Sabi 3:12 - Hdi

¹² Kaʼa nda tsi mantsa: « Kawadaga yu nda kagha. Ŋa graghafta kazlay iʼi ta ghunaftá kagha kəʼa, mamu ŋizla ta vlaghata yu: Baɗ hlagapta gha ta la Israʼila ma Masar ya, ŋa sagha ghuni da tsəlɓu ŋa ɗa ta na ghwá na, » kaʼa.

Sabi 3:12 ပူးပေါင်းရင်းမြစ်များ

Zlrafta 15:1

Tahula tsa skwiha ta maguta ya, ka maravatá Yawe da Abram manda skwi ma suni, kaʼa nda tsi mantsa: « Abram! Ma zləŋ ka ta zləŋ. Iʼi ná, zalama gha yu, dzaʼa vlagha vla yu ta nisəla dagala, » kaʼa.

Zlrafta 15:8

Ka Abram nda tsi guli mantsa: « Rvera ɗa Yawe, ndaw dzaʼa grafta yu kazlay ŋa ɗa dzaʼa nzakwa tsi kəʼa na? » kaʼa.

Zlrafta 26:3

Nza nza ma na haɗik na, dzaʼa nzakway yu kawadaga nda kagha, dzaʼa tfaghagha tfa yu ta wi, ŋa gha nda zivira gha dzaʼa vlaghata yu ta inda tsa kwakwarha ya. Dzaʼa ŋana ŋa yu ta skwi waɗana yu ta da gha Abraham.

Zlrafta 31:3

Ka Yawe nda Yakubu mantsa: « Vra ta haɗika dzidzíha gha, da taba la ghuni, dzaʼa nza nza yu kawadaga nda kagha, » kaʼa.

2Mgh 19:29

Kagha Hizkiya, wya skwi dzaʼa maraghatá ŋizla ni: Ma na vaku na, mandawasa dzaʼa lu da zay. Kɗaghalam ya, ya ta ɗyafta ka ghəŋa ni dzaʼa lu da zay. Ama ta mahkəna vaku ya, ka sləga kuni ta sləgu, ka tska kuni ta skwi ta vwah, ka ŋaɓafta kuni ta vwaha inabiha, ka za kuni ta yakwa taŋ.

1Rus 9:20

nda Pinhas, zwaŋa Ilghazar si mala taŋ ghalya. Si kawadaga Yawe nda tsi.

Sabi 18:5

Ka lagha tsa Yitru dzidza Musa ya, nda zwani his tani, nda markwa Musa slanaghatá Musa ma mtak, ma vla ghuɓa ni ndusa nda ghwá Lazglafta.

Sabi 3:1

Ma sana fitik, ka nghə Musa ta rina fisika Yitru dzidza ni, mnda dra skwi ŋa Lazglafta ma Midyaŋ. Ka mbadaptá tsi ta bra rina ni da huɗa mtak, ka lagha tsi da Hwarev, ghwá Lazglafta.

Sabi 3:13

Ka Musa nda Lazglafta mantsa: « Mantsa nzakwa ni, dzaʼa sliʼaf sliʼa yu slanaghatá la Israʼila. “Lazglafta dzidza ghuni ta ghunaktá iʼi da kaghuni,” ka yu dzaʼazlay nda həŋ. A ka ɗawihaha həŋ kazlay “wa hga ni na?” kəʼa ní, nu ka yu dzaʼazlay həŋ? » kaʼa.

Sabi 33:14

Ka Yawe mantsa: « Ta dzaʼa htsiŋa vərɗa iʼi kawadaga nda kagha, haɗ skwi ŋa ndanay gha ta ghəŋa ni wu, » kaʼa.

Sabi 4:12

Ndanana ná, la! kawadaga yu nda kagha ta gwaɗ ka ta gwaɗa, dzaʼa taghaghaf tagha yu ta skwi ŋa gwaɗay gha, » kaʼa.

Sabi 4:15

Ka gwaɗganata ka, ka baluŋta ka ta gwaɗa. Vərɗa iʼi ná, kawadaga yu nda kaghuni ma fitik dzaʼa gwaɗ kuni ta tsa gwaɗa ya, dzaʼa taghaghunaf tagha yu ta skwi dzaʼa kuni magay.

Sabi 8:27

Ka magatá Yawe manda ya ɗawaŋ Musa da tsi, ka zlanatá tsa zuɗiha tuvulvulvul ya ta Firʼawna, nda kwalvaha ni tani, nda mnduha ni tani. Haɗ zuɗi ta pɗata dər turtuk wa.

Mbsak 16:28

Ka Musa mantsa: « Ma nana dzaʼa snaŋta kuni kazlay Yawe ta ghunaftá iʼi ŋa hɗanamtá inda na slnaha na kəʼa. Iʼi gaghəŋ gaghəŋa ɗa a ta tsaʼatá wa.

Mbsak 23:21

Nghaŋta a lu ta zləmnda da la Yakubu wu, nghaŋta a lu ta ghuya ɗaŋwa da la Israʼila wa. Kawadaga Yawe, Lazglafta taŋ nda həŋ. Ga taŋ ta ghudzaga ndəɓa dzva ga mgham.

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

Markus 16:20

Hahəŋ guli, ka sliʼaftá həŋ ka laghu da mna tsa *Lfiɗa Gwaɗa Lazglafta ya ma inda vli. Ka katu Mgham Yesu ta həŋ ma mna tsa gwaɗa ya, ŋlanaghaha ta tsa gwaɗa ya ta həŋ nda ma magay taŋ ta mazəmzəm.]

Slna gwal ghunay 11:21

Kawadaga mbrakwa Mgham Yesu nda həŋ, kəl ndəghata mnduha ka zlghafta, ka mbəɗaghutá vgha təv Mgham Yesu.

Slna gwal ghunay 7:7

Iʼi dzaʼa ganaptá iri ta tsa gwal ta dula həŋ ya guli. Tahula tsa, ŋa sliʼafta taŋ ka saghwi da tsəlɓu ma ghuva ɗa ma na vli na,” kaʼa.

La Ruma 8:31

Ka si mantsa tsi, nu ta ŋa mnay mu ta ghəŋa tsaya tama? Ka si ŋa mu Lazglafta ya ní, wa dzaʼa dzaŋtá kəma nda amu na?

Vrafta ta zlahu 31:23

Ka Yawe mnanaftá Yəhusuwa, zwaŋa Nuŋ mantsa: « Mbra ta vgha ka dihavata ka, kabga kagha dzaʼa hladamtá la Israʼila da tsa haɗik waɗata yu ta həŋ ya. Iʼi ná, dzaʼa nza nza yu kawadaga nda kagha, » kaʼa.

Hebru 13:5

Yaha tsedi da tɗaghatá kaghuni. Rfawa rfa ta rfu ta ghəŋa kuraghuta ya da kaghuni, kabga ka Lazglafta na: « Haɗ yu dzaʼa zlaghata wu, haɗ yu dzaʼa walaŋtá vzighista wu, » kaʼa.

Yəhusuwa 1:5

Ma inda nzakwa gha ná, haɗ mndu dzaʼa ŋaŋta da kagha wa. Manda ya nza yu nda Musa ya, manda va tsaya dzaʼa nzata yu nda kagha guli. Haɗ yu dzaʼa walaŋta zlaghata wu, haɗ yu dzaʼa walaŋtá vzighista guli wa.

Gwal tsa guma 6:12

Ka zlagaptá duhwala Yawe da tsi, kaʼa nda tsi mantsa: « Bikwira vulu! Kawadaga Yawe nda kagha, » kaʼa.

Gwal tsa guma 6:16

Ka Yawe nda tsi mantsa: « Dzaʼa nza nza yu kawadaga nda kagha, dzaʼa psla psla ka ta la Midyaŋ demdem, manda dzatá mndu turtuk, » kaʼa.

Gwal tsa guma 6:17

Ka Gidghuŋ nda tsi mantsa: « Ka kahwathwata mutsaf mutsa yu ta zɗakatahuɗa gha katsi, mariha mara ta ŋizla ta maraŋta kazlay, kagha Yawe ya ta gwaɗa nda iʼi kəʼa.

Gwal tsa guma 6:21

Ka tsəghadaptá tsa duhwala Yawe ya nda wa dafa ma dzva ni, ka ksaŋtá tsa sluʼi nda buradiha kul haɗ is mida ya, ka sab vu ma kutumba ka driŋtá tsa sluʼi, nda tsa buradiha kul haɗ is mida ya. Ka gi zwaɗutá tsa duhwala Yawe ya rək ta wa ira ni.

Gwal tsa guma 7:11

Ka sunapta ka ta skwi dzaʼa həŋ da gwaɗay. Tahula tsa, dzaʼa ufaghaf ufa ta vgha. La la tama da ghuɓu, » kaʼa. Ka laha Gidghuŋ kawadaga nda duhwala ni Pura, ndusa nda kɗavakta vla nzakwa gwal ta ngha ghuɓu.

1Sam 14:10

Ama ka ka həŋ mantsa: “Safwa sa da aŋni!” ka həŋ ya, lafa u, kabga vla vla Yawe ta həŋ ma dzva u nda tsa. Tsaya ŋizla u, » kaʼa.