Sabi 21:1 - Hdi

¹ Ka Yawe guli mantsa: « Wya gumaha dzaʼa ka da mnanatá la Israʼila:

Sabi 21:1 ပူးပေါင်းရင်းမြစ်များ

1Mgh 6:12

« Ta ghəŋa na həga ta bə ka na ná, ka ta ksay ka ta slna nda zlahuha ɗa, ka ta snay ka ta skwiha nda ra, ta ŋana ŋa ka ta inda gwaɗaha ɗa katsi, dzaʼa hɗagham hɗa yu ta gwaɗa ɗa ya mnana yu ta da gha Dawuda.

2Rus 19:10

Inda hwazlaɓaku dzaʼa hlaghunakta zwana ma ghuni ma luwaha taŋ ta ghəŋa pghiŋtá us, ka ɓlanaptá zlaha Musa a tsi, ka zlahuha a tsi, ka tva skwiha ŋa magay a tsi, ka tɗanaŋta kuni ta sləməŋ ta həŋ, kada kwala dmaku ksaftá həŋ ta kəma Yawe. Haɗ gufatá ŋuɗufa ni dzaʼa sagha ta ghəŋa kaghuni nda zwanama ghuni tani wa. Mantsa ya ka kuni da magay, ya ksafta a dmaku ta kaghuni wa.

Nəhemiya 10:29

Ka gwaftá sanlaha ma mnduha nda gwal ta dra skwi ŋa Lazglafta, nda la Levi, nda gwal ta ngha wa tgha, nda gwal fa laha, nda kwalvaha həga Lazglafta, nda inda gwal ta dgaghutá vgha nda mayəm ŋa ndiʼaftá vgha ta zlaha Lazglafta, nda miʼa taŋ, nda zwana zgwana taŋ nda kwagha taŋ, nda inda gwal prək ka snaŋtá skwi nda mahizl ma ghəŋa taŋ ta vgha,

Sabi 19:7

Ka vragatá Musa, ka hagaftá tsi ta la galata mndu mataba la Israʼila, ka rusanaftá tsi ta həŋ ta inda tsa skwiha mnanaf Yawe ŋa mnanatá həŋ ya.

La Levi 18:26

Ama kaghuni, ka snata kuni ta zlahuha ɗa nda tva skwiha ŋa magay mnaghuna yu. Yaha kuni da magatá ya dər turtuk ma tsa manzakɗawayha ya, dər zwaŋa haɗik tsi, dər mndu ka mayəm ta nzata ma səla ghuni a tsi,

La Levi 18:5

Ka ŋanata kuni ta zlahuha ɗa, nda tva skwiha mnaghuna yu. Mndu ta ksatá slna nda tsi ná, nda tsi dzaʼa nzata tsi nda hafu. Iʼi ná, Yawe yu.

La Levi 19:37

Ka ŋanata kuni ta inda zlahuha ɗa nda inda skwiha mnaf yu, ka maga kuni ta slna nda həŋ. Iʼi ná, Yawe yu, » kaʼa.

La Levi 20:22

Ka ŋanata kuni ta inda zlahuha ɗa nda inda skwiha mnaf yu. Ka maga kuni ta slna nda tsi, kada kwala tsa haɗik ta hlə yu ta kaghuni ŋa nzata mida ya vnihighunista.

Mbsak 35:24

guyatá ghəŋ dzaʼa tsa guma ni, manda ya ksaf zlahuha tsa skwi ta maguta ya, mataba tsa mndu ta dzatá mndu ya, nda tsa mnda plamta ya.

Mbsak 36:13

Tsaha ya zlahuha nda skwiha ŋa magay mnanaf Yawe ta la Israʼila nda ma wa Musa, ma daɓiha Muwav ta wa Yardeŋ mbəŋ nda Yeriku.

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

Vrafta ta zlahu 15:12

« Ka skwaghunap skwa la ghuni Hebru ta ghəŋa ni ka vuʼa, dər zgun tsi, dər marakw a tsi, dzaʼa magaghuna maga ta slna ka vaku mkuʼ. Ta mandəfáŋa vaku ya, zliŋta ghuni flaʼu vgha.

Vrafta ta zlahu 4:14

Ma tsa fitik ya mnaɗifta Yawe ŋa taghaghunafta ɗa ta zlahuha, nda tva skwi ŋa magay, ŋa magay ghuni ta slna nda tsi ma tsa haɗik dzaʼa tsughwaɗadamta kuni ŋa klaghuta ŋa ŋa ghuni ya. »

Vrafta ta zlahu 4:45

Tsaha ya zlahuha, nda gwaɗaha, nda tva skwi ŋa magay mnanaf Musa ta la Israʼila ma saba taŋ ma Masar,

Vrafta ta zlahu 4:5

Nghawa, taghaghunaf tagha yu ta zlahuha, nda tva skwiha ŋa magay manda ya mnaɗif Yawe, Lazglafta ɗa. Lama ghuni da tsa haɗik ŋa ŋa ghuni ya, ka ŋanata kuni ta tsa zlahuha nda tva skwiha ŋa magay ya.

Vrafta ta zlahu 4:8

Wati ma mndəra mndu dagala ya mamu zlahu, nda tva skwiha ŋa magay tɗukwa da həŋ, manda inda na zlahu ta fata yu ta kəma ghuni gita na na?

Vrafta ta zlahu 5:1

Ka hgafta Musa ta inda la Israʼila. Kaʼa nda həŋ mantsa: « La Israʼila, snawa ta na zlahuha, nda tva skwiha ŋa magay ta mnaghunata yu ta wa sləməŋa ghuni gita na. Ka tagha kuni, ka ŋanata kuni ɗina ŋa maga slna nda tsi.

Vrafta ta zlahu 5:31

Ama kagha Musa, nza nza ta vata iʼi ka mnaghafta yu ta inda gwaɗaha, nda zlahuha, nda tva skwiha ŋa magay ŋa taghanafta gha ta həŋ, ŋa magay taŋ ma tsa haɗik vlaŋ yu ta həŋ ŋa ŋa taŋ ya,” kaʼa.

Vrafta ta zlahu 6:1

« Wya gwaɗaha, nda zlahuha, nda tva skwiha ŋa magay mnaɗif Yawe, Lazglafta ghuni ŋa taghaghunafta, ŋa magay ghuni ta slna nda tsi ta haɗik ya dzaʼa lam kuni dida dzaʼa kuni zata ŋa ŋa ghuni.

Vrafta ta zlahu 6:20

Baɗ mahtsim, ka ɗawaŋ ɗawa zwana ghuni dazlay: “Nahgani klatá ghəŋa na zlahuha na, nda na gwaɗaha na, nda na tva skwiha ŋa magay mnaghunaf Yawe, Lazglafta mu na na?” ka həŋ,

1Tes 4:1

Zwana ma ɗa, nu skwi ta pɗaku ŋa mnay, ya nda ghada taghaghunafta ŋni ka kuni da magay ŋa zɗəganatá Lazglafta. Ya manda va tsaya ta nzakwa kuni ta tsa nzaku na. Ta ndəɓa ghuna ndəɓa ŋni ta dzvu katakata, ta vlaghuna vla ŋni ta hiɗaku manda va tsaya. Ma hga Mghama mu *Yesu *Kristi, ka kɗaŋta kuni ta dzaʼa ta kəma ta kəma.