Sabi 20:2 - Hdi

² « Iʼi ná, Yawe yu, Lazglafta gha ta klagaghapta ma ga vuʼa ma haɗika Masar.

Sabi 20:2 ပူးပေါင်းရင်းမြစ်များ

1Mgh 18:39

Nghanata inda mnduha ta tsa skwi ya, ka zlambatá həŋ zluzlumbruh ta haɗik, ka həŋ mantsa: « Yawe, Lazglafta! Yawe, Lazglafta! » ka həŋ.

2Mgh 17:12

Laghu la həŋ da tsəlɓu ŋa skwa wuyayha, ya si mnana Yawe ta həŋ kazlay na: « Yaha kuni da maga tsaya, » kəʼa ya.

2Mgh 17:7

Magu maga manda tsaya, kabga ganata la Israʼila ta dmaku ta Yawe, Lazglafta taŋ, ta hlagaptá həŋ ma haɗika Masar ma dzva Firʼawna, mghama Masar, nda ya kabga laghwa taŋ da tsəlɓu ŋa sanlaha ma lazglaftaha.

2Rus 28:5

Ka vlatá Yawe, Lazglafta ni ma dzva mghama la Aram. Ka zatá la Aram ta ghwa, ka hlaghatá ndəghata sanlaha ma mnduha ni da gá vuʼa, ka hlaghata da Damas. Ka vlatá lu guli ta tsatsi ma dzva Peka mghama la Israʼila, ka rwanatá tsi ta sludziha ni katakata.

Sabi 13:14

Ka ɗawaghuna ɗawa zwana ghuni ta kəma dazlay, kabgawu ta kəl kuni ka magay na ka həŋ ya, ka kuni dzaʼazlay nda həŋ na: “Nda mbrakwa dzva ni hlagamapta Yawe ma ga vuʼa ma Masar.

Sabi 13:3

Ka Musa nda mnduha mantsa: « Havapwa hava ka na fitik ya sliʼagap kuni ma ga vuʼa ma Masar na. Nda mbrakwa dzva ni hlagaghunapta Yawe. Ta havə kuni ta na skalu na, yaha kuni da za buradi nda is mida.

Sabi 15:13

Ma zɗakwa gha, ka klə ka ta mnduha gha vara ka. Ka pghafta ka ta həŋ nda mbrakwa gha da vla nzakwa gha nda ghuɓa.

Sabi 15:16

Ka slanaghatá mghama zləŋ nda ghudzaku ta həŋ. Ta kəma mbrakwa dzva gha, ka tsutá həŋ ka rgha manda pala, ha ka tsughwaɗadapta mnduha gha. Ari Yawe, ha ka tsughwaɗadapta mnduha klu ka ŋa gha.

Sabi 15:26

Kaʼa mantsa: « Ka fa fa kuni ta sləməŋ ɗina ka snatá gwaɗa Yawe, Lazglafta ghuni, ka ta magiha maga kuni ta skwi ta tɗukwa ta wa ira ɗa, ka ta fiha fa kuni ta sləməŋ ɗina ka sna skwiha ta mnaghunata yu, ka ta ŋana ŋa kuni ta zlahuha ɗa demdem katsi, haɗ yu dzaʼa vlaghunata ya dər turtuk ma tsa ɗaŋwaha ya vlaŋ yu ta la Masar ya wu, kabga iʼi Yawe ta mba kaghuni, » kaʼa.

Sabi 20:1

Ka Lazglafta nda la Israʼila mantsa:

Sabi 29:46

Dzaʼa snaŋ sna həŋ kazlay iʼi Yawe, Lazglafta taŋ, ta hlagaptá həŋ ma haɗika Masar ŋa nzata ɗa mataba taŋ kəʼa. Iʼi Yawe, Lazglafta taŋ. »

Sabi 6:6

Tsaya tama ná, kla ta lwa ɗa ŋa la Israʼila kazlay na, “Iʼi ná, Yawe yu. Dzaʼa hlagaghunap hla yu ma slna mbraku ma Masar. Dzaʼa zluʼagaghunap zluʼa yu ma ga vuʼa ta gə həŋ ŋa ghuni. Nda tɗatá dzva ɗa ta mbruta, nda ya nda glakwa slna guma ɗa dzaʼa varagaghunapta yu.

La Levi 11:45

Iʼi Yawe ta hlagaghunapta ma haɗika Masar ŋa nzakway ɗa ka Lazglafta ghuni. Tsaya tama ná, nzawa nza nda ghuɓa, kabga nda ghuɓa iʼi, » kaʼa.

La Levi 19:36

Tɗukwa skwa gra skwi katsi da kaghuni, dər skwa gra ndəgakwa skwi, dər darama kura skwi tsi, dər skwa gra skwi ka imi a tsi. Iʼi Yawe, Lazglafta ghuni ta hlagaghunapta ma haɗika Masar.

La Levi 23:43

ŋa snaŋta zivira ghuni ta kəma kazlay si fa fam fa fa yu ta la Israʼila ma dumbi ma fitika hlagapta ɗa ta həŋ ma haɗika Masar kəʼa. Iʼi ná, Yawe yu, Lazglafta ghuni, » kaʼa.

La Levi 25:38

Iʼi ná, Yawe, Lazglafta ghuni yu ta hlagaghunapta ma haɗika Masar, ŋa vlaghunata haɗika Kanʼana, ŋa nzakwa ɗa guli ka Lazglafta ghuni. »

La Levi 25:42

Haɗ lu dzaʼa dzawaptá la Israʼila ka vuʼa wu, kabga kwalva ɗa hahəŋ, gwal hlagap yu ta haɗika Masar.

La Levi 25:55

La Israʼila ná, kwalvaha ɗa həŋ, kwalvaha ɗa hlagap yu ma haɗika Masar həŋ. Iʼi ná, Yawe yu, Lazglafta ghuni, » kaʼa.

La Levi 26:1

Ka Yawe mantsa: « Ma tsatsaf kuni ŋa ghəŋa ghuni ta skwa wuyayha kul haɗ hayhaya taŋ. Ma sladana kuni ta fiɗatá fwata skwi dər skwi dguma a tsi. Ma dzagwa kuni ta fifiɗata palaha ta haɗika ghuni ŋa tsəlɓay ghuni ta tsəlɓu ta kəma taŋ, kabga iʼi Yawe ná, Lazglafta ghuni yu.

La Levi 26:13

Iʼi ná, Yawe yu, Lazglafta ghuni. Iʼi ta hlagaghunapta ma haɗika Masar, kada kwala kuni ta gəgəltá vuʼa taŋ. Ɓliŋ ɓla yu ta tsa zuk faghunam həŋ ma ŋurzluŋ ya, ka vlaghunatá yu ta mbaɗay ghuni ta mbaɗa nda klatá ghəŋ. »

La Ruma 10:12

Tsaya tama ná, ta haɗ dgəvgha mndu kazlay: La *Yahuda yeya, la *Grek yeya kəʼa wa. Inda taŋ demdem, Mgham turtuk Mghama taŋ, ta vla zɗaku katakata ŋa inda gwal ta hwayanavata.

La Ruma 3:29

Lazglafta ná, ŋa la Yahuda nda ghəŋa taŋ ra? Lazglafta gwal kul nzakway ka la Yahuda a guli ra? Mantsa nzakwa ni, Lazglafta gwal kul nzakway ka la Yahuda ya guli,

Vrafta ta zlahu 13:10

Katək ná, dzata gha. Tiŋəl vərɗa kagha nda dzva gha dzaʼa zlrafta wuɗata nda pala ŋa dzata. Tahula tsa, ka zlambata sanlaha ŋa dzata.

Vrafta ta zlahu 15:15

Havakwa hava ta si nzakwa ghuni ka vuʼa ta haɗika Masar, ka varagaptá Yawe, Lazglafta ghuni ya. Tsaya ta kəl yu ka vlaghunata na gwaɗaha mnaghunaf yu gita na.

Vrafta ta zlahu 20:1

« Ka sab sa kuni da gəmata nda vulu nda ghumaha ghuni, ka nghaŋtá kuni ta plisha, ka mwata plisha a tsi, dər malaghu mala ndəghata gwal vulu ka kaghuni, yaha kuni da zləŋa həŋ, kabga kawadaga Yawe, Lazglafta ghuni nda kaghuni, tsatsi ta hlagaghunapta ma haɗika Masar.

Vrafta ta zlahu 5:15

Havap hava ka si ta nzakwa gha ka vuʼa ta haɗika Masar, ka klagaghaptá Yawe, Lazglafta gha nda glakwa mbrakwa ni, nda ya nda tɗatá dzva ni. Tsaya kəl Yawe, Lazglafta gha ka mnaghafta ka ŋanata ka ta fitika Sabat kəʼa.

Vrafta ta zlahu 5:6

“Iʼi ná, Yawe yu, Lazglafta gha ta klagaghapta ma ga vuʼa ma haɗika Masar.

Vrafta ta zlahu 7:8

Ama kabga ɗvuta Yawe ta kaghuni, ka hɗamta tsi ta skwi ya waɗana tsi ta dzidzíha ghuni. Tsaya kəl tsi ka hlagaptá kaghuni nda glakwa mbrakwa ni, ka hlagaghunapta, ka varagaptá kaghuni ma ga vuʼa ma dzva Firʼawna, mghama Masar.

Gwal tsa guma 2:1

Ka sliʼaftá duhwala Yawe ma Gilgal ka lafi da Bukim. Kaʼa mantsa: « Hlagaf hla yu ta kaghuni ma Masar, ka hlagaghunamta da haɗik ya tanaf yu ta imi ta sləməŋ ta dzidzíha ghuni. Mna mna yu kazlay na: “Kadzeŋkadzeŋ, haɗ yu dzaʼa ɓlanapta dzratá wa ɗa nda kaghuni wu kəʼa.

Gwal tsa guma 6:10

Ka yu nda kaghuni na: Iʼi Yawe, Lazglafta ghuni. Yaha kuni da tsəlɓu ŋa lazglaftaha la Amuru nza kuni ma haɗika taŋ ya, ka yu. Ama sniha a kuni wu,” » kaʼa.