna ta həŋ kazlay la Yahuda yu kəʼa.

Sabi 15:2

Yawe mbrakwa ɗa, zalama ɗa ya. Tsatsi ta mbiɗifta, Lazglafta ɗa ya. Dzaʼa zləzləvay yu, Lazglafta da ɗa ya, dzaʼa ghubay yu.

Sabi 29:45

Dzaʼa nzam nza yu mataba la Israʼila, dzaʼa nzakway yu ka Lazglafta taŋ.

Sabi 3:16

La! ka tskanata ka ta la galata mndu mataba la Israʼila, ka mnanata ka ta həŋ: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu, ta zlagagapta da iʼi. Kaʼa nda iʼi mantsa: Nghaghunagha ngha yu kahwathwata, nda ngha yu ta skwi ta mag lu ŋa ghuni ma Masar.

Sabi 33:20

Ama haɗ ka dzaʼa laviŋta nghaŋtá kuma ɗa wu, kabga laviŋ a mnda səla ta nghaŋtá iʼi ka nzata ni nda hafu wu, » kaʼa.

Sabi 4:5

« Ka maga ka mantsa ya, kada grafta həŋ kazlay zlagap zlaga, iʼi Yawe, Lazglafta dzidzíha taŋ, Lazglafta Abraham, Lazglafta Izak, Lazglafta Yakubu da kagha kəʼa, » kaʼa.

Mata 17:6

Na gi snaŋta tsa duhwalha ya ta tsa lwi ya, gi ka zləmbatá həŋ zluzlumbruh ta haɗik. Ka ksutá zləŋ ta həŋ katakata.

Mata 22:32

Iʼi Lazglafta Abraham, iʼi Lazglafta Izak, iʼi Lazglafta Yakubu kəʼa ya ra? Lazglafta ná, Lazglafta gwal nda rwa a wu, Lazglafta gwal nda hafu ya, » kaʼa.

Markus 12:26

Ta ghəŋa gwaɗa ta vragapta ma mtaku nda hafu ya ná, ta dzaŋaf a kuni ta tsa vli ta ghəŋa mubuk nda vu tida ma deftera Musa ya ra? Ka Lazglafta nda Musa hada na: “Iʼi Lazglafta Abraham, iʼi Lazglafta Izak, iʼi Lazglafta Yakubu,” kaʼa.

Lukwa 20:37

Kɗiŋ kɗa Musa ta mnata kazlay: Dzaʼa sliʼagap sliʼa gwal nda rwa ŋa nzaku nda hafu kəʼa. Ma vla gwaɗa ta ghəŋa mubukw ta zlghaku, ka hgə tsi ta Mgham, “ka Lazglafta Abraham, ka Lazglafta Izak, ka Lazglafta Yakubu.”

Lukwa 5:8

« Mghama ɗa! laghu la gha ta vata iʼi kabga mnda dmaku yu, » ka Simuŋ Piyer tsəlɓata ma ghuva Yesu nghər tsi ta tsa skwi ya.

Slna gwal ghunay 7:32

“Iʼi Lazglafta dzidzíha gha, ta nzakway ka Lazglafta Abraham, nda Izak, nda Yakubu ya, kaʼa. Ka ghudzaku Musa ta ghudzaku da zləŋ, Walglaŋ a ta nghay wa.

Slna gwal ghunay 7:34

Nghadap ngha yu ta ghuya ɗaŋwa ŋa mnduha ɗa ta ghuy lu ma haɗika Masar. Sniɗigha sna ŋa ɗa ghəŋa taŋ, kəl yu ka saha da hlaptá həŋ mida. Ndanana na, sawi ka ghuna yu ta kagha da luwa Masar,” kaʼa nda tsi.

Vrafta ta zlahu 6:3

Tsaya tama, fawa sləməŋ la Israʼila, ka snata kuni, ka ksa kuni ta slna nda tsi, ka da nzata kuni ləŋləŋ ŋa yafta ghuni tusak ta tsa haɗik ta mbəzaku uʼa nda zuɗum mida manda ya mnaghuna Yawe, Lazglafta dzidzíha ghuni ya.

Hebru 11:16

Kahwathwata ná, vli ta malaghutá tsaya ŋa taŋ ta pahaŋta, vli ya ta nzakway ta luwa. Tsaya kəl tsi ka zɗəganatá Lazglafta, na hgay ta hgə həŋ ka Lazglafta taŋ. Ka payanaftá tsi ta luwa taŋ ta həŋ.

Hebru 12:21

Ka ganaftá tsa skwi nghaŋ həŋ ya ta zləŋ ta həŋ, ka mnə Musa kazlay: Ta ghudzaku vgha ɗa da zləŋ katakata kəʼa.

Suna Yuhwana 1:17

Manda nghaŋta ɗa, ka zləmbatá yu ta kəma ni manda mndu nda mta. Ka faftá tsi ta dzva zeghwa ni ta iʼi, kaʼa mantsa: « Ma zləŋ ka ta zləŋ! Iʼi taŋtaŋa ni, iʼi kɗavakta ni,

Gwal tsa guma 13:22

Ka Manuwa nda markwa taŋ mantsa: « Nzakwa u dzaʼa rwutá na, kabga nghaŋta u ta Lazglafta! » kaʼa.