Sabi 2:3 - Hdi

³ Ta nghə tsi ná, lavgliŋ a ta ɗifglanata wu, ka klaftá tsi ta tughba gaf lu nda suʼit. Ka zlərɓaptá tsi ta huɗa ni nda kwalta, nda ya nda ndəfáŋ. Ka klaftá tsi ta tsa zwaŋ ya ka famta mida, ka laghu da famta ma zaŋwafiha ta wa ghwa Nil.

Sabi 2:3 ပူးပေါင်းရင်းမြစ်များ

Zlrafta 11:3

Ka həŋ mataba taŋ sani nda sani mantsa: « Mbaɗma tsaftá brika rɓisl ka drapta mu, » ka həŋ. Ka mag həŋ ta slna nda tsa brik ya ŋa da manaka pala. Kwalta guli, ŋa ndeʼay.

Zlrafta 14:10

Ka ghəzlaftá lu ta i mghama Sədum nda Ghamura. Tsaw tsa vli ma daɓi ma didiŋa Siddim ya ná, ka ghurumha kwalta dzeʼdzeʼ nzakwa ni. Ka rkaghatá həŋ da tsa ghurumha ya, ta hwayaghatá sanlaha nda ta ghwá.

Zlrafta 6:14

Sliʼaf sliʼa ka magafta ka ta mghama kwambalu nda udzu nda mbra. Ka daganapta ka ta dzuguviha ma huɗa ni, zlərɓap ka ta huɗa ni nda hula ni tani guli nda kwalta.

Sabi 1:22

Ka Firʼawna nda inda mnduha ni mantsa: « Inda zwaŋa zgun dzaʼa yagata lu mataba la Hebru ya ná, ka vzaghata kuni da ghwa Nil. Ama inda ya ka makwa, ka zlanata kuni nda hafu, » kaʼa.

Mata 2:13

Tahula laghwa taŋ, ka lagha sana duhwala Mgham Lazglafta da suna Yusufu. Kaʼa nda tsi mantsa: « Sliʼaf sliʼa, kla ta na zwaŋ na nda ma ni ka hwayaghata ka nda həŋ ta haɗika Masar, ka nzata ka hada. Iʼi dzaʼa mnaghata kada vrakta ka. Ya dzaʼa zbay Hiridus ta na zwaŋ na ŋa dzata, » kaʼa.

Mata 2:16

Kəʼa ka Hiridus ná, hiɗaku hiɗanagha tsa gwal nda snatá skwi ta ghəŋa tekwatsa ya. Ka kuzlanaftá tsi ta ŋuɗuf. Tsaw mnana mna tsa gwal nda sna ta skwi ta ghəŋa tekwatsa ya kay ta fitika zlagapta tsa tekwatsa ya, kəl tsi ka mnay: Lawa pslihatá inda zwana zgwana yaga lu hada hada ha ka klaftá imi his ma luwa Betʼlehem, nda ya ma inda vli ta wanafta kəʼa.

Slna gwal ghunay 7:19

Ka nənɓaptá tsi ta mndəra amu. Ka dulu tsi ta dzidzíha mu, ŋa vlata taŋ ta zwana taŋ tkweʼ ŋa rwanatá həŋ.