Sabi 19:3 - Hdi

³ Ka sliʼaftá Musa ka ŋlaghata ta tsa ghwá ya da guyaku nda Lazglafta. Daga ta bɗəma tsa ghwá ya, ka hgaŋtá Yawe ta Musa, kaʼa nda tsi mantsa: « Wya ká ka dzaʼa mnanatá la Yakubu, ta skwi dzaʼa snanamta ka ta la Israʼila ya:

Sabi 19:3 ပူးပေါင်းရင်းမြစ်များ

Sabi 19:20

Ka saha Yawe ta bɗəma ghwá Sinay. Hada, ka hgadaftá tsi ta Musa ta bɗəma tsa ghwa ya. Ka laf Musa.

Sabi 20:21

Ka nzaktá mnduha kətsaʼu diʼiŋ, ta gavadaghatá Musa ndusa nda tsa kusay tɗik katakata nzam Lazglafta mida ya.

Sabi 24:12

Ka Yawe nda Musa mantsa: « Saf sa da iʼi ta ghwá, ka nzata ka, dzaʼa vlagha vla yu ta klamha vindaf yu tida ta skwiha ŋa taghay nda zlahuha ŋa taghanaftá la Israʼila, » kaʼa.

Sabi 24:13

Ka sliʼafta Musa nda Yəhusuwa slufa ni, ka lafi Musa ta ghwá Lazglafta,

Sabi 3:12

Kaʼa nda tsi mantsa: « Kawadaga yu nda kagha. Ŋa graghafta kazlay iʼi ta ghunaftá kagha kəʼa, mamu ŋizla ta vlaghata yu: Baɗ hlagapta gha ta la Israʼila ma Masar ya, ŋa sagha ghuni da tsəlɓu ŋa ɗa ta na ghwá na, » kaʼa.

Sabi 3:4

Nghay Yawe ná, ta mbəɗa vgha Musa ka dzaʼa da nghay. Ka hgaŋtá Lazglafta ma tsa mubuk ya, kaʼa mantsa: « Musa! Musa! » kaʼa. « Wana yu! » ka Musa.

Sabi 34:2

Ka payavata ka ŋa ga sərɗək mahtsim. Ka ŋlagafta ka ga sərɗək ta ghwá Sinay. Ka sagha ka maravata hada ta kəma ɗa ta bɗəma ghwá.

Sabi 34:4

Ka fifiɗaftá Musa ta klamha his manda tsaha taŋtaŋ ya. Ka tsavaftá tsi ga sərɗək ka lafi ta ghwá Sinay, manda ya mnanaf Yawe, nda hlatá tsa klamha his ya ma dzva ni.

La Levi 1:1

Ka hgaŋtá Yawe ta Musa daga ma tumpula guyaku, kaʼa nda tsi mantsa:

Slna gwal ghunay 7:38

Ma fitika tskavata zwana la Israʼila ma zivak, tsa Musa ya ta nzakway ma takataka dzidzíha mu, nda duhwala Lazglafta ta gwaɗa nda tsi, ta ghwá Sinay ya. Hada tsuʼamafta tsi ta gwaɗa hafu ka klamakta.