Sabi 3:1 - Hdi

¹ Ma sana fitik, ka nghə Musa ta rina fisika Yitru dzidza ni, mnda dra skwi ŋa Lazglafta ma Midyaŋ. Ka mbadaptá tsi ta bra rina ni da huɗa mtak, ka lagha tsi da Hwarev, ghwá Lazglafta.

Sabi 3:1 ပူးပေါင်းရင်းမြစ်များ

1Mgh 19:19

Ka sliʼaftá Iliya hada ka laghwi slanaghatá Ilisa, zwaŋa Safat ta hva. Mamu slaha his his his ha ghwaŋpəɗ his ta kəma ni. Vərɗa Ilisa ta kla tsa maghwaŋpəɗ hisa ni ya. Ka gavadaghatá Iliya ta vata Ilisa, ka wuɗanaftá sɗakwa ni.

1Mgh 19:8

Ka sliʼaftá Iliya, ka zutá tsi, ka siŋtá tsi ta imi, ka vlaŋtá tsa skwa zay zu tsi ya ta mbraku. Fwaɗ mbsak vaghu, fwaɗ mbsak rviɗik maga tsi ta mbaɗa, ha ka ɓhadaghatá tsi ta Hwarev, ghwá Lazglafta.

Sabi 17:6

Wya yu dzaʼa sladata ta kəma gha ta pala ma Hwarev, ŋa dzaŋta gha ta tsa pala ya, ya dzaʼa sab sa imi mida ŋa say mnduha, » kaʼa. Ka magata Musa manda va tsaya ta kəma tsa la galata mnduha la Israʼila ya.

Sabi 18:12

Ka klaftá Yitru, dzidza Musa ta skwa pla ghəŋ ŋa dray tsuh tsuh, nda sanlaha ma skwa pla ghəŋ ŋa vlaŋtá Lazglafta. Mantsa tama, ka lagha i Haruna nda inda la galata mnduha la Israʼila, da za skwa zay kawadaga nda dzidza Musa ta kəma Lazglafta.

Sabi 19:11

Ka payavata həŋ ŋa baɗima, kabga baɗima dzaʼa laha iʼi Yawe ta ghwá Sinay ta nghay mnduha demdem.

Sabi 19:3

Ka sliʼaftá Musa ka ŋlaghata ta tsa ghwá ya da guyaku nda Lazglafta. Daga ta bɗəma tsa ghwá ya, ka hgaŋtá Yawe ta Musa, kaʼa nda tsi mantsa: « Wya ká ka dzaʼa mnanatá la Yakubu, ta skwi dzaʼa snanamta ka ta la Israʼila ya:

Sabi 2:16

Tsaw mamu sana mnda dra skwi ŋa Lazglafta ma Midyaŋ, ndəfáŋ kwagha ni. Ka lagha tsa kuʼaha ya da zakamtá imi ma tsughaŋ, ŋa say rina fisika da taŋ.

Sabi 2:18

Ka sliʼaftá tsa kuʼaha ya, ka vraghuta dzagha slanaghatá da taŋ Rəghuʼel. Kaʼa nda həŋ mantsa: « Nya kəl kuni ka vrakta tewtew gita na? » kaʼa.

Sabi 2:21

Ka lagha Musa nzata ga taŋ. Ka vlaŋtá tsi ta makwa ni Tsifura ŋa nzakway ka markwa taŋ.

Sabi 24:13

Ka sliʼafta Musa nda Yəhusuwa slufa ni, ka lafi Musa ta ghwá Lazglafta,

Sabi 3:12

Kaʼa nda tsi mantsa: « Kawadaga yu nda kagha. Ŋa graghafta kazlay iʼi ta ghunaftá kagha kəʼa, mamu ŋizla ta vlaghata yu: Baɗ hlagapta gha ta la Israʼila ma Masar ya, ŋa sagha ghuni da tsəlɓu ŋa ɗa ta na ghwá na, » kaʼa.

Sabi 3:5

Kaʼa Yawe mantsa: « Ma gavagagha ka da hadna! Hlap hla ta ɓaɓah ma səla gha, kabga tsa vli hada ka ya ná, haɗik nda ghuɓa ya.

Sabi 33:6

Mantsa tama, daga ta ghwá Hwarev ka suɗatá la Israʼila ta huzla rka ta vgha taŋ.

Sabi 4:18

Tahula tsa, ka sliʼaftá Musa ka vraghuta slanaghatá Yitru dzidza ni. Kaʼa nda tsi mantsa: « Kdəkkdək! zliha zla ka dzaʼa yu da nghanaghatá zwana ma ɗa la Hebru ma Masar. Ka dzaʼa yu nghanaghatá həŋ ka ta nda hafu həŋ tsi, ka ki tsi, » kaʼa. Ka Yitru mantsa: « La ka ɓhata ka nda vghata zɗaku, » kaʼa.

Sabi 4:27

Ka Yawe nda Haruna mantsa: « La da gəma Musa ma mtak, » kaʼa. Ka sliʼaftá tsi ka laghu da gəmay ta ghwá Lazglafta, ka brusatá tsi.

Mbsak 10:29

Ka Musa nda Huvav zwaŋa dzidza ni Rəghuʼel mnda la Midyaŋ, mantsa: « Ta sliʼi da vli ya taŋnaf Yawe ta imi ta sləməŋ ŋni. Kaʼa na: “Dzaʼa vlaghuna vla yu,” kaʼa. Sawi mista ŋni. Dzaʼa maga gha maga ŋni ta zɗaku, kabga mamu zɗaku tanaf Yawe ta imi ta sləməŋ ta la Israʼila, » kaʼa.

Mbsak 10:33

Ka sliʼaftá həŋ mista ghwá Yawe, ka magatá həŋ ta fitik hkən ta mbaɗa. Laghu la akwata dzratá wa Yawe ta kəma taŋ ma tsa mbaɗa taŋ ka fitik hkən ya, ŋa tsatsaftá vli ŋa fata taŋ ta ghuɓa taŋ.

Lukwa 2:8

Tsaw ma va tsa luwa ya mamu gwal ta ngha rini, ta hani ma mtak ta ngha rina taŋ.

Slna gwal ghunay 7:30

« Tahula zata ni ta vaku fwaɗ mbsak hada, ka maranaŋtá duhwala Lazglafta ta ghəŋa ni ma vu ta mubuk ma mtak ta vata ghwá Sinay.

Vrafta ta zlahu 1:2

Fitik ghwaŋpəɗ ndeŋ ta zata mndu ta mbaɗa daga ma Hwarev ka ɓhadaghata da Kadesbarnegha, nda ta tvi ta ghwáha Seghir.

Vrafta ta zlahu 1:6

« Ma nzakwa mu ma Hwarev ná, ka Yawe, Lazglafta mu mnamata na: “Nda kɗa fitika ghuni ta nzakw mista na ghwá na.

Vrafta ta zlahu 4:10

Ka hava kuni ta tsa fitik kəl kuni ka sladata ta kəma Yawe, Lazglafta ghuni ma Hwarev, tsa fitik baɗ mnihata Yawe kazlay na: “Tskigiɗigha tska ta mnduha ka mnanata yu ta gwaɗa ɗa ta həŋ ŋa taghafta taŋ ta zləŋa iʼi inda fitik ma nzakwa taŋ nda hafu ta ghəŋa haɗik, ŋa taghay taŋ guli ŋa zwana taŋ,” kəʼa ya.

Gwal tsa guma 4:11

Si dga dga Hever, mnda la Keŋ ta vgha nda sanlaha ma la Keŋ mndəra la Huvav, la dzidza Musa. Ka dzugwatá tsi ta tumpula ni ta vata halalaya fu ma Tsaghananim, ndusa nda Kedes ya.

1Sam 16:11

Ka Samuyel nda Yisay guli mantsa: « Hadna zwana gha demdem ra? » kaʼa. Ka Yisay mantsa: « Ta mamu sagəŋ gudzekw, ta ngha rini, » kaʼa. Ka Samuyel nda Yisay mantsa: « Ghuna ta mndu da hgagaghata, haɗ mu dzaʼa nzata ka za skwa zay ka ta sagha a tsatsi wu, » kaʼa.