Sabi 24:6 - Hdi

⁶ Ka taʼatá Musa ta rita usa tsa riniha ya, ka paghamta ma glifiŋha, pɗakwa rita ni ka wutsikaftá tsi ta gwir.

Sabi 24:6 ပူးပေါင်းရင်းမြစ်များ

2Mgh 17:15

Ka pghiŋtá həŋ ta tva skwiha ŋa magay ya mna tsi, nda dzratá wi ya dzraf tsi nda dzidzíha taŋ, nda dvu ya si ta dvu tsi ŋa taŋ. Ka laghu həŋ mista skwa wuyayha kul haɗ hayhaya taŋ, ka niŋta həŋ kul haɗ hayhaya taŋ. Ka ksaftá həŋ ta saɗa nzakwa sanlaha ma mndəra mnduha ta wanafta həŋ, gwal si pyaf Yawe ta həŋ ka ksa saɗa taŋ ya.

Sabi 12:22

Ka klafta kuni ta hbatá sluhwa izwap, ka tsughumamta kuni ma tsa us pgham lu ma glifiŋ ya, ka magafta kuni ta zləŋatá wa tgha nda ya ta slərpuha ni his his guli. Ama kaghuni, yaha kuni walaŋtá sab ta wa tghaha ka tsaɗata vli.

Sabi 12:7

Ka taʼata həŋ ta usa ni, ka magafta ta slərpuha wa tgha his his, nda ya ta zləŋata ni, ma inda həga ta zə lu ta tsa sluʼi ya.

Sabi 24:8

Ka klaftá Musa ta tsa us ya ka wutsikafta ta mnduha, kaʼa mantsa: « Nana us na, ta maraŋta dzratá wa Yawe nda kaghuni, manda ya mna tsi ma inda gwaɗa ni, » kaʼa.

Sabi 29:16

Ka ghwanafta ka ta tsa maŋazak ya, ka klafta ka ta usa ni ka wutsikafta ta slərpuha gwir demdem.

Sabi 29:20

Ka ghwanafta ka ta tsa maŋazak ya, ka taʼata ka ta usa ni, ka ɗuŋta ka ta wa daɓaraka sləməŋa Haruna nda ga zeghwi, ɗaɗuŋ ka ta wa daɓaraka sləməŋa zwana ni nda ga zeghwi, nda ya ta dadana dzva zeghwa taŋ, nda ya ta dadana səla zeghwa taŋ. Ka wutsikafta ka ta pɗakwa tsa us ya ta vata gwir ka wanafta.

La Levi 1:11

Ka ghwanafta tsi ta kəma Yawe ta vata gwir nda ga mazlay. Ka klafta zwana Haruna gwal ta dra skwi ŋa Lazglafta ta usa ni ka wutsikafta ta slərpuha gwir demdem.

La Levi 1:5

Ka ghwanafta tsi ta tsa lghəŋ ya ta kəma Yawe. Ka klafta zwana Haruna gwal ta dra skwi ŋa Lazglafta ta usa ni, ka wutsikafta ta slərpuha gwir demdem ta wa tsa tumpula guyaku ya.

La Levi 3:2

Ka fafta tsi ta dzva ni ta ghəŋa tsa mbəha ni ya, ka ghwanafta ta wa tsa tumpula guyaku ya. Ka klafta zwana Haruna, gwal ta dra skwi ŋa Lazglafta ta usa ni ka wutsikafta ta slərpuha gwir demdem.

La Levi 3:8

Ka fafta ni ta dzva ni ta ghəŋa mbəha ni, ka ghwanafta ta kəma tumpula guyaku. Ka wutsikafta zwana Haruna ta usa ni ta slərpuha gwir demdem.

La Levi 4:6

Ka ɗaʼata mnda dra skwi ŋa Lazglafta nda ndəfiŋ ta tsa us ta kəma Yawe ya, ka wutsikafta ndəfáŋ səla ta vata zlala nda ma vli nda ghuɓa.

1Kwa 11:25

Mantsa guli kɗakwa taŋ ta zutá skwa zay, ka klaftá tsi ta leghwa, kaʼa mantsa: « Nana leghwa na ná, lfiɗa slərɓa ta zughu ya zlərɓap Lazglafta nda usa ɗa. Inda say dzaʼa sə kuni dazlay ya ná, ka maga kuni ŋa havay ghuni ta iʼi, » kaʼa.

Kwalus 1:20

Tsatsi ta kuratá slərɓaptá zughu nda inda skwi nda usa zwaŋa ni. Ka famtá tsi ta zɗaku mataba ni nda inda skwiha ta haɗik, nda ya ta luwa nda ma pghuta usa zwaŋa ni ta udzu.

Hebru 12:24

Gavadagha ta vata *Yesu ta nzamta mataba mnduha nda Lazglafta ŋa dzrafta wi ka lfiɗ ya kuni. Gavadagha ta vata usa Yesu ya kəl tsi ka wutsikatá mnduha nda tsi ya kuni. Malaghu mala gwaɗa ta gwaɗ tsa us ya, ka ŋa Abel ta mnata.

Hebru 8:9

nzata a manda tsa dzratá wi dzraf yu nda dzidzíha taŋ ma tsa fitika hlagapta ɗa ta həŋ nda dzva ɗa ma haɗika Masar ya wa. Hahəŋ ka ghəŋa taŋ ta ɓadziŋtá tsa si dzratá wa ɗa nda həŋ ya, ka zliŋtá iʼi ta həŋ guli,

Hebru 9:18

Mantsa ya guli, dər tsa taŋtaŋa dzratá wi ya ná, nda us magafta lu.

Hebru 9:19

Tahula mnanafta Musa ta inda zlahu ta mnduha demdem, manda ya mnaf zlahu, ŋa klafta ni ta usa zwana lghəŋ nda ŋa dugzumha ka gaɓanafta nda imi. Ɓlaha ta sluhwa fwa izwap nda swida tuwaka dva hbuŋ lu ta wa udzu, ka tsughumamta ma tsa us ya, ka wutsikay ta tsa deftera zlahu ya, nda ya ta inda mnduha.

Hebru 9:21

Wutsikafha guli ta tsa həga tumpul ya, nda inda huzlaha mida ta kəl lu ka ksa slna ka tsəlɓu ta kəma Lazglafta ya.

1 Piyer 1:19

ama nda usa Kristi ta bluta varata lu ta kaghuni. Manda zwaŋa tuwak kul haɗ maslivinza, kul haɗ rɗak tida ya, na tsa Kristi ya.

1 Piyer 1:2

Lazglafta ta nzakway ka Da ta zabaptá kaghuni manda va ya ghada tsi ta payafta. Ka faghutá tsi ta kaghuni ka ŋa ni nda ma Sulkuma ni nda ghuɓa, ŋa nzakwa ghuni ka gwal ta snanatá gwaɗa Yesu Kristi, ŋa wutsikaghunaftá usa ni ka ghuɓighunista nda tsi. Ka vlaghuna vla Lazglafta ta zɗakatahuɗa ni nda zɗakwa ni tani katakata.