Sabi 19:6 - Hdi

⁶ Ama kaghuni, dzaʼa nzakway kuni ka ŋa ɗa ka gwal ga mghama dra skwi ŋa ɗa, ka mndəra gwal nda fa ŋa ɗa.” Tsaya skwi dzaʼa ka mnanatá la Israʼila, » kaʼa.

Sabi 19:6 ပူးပေါင်းရင်းမြစ်များ

1Mgh 3:8

Wana kwalva gha mataba mnduha gha, gwal ya zabap ka, mnduha ta ndəghuta kul laviŋtá lu ta mbəɗaftá mbsaka taŋ həŋ.

1Mgh 8:53

Kagha, a rveri ɗa Yawe, ta talaptá həŋ mataba inda sanlaha ma mndəra mnduha ta ghəŋa haɗik, ŋa nzakwa taŋ ka skwa za həga gha, manda ya mna ka nda ma wa kwalva gha Musa, ma hlagapta gha ta dzidzíha ŋni ma Masar, » kaʼa.

1Rus 17:22

Fa fa ka ta mnduha gha la Israʼila ŋa nzakwa taŋ ka mnduha gha ŋa ɗekɗek, ta nzatá kagha Yawe guli ka Lazglafta taŋ.

Sabi 15:26

Kaʼa mantsa: « Ka fa fa kuni ta sləməŋ ɗina ka snatá gwaɗa Yawe, Lazglafta ghuni, ka ta magiha maga kuni ta skwi ta tɗukwa ta wa ira ɗa, ka ta fiha fa kuni ta sləməŋ ɗina ka sna skwiha ta mnaghunata yu, ka ta ŋana ŋa kuni ta zlahuha ɗa demdem katsi, haɗ yu dzaʼa vlaghunata ya dər turtuk ma tsa ɗaŋwaha ya vlaŋ yu ta la Masar ya wu, kabga iʼi Yawe ta mba kaghuni, » kaʼa.

Sabi 28:36

Ka magafta ka ta zlembetsi ka dasu ghenen. Ka thafta ka tida manda thatá hati kazlay “nda fa ŋa Yawe” kəʼa.

La Levi 19:2

« Mnana mna ta inda guyatá ghəŋa la Israʼila, ka ka nda həŋ na: Nzawa nza nda ghuɓa, kabga iʼi Yawe, Lazglafta ghuni, nda ghuɓa yu.

La Levi 20:24

Ka yu mnaghunata na: “Dzaʼa nzakway haɗika taŋ ka ŋa ghuni, vərɗa iʼi dzaʼa vlaghunata ka ŋa ghuni. Haɗik ta mbəzaku uʼa nda zuɗum mida ya.” Iʼi Yawe, Lazglafta ghuni ta tsaptá kaghuni mataba mndəra mnduha.

La Levi 20:26

Ka nzata kuni nda ghuɓa ŋa ɗa, kabga iʼi Yawe ná, nda ghuɓa yu. Tsap tsa yu ta kaghuni mataba mndəra mnduha, ŋa nzakwa kaghuni ka ŋa ɗa.

La Levi 21:23

Ama yaha da lagha ta vata zlala ma vli nda ghuɓa, nda gwir, kabga nzakwa ni nda maslivinza tida. Yaha da kfariŋtá vliha ɗa nda ghuɓa. Iʼi Yawe ta pghatá həŋ ka ŋa ɗa, » kaʼa.

Mbsak 16:3

Ka tskadaghatá həŋ ta vgha slanaghatá i Musa nda Haruna, ka həŋ nda həŋ mantsa: « Prək tsa tama! Inda na guyatá ghəŋa mnduha na ná, nda ghuɓa həŋ, mataba taŋ Yawe guli. Kabgawu ta kəl kaghuni ka gla ghəŋ ta ghəŋa guyatá ghəŋa mnduha Yawe na? » ka həŋ.

La Ruma 12:1

Zwana ma ɗa, dagala tawa hiɗahiɗa Lazglafta ta amu. Tsaya tama ta kəl yu ka ndəɓa ghunata dzvu. Vlaŋwa vla ta ghəŋa ghuni tsuh tsuh ta Lazglafta manda skwa pla ghəŋ nda hafu mida, nda ghuɓa ta zɗəganata. Tsaya vərɗaka tva tsəlɓay ghuni ta tsəlɓu ŋa ni.

1Kwa 3:17

Ka ɓadziŋ ɓadza mndu ta həga Lazglafta ná, dzaʼa ɓadziŋ ɓadza Lazglafta ta tsatsi guli, kabga nda ghuɓa həga Lazglafta. Tsa həga ya ná, kaghuni ya.

Vrafta ta zlahu 14:21

Yaha kuni da za inda skwiha ta mtuta nda mta, kabga kaghuni ná, nda fa kuni ka ŋa Yawe, Lazglafta ghuni. Vlaŋwa vla ta mayəm ta nzakw ma səla ghuni ka za tsi, ka ta skwanapta nda skwa a kuni ta sanlaha ma matbayha. Yaha kuni da damtá zwaŋa gu ma uʼa ma ni. »

Vrafta ta zlahu 26:19

kada kapaghunafta tsi ta ghəŋa inda mndəra mnduha ya magaf tsi, ŋa ghubay lu ta kagha, ŋa kulay lu ta kagha, ŋa nzakwa gha ka mndu nda sgit tida, ŋa nzakwa gha ka mndu nda ghuɓa ŋa Yawe, Lazglafta gha, manda ya mna gha tsi ya, » kaʼa.

Vrafta ta zlahu 28:9

Dzaʼa fa fa Yawe ta kaghuni ka mnduha ni nda ghuɓa, manda ya waɗaghuna tsi, ka ŋana ŋa kuni ta zlahuha Yawe, Lazglafta ghuni, ka ksa tva ni.

Vrafta ta zlahu 7:6

kabga nda fa kaghuni ka ŋa Yawe, Lazglafta ghuni. Tsatsi ta zbaptá kaghuni mataba inda mnduha ta ghəŋa haɗik ŋa nzakwa ghuni ka mnduha ni nda sgit ta həŋ.

1Tes 5:27

Ta ndəɓa ghunatá dzvu yu ma hga Mgham Yesu. Ka dzaŋanafta kuni ta na ɗelewer na ta inda zwana ma.

1 Piyer 2:5

Kaghuni guli, nzawa nza ka pala nda hafu mida, ya ta kəl lu ka ba həga mndərga ŋa Sulkum, ŋa nzakwa ghuni ka guyata ghəŋa gwal nda ghuɓa ta vla skwi manda ya ta kum Sulkum. Tsaya skwi ta zɗəganatá Lazglafta nda ma Yesu Kristi.

1 Piyer 2:9

Ama kaghuni ya, nda nza kaghuni ka mndəra mndu zabap Lazglafta, ka guyata ghəŋa gwal ta vla skwi ŋa Lazglafta, ka gwal faghu Lazglafta ka ŋa ni. Tsatsi ta hagaftá kaghuni ka hlagaghunapta ma grusl, ka pghaghunamta ma tsuwaɗak ta ndərmim lu nda ndərmima, ŋa mna skwi maga tsi ta malaghutá mbraku.

Suna Yuhwana 1:6

Tsatsi ta namafta ka gwal ta ga mgham, ka gwal ta vla skwi ŋa Lazglafta ta nzakway ka Da ni. Ŋa ni glaku nda mbraku ŋa kɗekedzeŋ. *Amin!

Suna Yuhwana 20:6

Rfu da tsa gwal ta sliʼagapta taŋtaŋ ma mtaku ya, nda ghuɓa hahəŋ. Ta haɗ mahisa mtaku nda mbraku ta ghəŋa taŋ wa. Hahəŋ ná, dzaʼa nzakway həŋ ka gwal ta dra skwi ŋa Lazglafta nda ya ŋa *Yesu *Kristi, ŋa gay taŋ ta mgham kawadaga nda Kristi ka vaku dəmbuʼ.

Suna Yuhwana 5:10

Nanaf na ka ta həŋ ka mnduha Lazglafta, kagha ta nzakway ka Mgham. Nanaf na ka ta həŋ ka gwal ksanatá slna ta Lazglafta, ŋa gay taŋ ta mgham ta ghəŋa mnduha ma ghəŋa haɗik. »