Sabi 2:24 - Hdi

²⁴ Ka snaŋta Lazglafta ta tsa waha taŋ ya. Ka havaktá Lazglafta ka dzratá wa ni nda Abraham, nda ya nda Izak, nda ya nda Yakubu.

Sabi 2:24 ပူးပေါင်းရင်းမြစ်များ

Zlrafta 15:13

Ka Yawe nda Abram mantsa: « Snaŋ sna ɗina kazlay na dzaʼa nza nza zivirha gha ka mayəm ta haɗik kul nzakway ka ŋa taŋ kəʼa. Dzaʼa nuna həŋ ka vuʼa, ŋa dulay lu ka həŋ ka vaku fwaɗ dərmək.

Zlrafta 16:11

Ka duhwala Yawe nda tsi guli mantsa: « Wana nda huɗi ka, dzaʼa yaya ka ta zwaŋa zgun, ŋa tsanafta gha ta hga ni ka Yismaghel, kabga snaŋ sna Yawe ta tawa gha.

Zlrafta 17:7

Dzaʼa dzraf dzra yu ta wi nda kagha, nda ya nda zwana gha, nda ya nda zivira taŋ tani, ha ŋa kɗekedzeŋ. Mantsa ya tama, ŋa nzakwa ɗa ka Lazglafta gha, ka Lazglafta zivirha gha ta hula gha guli.

Zlrafta 18:18

Ya wana dzaʼa nzakway Abraham ka dzidza mndəra mndu dagala, nda mbra, nda ma tsatsi dzaʼa mutsafta ndəghata inda mndəra mnduha ta haɗik ta tfa wi.

Zlrafta 22:16

kaʼa mantsa: « Waɗa waɗa vərɗa iʼi ka ghəŋa ɗa, ka Yawe mnata. Ta ghəŋa magata gha ta tsa skwi ya, kul sɗaɗifta nda zwaŋa gha kɗakwa ni turtuktuk ya,

Zlrafta 26:2

Ka maravatá Yawe da Izak, kaʼa nda tsi mantsa: « Ma la ka da Masar, nza nza gha ma haɗik dzaʼa maraghata yu ya.

Zlrafta 26:24

Ta tsa rviɗik ya ka zlagaptá Yawe da tsi, kaʼa mantsa: « Iʼi Lazglafta Abraham da gha ya, ma zləŋ ka, kawadaga yu nda kagha, dzaʼa tfaghagha tfa yu ta wi, dzaʼa yanaf ya yu ta zivira gha dabga kwalva ɗa Abraham, » kaʼa.

Zlrafta 26:3

Nza nza ma na haɗik na, dzaʼa nzakway yu kawadaga nda kagha, dzaʼa tfaghagha tfa yu ta wi, ŋa gha nda zivira gha dzaʼa vlaghata yu ta inda tsa kwakwarha ya. Dzaʼa ŋana ŋa yu ta skwi waɗana yu ta da gha Abraham.

Zlrafta 32:28

« Wa hga gha na? » ka tsa mndu ya ɗawaŋta. « Yakubu, » kaʼa.

Zlrafta 35:11

Ka Lazglafta nda tsi mantsa: « Iʼi Lazglafta ta Mbruta, ga ta mndu, ka yafta ka tusak. Ma kagha dzaʼa saba ndəghata mndəra mnduha, nda guyatá ghəŋa mndəra mnduha. Ma kagha dzaʼa saba mghamha guli.

Zlrafta 35:12

Tsa haɗik vlaŋ yu ta i Abraham nda Izak ya ná, dzaʼa vlagha vla yu, dzaʼa vlaŋ vla yu ta zivira gha guli, » kaʼa.

Zlrafta 8:1

Ka havaptá Lazglafta ka Nuhu, nda inda nimtak, nda inda rini kawadaga nda tsi ma tsa mghama kwambalu ya. Ka viygiŋtá tsi ta falak ta haɗik, ka swiʼaku tsa imi ya.

2Mgh 13:23

Ama ka zɗanaŋtá Yawe ta huɗi ta la Israʼila, ka tawatá hiɗahiɗa ta həŋ, ka mbəɗaghuta mista taŋ dabga dzratá wa ni nda Abraham, nda Izak, nda ya nda Yakubu. Va a ta zaɗanatá həŋ wu, vziŋ a ta həŋ diʼiŋ nda tsi wa.

Sabi 6:5

Ka snaŋtá guli ta waha la Israʼila dabga ga vuʼa ta gə la Masar ŋa taŋ, ka havaktá yu ta dzratá wa ɗa nda həŋ.

Mbsak 20:16

Ka wahu ŋni ta wahu da Yawe, ka snaŋtá tsi ta waha ŋni. Ka ghunagatá tsi ta duhwala ni, ka hlagaptá tsi ta aŋni ma Masar. Wana ŋni ndanana ma Kades, luwa ya ta mukuma nda kwakwara gha.

Slna gwal ghunay 7:34

Nghadap ngha yu ta ghuya ɗaŋwa ŋa mnduha ɗa ta ghuy lu ma haɗika Masar. Sniɗigha sna ŋa ɗa ghəŋa taŋ, kəl yu ka saha da hlaptá həŋ mida. Ndanana na, sawi ka ghuna yu ta kagha da luwa Masar,” kaʼa nda tsi.

Gwal tsa guma 2:18

Ma fitika zlaganapta Yawe ta gwal tsanatá guma ta həŋ, kawadaga Yawe nda mnda tsa guma, ka katu tsi ta həŋ da ghumaha taŋ ma fitika nzakwa tsa mnda tsa guma ya. Ta taway ta hiɗahiɗa ta ŋaɗa ghəŋ ta ŋaɗ həŋ, dabga gwal ta ghuya ɗaŋwa ŋa taŋ, ka sa duni ŋa taŋ ya.

1Sam 9:16

« Mahtsim ta na luwa ná, dzaʼa ghundaghagha ghuna yu ta sana mnda la Biŋyamiŋ, ka famta ka nda ma pghanaghatá rɗi ŋa nzakwa ni ka mali ta ghəŋa mnduha ɗa la Israʼila. Dzaʼa mbanaf mba ta mnduha ɗa ma dzva la Filisti, kabga nda ngha yu ta ksakwa taŋ ka hiɗahiɗa, ɓhiɗagha ɓha waha taŋ, » kaʼa.