Sabi 20:10 - Hdi

¹⁰ Ama mandəfáŋa fitik ya ná, nda nza ka Sabat ŋa Yawe, Lazglafta gha. Ma mag ka ta dər wati ma slna, dər kagha, dər zwaŋa gha, dər makwa gha, dər kwalva gha, dər kurɗa gha, dər rina gha, dər mayəm ta nzaku mataba ghuni a tsi.

Sabi 20:10 ပူးပေါင်းရင်းမြစ်များ

Nəhemiya 10:31

Haɗ ŋni dzaʼa vla kwagha ŋni, ŋa gwal ta nzata ta na haɗik na ma fitika hlaghatá mnduha da ga vuʼa wa. Hləta a aŋni guli ta kwagha taŋ ŋa zwana ŋni wa.

Sabi 16:26

Mkuʼ fitika ghuni ta hlay, ama baɗ mandəfáŋ ya, Sabat tsaya, haɗ kuni dzaʼa slanaghata baɗ tsaya wu, » kaʼa.

Sabi 31:13

« Wya ká ka da mnanatá la Israʼila: “Ka ŋanata kuni ɗina ta sabatha ɗa, kabga ŋizla tsaya mataba ɗa nda kaghuni ha ma zivirha ghuni, ŋa snaŋta ghuni kazlay iʼi Yawe ta pghata kaghuni ka ŋa ɗa kəʼa.

Sabi 34:21

Ma fitik mkuʼ ya, magay slna ghuni, ama baɗ mandəfáŋa fitik ya, mbiʼapta ghuni ta vgha. Dər ta fitika hva tsi, dər ta fitika tska skwi ta vwah a tsi, mbiʼapta ghuni ta vgha.

Sabi 35:2

Mkuʼ fitik ŋa maga slna. Ama baɗ mandəfáŋ ta nzakway ka Sabat, fitika mbiʼa vgha dar dar tsaya, nda fa ka ŋa Yawe. Inda mndu dzaʼa magaŋtá slna baɗ tsa fitik ya, dzaʼa dza dza lu.

La Levi 23:3

Ma fitik mkuʼ, dzaʼa ksay lu ta slna. Ama baɗ mandəfáŋ ya, Sabat, fitika mbiʼa vgha dar dar tsaya, dzaʼa mamu guyatá ghəŋ nda ghuɓa. Haɗ sana slna dzaʼa mag lu baɗ tsa fitik ya wa. Dzaʼa nzakway tsa Sabat ya ŋa Yawe dər ma vli ga dzaʼa nzata kuni.

Lukwa 23:56

Ka vraghatá həŋ da luwa. Ka payaftá həŋ ta rɗi nda urdi ŋa masay ta mbla Yesu. Ka nzaptá həŋ baɗu Sabat manda ya ta mnə zlahu.