Sabi 19:5 - Hdi

⁵ Ndana ná, ka fa fa kuni ɗina ta sləməŋ ka sna skwi ta mnaghunata yu, ka ŋana ŋa kuni ta dzratá wa ɗa nda kaghuni, dzaʼa nzakway kuni ka mnduha ɗa nda sgit ta həŋ mataba inda mndəra mnduha. Aŋ mndani, ŋa ɗa inda ghəŋa haɗik demdem.

Sabi 19:5 ပူးပေါင်းရင်းမြစ်များ

Zlrafta 17:9

Ka Lazglafta nda Abraham guli mantsa: « Kagha nda zwana gha tani, nda zivirha gha tani, ha ŋa kɗekedzeŋ, ka ŋanata kuni ta dzratá wa ɗa nda kaghuni.

1Mgh 8:53

Kagha, a rveri ɗa Yawe, ta talaptá həŋ mataba inda sanlaha ma mndəra mnduha ta ghəŋa haɗik, ŋa nzakwa taŋ ka skwa za həga gha, manda ya mna ka nda ma wa kwalva gha Musa, ma hlagapta gha ta dzidzíha ŋni ma Masar, » kaʼa.

1Rus 17:22

Fa fa ka ta mnduha gha la Israʼila ŋa nzakwa taŋ ka mnduha gha ŋa ɗekɗek, ta nzatá kagha Yawe guli ka Lazglafta taŋ.

Sabi 15:26

Kaʼa mantsa: « Ka fa fa kuni ta sləməŋ ɗina ka snatá gwaɗa Yawe, Lazglafta ghuni, ka ta magiha maga kuni ta skwi ta tɗukwa ta wa ira ɗa, ka ta fiha fa kuni ta sləməŋ ɗina ka sna skwiha ta mnaghunata yu, ka ta ŋana ŋa kuni ta zlahuha ɗa demdem katsi, haɗ yu dzaʼa vlaghunata ya dər turtuk ma tsa ɗaŋwaha ya vlaŋ yu ta la Masar ya wu, kabga iʼi Yawe ta mba kaghuni, » kaʼa.

Sabi 23:22

Ama ka fa fa kuni ta sləməŋ ɗina ka snanatá gwaɗa ni, ka ta magay kuni ta inda skwi dzaʼa mnaghata yu katsi, dzaʼa nzakway yu ka ghuma ghumaha ghuni, ka mnda dzaŋtá kuma nda mndu dzaʼa dzaŋtá kuma nda kaghuni.

Sabi 24:7

Ka klaftá tsi ta deftera dzratá wi, ka dzaŋafta ta snay sləməŋa mnduha. Ka həŋ mantsa: « Inda gwaɗaha mna Yawe ná, dzaʼa magay ŋni manda va tsaya, dzaʼa sna sna ŋni, » ka həŋ.

Sabi 34:9

Kaʼa mantsa: « Rvera ɗa, ka si zɗəgagha zɗa yu, kdəkkdək, sawi da da taba ŋni. Nda sna yu kazlay təŋ təŋa ghəŋa tsa mnduha ya kəʼa má mndani, ama plaŋna pla ta krughuviha ŋni, nda dmakuha ŋni, ka tsuʼaf tsuʼa ta aŋni ka mnduha gha, » kaʼa.

Sabi 6:7

Dzaʼa hlaf hla yu ta kaghuni ŋa nzakwa ghuni ka mnduha ɗa, ŋa nzakwa ɗa ka Lazglafta ghuni. Mantsa tama, dzaʼa snaŋ sna kuni kazlay Iʼi Yawe, Lazglafta ghuni, ta hlagaghunapta ma slna mbraku ma Masar.

Sabi 8:22

Ka Musa nda tsi mantsa: « Laviŋ a aŋni ta magay manda tsaya wu, kabga skwi ta vəl ŋni ŋa pla ghəŋ ŋa Yawe, Lazglafta ŋni ná, ka dzahay nzakwa ni da la Masar na. Ka hna hna ŋni ta wa ira taŋ ta skwi ka dzahay katsi ná, dzaʼa zlərtsay həŋ ta aŋni nda pala.

Sabi 9:29

Ka Musa mantsa: « Laba ɗa ma huɗa luwa ná, dzaʼa kapaf kapa yu ta dzvuha ɗa nda təv Yawe, dzaʼa hlata ŋəzla luwa, nda paplaha. Mantsa ya dzaʼa kəl ka ka snaŋta kazlay na ŋa Yawe haɗik kəʼa.

La Levi 20:24

Ka yu mnaghunata na: “Dzaʼa nzakway haɗika taŋ ka ŋa ghuni, vərɗa iʼi dzaʼa vlaghunata ka ŋa ghuni. Haɗik ta mbəzaku uʼa nda zuɗum mida ya.” Iʼi Yawe, Lazglafta ghuni ta tsaptá kaghuni mataba mndəra mnduha.

1Kwa 10:26

kabga ka gwaɗa Lazglafta na: « Ŋa Mgham Lazglafta haɗik nda inda skwi mida demdem, » kaʼa.

1Kwa 10:28

Ka « sluʼa pla ghəŋ ŋa skwa wuyay ya, » ka ka mndu nda kaghuni katsi, yaha kuni da zay da famta kuni ta tsa mndu ta mnaghunata ya ma ndanu.

Vrafta ta zlahu 10:14

Aŋi, ŋa Yawe, Lazglafta na luwa, nda luwa ta ghəŋa luwa, nda haɗik, nda inda skwiha mida demdem.

Vrafta ta zlahu 11:27

Dzaʼa mutsay kuni ta tfa wi ka sna sna kuni ta zlahuha Yawe, Lazglafta ghuni, ta mnaghunafta yu gita na.

Vrafta ta zlahu 14:2

Kaghuni ná, nda fa kuni ka ŋa Yawe, Lazglafta ghuni. Yawe ta psaptá kaghuni ŋa nzakwa ghuni ka mnduha ni, ŋa nzakwa ghuni nda sgit ta həŋ mataba inda mndəra mnduha ta ghəŋa haɗik. »

Vrafta ta zlahu 14:21

Yaha kuni da za inda skwiha ta mtuta nda mta, kabga kaghuni ná, nda fa kuni ka ŋa Yawe, Lazglafta ghuni. Vlaŋwa vla ta mayəm ta nzakw ma səla ghuni ka za tsi, ka ta skwanapta nda skwa a kuni ta sanlaha ma matbayha. Yaha kuni da damtá zwaŋa gu ma uʼa ma ni. »

Vrafta ta zlahu 26:18

Gita, ta mnaŋta Yawe kazlay, mnda ni ta nzakway ka ŋa ni nda sgit tida ka kəʼa, manda ya taghaf tsi ta imi ta sləməŋ, ka snata kagha ta inda zlahuha ya mnaf tsi,

Vrafta ta zlahu 26:19

kada kapaghunafta tsi ta ghəŋa inda mndəra mnduha ya magaf tsi, ŋa ghubay lu ta kagha, ŋa kulay lu ta kagha, ŋa nzakwa gha ka mndu nda sgit tida, ŋa nzakwa gha ka mndu nda ghuɓa ŋa Yawe, Lazglafta gha, manda ya mna gha tsi ya, » kaʼa.

Vrafta ta zlahu 28:1

« Ka snana sna kuni dardar ta gwaɗa Yawe, Lazglafta ghuni ka ŋanata nda ma maga slna nda inda tsa gwaɗaha mnaf tsi vlaghuna yu gita ya, dzaʼa kapaghunaf kapa Yawe, Lazglafta ghuni ka malaghuta inda sanlaha ma mndəra mnduha ta ghəŋa haɗik.

Vrafta ta zlahu 28:9

Dzaʼa fa fa Yawe ta kaghuni ka mnduha ni nda ghuɓa, manda ya waɗaghuna tsi, ka ŋana ŋa kuni ta zlahuha Yawe, Lazglafta ghuni, ka ksa tva ni.

Vrafta ta zlahu 4:20

Ama kaghuni, Yawe ta zbaptá kaghuni, ka hlagaptá kaghuni ma Masar, tsa duda vu ŋa nwa kfur ya, ŋa nzakwa ghuni ka mnduha ŋa ŋa ni, manda va na nzakwa ghuni gita na.

Vrafta ta zlahu 5:2

Dzraf dzra Yawe, Lazglafta mu ta wi nda amu ma Hwarev.

Vrafta ta zlahu 7:6

kabga nda fa kaghuni ka ŋa Yawe, Lazglafta ghuni. Tsatsi ta zbaptá kaghuni mataba inda mnduha ta ghəŋa haɗik ŋa nzakwa ghuni ka mnduha ni nda sgit ta həŋ.

Vrafta ta zlahu 9:29

Mnduha gha həŋ teʼuwa, skwa za həga gha hligiŋ ka ta həŋ ma Masar nda glakwa mbrakwa gha, nda ya nda tɗatá dzva gha həŋ. »

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Hebru 11:8

Nda ma zlghay nda ŋuɗuf snata Abraham ta hgu hgaf Lazglafta, ka sliʼaftá tsi ka laghwi ta haɗik ya dzaʼa vlaŋta Lazglafta ŋa ni. Ta sliʼaftá tsi, sna a ta vli ta dzaʼa tsi wa.

Hebru 8:9

nzata a manda tsa dzratá wi dzraf yu nda dzidzíha taŋ ma tsa fitika hlagapta ɗa ta həŋ nda dzva ɗa ma haɗika Masar ya wa. Hahəŋ ka ghəŋa taŋ ta ɓadziŋtá tsa si dzratá wa ɗa nda həŋ ya, ka zliŋtá iʼi ta həŋ guli,

Yəhusuwa 24:24

Ka mnduha nda Yəhusuwa mantsa: « Ta Yawe, Lazglafta mu dzaʼa tsəlɓanata aŋni ta tsəlɓu, dzaʼa snana sna aŋni ta gwaɗa ni, » ka həŋ.

1 Piyer 2:9

Ama kaghuni ya, nda nza kaghuni ka mndəra mndu zabap Lazglafta, ka guyata ghəŋa gwal ta vla skwi ŋa Lazglafta, ka gwal faghu Lazglafta ka ŋa ni. Tsatsi ta hagaftá kaghuni ka hlagaghunapta ma grusl, ka pghaghunamta ma tsuwaɗak ta ndərmim lu nda ndərmima, ŋa mna skwi maga tsi ta malaghutá mbraku.

1Sam 15:22

Ka Samuyel mantsa: « Mal zɗəganata pla ghəŋ ŋa dray tsuh tsuh, nda sanlaha ma skwa pla ghəŋ ta Yawe, ka snatá gwaɗa ni ra? Mantsa a wa! Mal snatá gwaɗa, ka pla ghəŋha. Malaghu mala fatá sləməŋ ɗina, ka ghwaviɗa maŋazak.