Sabi 18:11 - Hdi

¹¹ Ndanana, nda sna yu kazlay na, malaghu mala Yawe ta inda lazglaftaha kəʼa, kabga zluʼagap zluʼa ta mnduha ni ma ghuya ɗaŋwa taŋ, da la Masar ta nzanaghatá həŋ, » kaʼa.

Sabi 18:11 ပူးပေါင်းရင်းမြစ်များ

1Mgh 17:24

Ka tsa marakw ya nda Iliya mantsa: « Ndana tama, nda sna yu kazlay na, mnda Lazglafta ka kəʼa. Gwaɗa Yawe ta mnagapta ka ma wa gha guli ná, kahwathwata nzakwa ni, » kaʼa.

2Mgh 5:15

Ka vradaghatá Naghamaŋ da mnda Lazglafta nda inda gwal mista ni tani. Lagha ni, ka maraŋtá tsi ta vgha ni ta kəma ni, kaʼa mantsa: « Ndanana, nda sna yu kazlay haɗ Lazglafta ta inda ghəŋa haɗik wu, ba ma Israʼila kəʼa. Ndanana, kdəkkdək tsuʼaf tsuʼa ta mbəhu si da kwalva gha, » kaʼa.

1Rus 16:25

Dagala Yawe, raŋ ra zləzləvu, nda makwitkwit tida ka malaghutá sanlaha ma lazglaftaha,

2Rus 2:5

Ama wa dzaʼa laviŋta banaftá həga, ya wya ŋaf a dər luwa ta luwa ta ghəŋa luwa na? Wa iʼi ŋa laviŋtá banaftá həga na? Ba vla dra urdi ta kəma ni kweŋkweŋ yeya dzaʼa laviŋta iʼi ta banafta.

Nəhemiya 9:10

Ka maganatá ka ta mandərmimiha nda mazəmzəmha ta Firʼawna nda inda kwalvaha ni, nda inda mndu ta haɗika ni, kabga nda sna kagha ta mndərga gla ghəŋ glə həŋ ta dzidzíha ŋni. Ndaɗaʼa tutá hga gha manda va ya ta nzakway gitana wu.

Nəhemiya 9:16

Ama ka glanaftá dzidzíha ŋni ta ghəŋ ka təŋanaftá. Ka kwalaghutá həŋ ta snatá zlahuha gha.

Nəhemiya 9:29

Ka dvə ka ta həŋ ŋa vragaghata da zlaha gha, ama hahəŋ ma gla ghəŋa taŋ, ka kwalaghutá həŋ ta snatá zlahuha gha. Ka gaghatá həŋ ta dmaku ka ɓlanaptá skwiha mnaf ka. Nziya nza tsi ná, ka sna sna mndu ta nza nza nda hafu. Ka mbəɗaghatá həŋ ta hul, ka təŋanaftá ghəŋa taŋ, ka kwalaghutá snata.

Sabi 1:10

Katama katá ta htsiŋ da həŋ, mutsaf ma mutsa ta vərɗa tvi dzaʼa pyaftá yakwa taŋ. Ka maga a mu mantsa wu katsi, ka sliʼaf sliʼa lmu ná, dzaʼa gwaf gwa həŋ ta vgha nda ghumaha mu ŋa lmay taŋ ta lmu nda amu, ŋa sliʼapta taŋ ma haɗika mu, » kaʼa.

Sabi 1:16

« Ta yə kuni ta miʼa la Hebru ya, nghanawa ngha ɗina ta tsa pala yakwa ni ya, ka zwaŋa zgun tsi katsi, ka dzata kuni. Ala ka makwa tsi ya, ka zlanata kuni nda hafu, » kaʼa.

Sabi 1:22

Ka Firʼawna nda inda mnduha ni mantsa: « Inda zwaŋa zgun dzaʼa yagata lu mataba la Hebru ya ná, ka vzaghata kuni da ghwa Nil. Ama inda ya ka makwa, ka zlanata kuni nda hafu, » kaʼa.

Sabi 10:3

Ka lagha i Musa nda Haruna da Firʼawna, ka həŋ nda tsi mantsa: « Ka Yawe, Lazglafta la Hebru wa: “Ha yawu dzaʼa gɗavata ka ma kwal kul dzagatá ghəŋ ta kəma ɗa na? Zlana zla ta mnduha ɗa ka sliʼa həŋ, ka tsəlɓa həŋ ta tsəlɓu ŋa ɗa.

Sabi 12:12

Ta tsa rviɗik ya dzaʼa lama yu ranaftá haɗika Masar, ŋa rwiŋta ɗa ta inda zumali ta haɗika Masar, zlrafta ni ta mndu ha ta rini. Dzaʼa tsanagha tsa yu ta guma ta inda lazglaftaha la Masar. Iʼi ná, Yawe yu.

Sabi 14:18

Ma maranata ɗa ta glakwa ɗa ta Firʼawna, nda mwata plisha ni, nda sludziha ni ta plis tani ya, dzaʼa snaŋ sna la Masar kazlay iʼi ná, Yawe yu kəʼa, » kaʼa.

Sabi 14:8

Ka təŋanaftá Yawe ta ghəŋa Firʼawna, mghama Masar. Ka hwayiŋtá tsi ta la Israʼila ta sab həŋ ma Masar nda kapa dzva flauʼwatá vgha.

Sabi 15:11

Ari Yawe, wa ya manda kagha mataba lazglaftaha na? Wa ya ta gara vgha nda kagha na? Ta ndərmima mndu na ghuɓatá kagha! Nda sgit ta kagha ma inda slnaha gha, nda ra ka ka vlaŋtá glaku, mamu ka nda mbrakwa maga inda skwiha!

Sabi 5:2

Ka Firʼawna mantsa: « Wa Yawe ŋa snay ɗa ta gwaɗa ni, ŋa zliŋta ɗa ta la Israʼila na? Sna a yu ta Yawe wa, haɗ yu ta zliŋtá la Israʼila guli wu, » kaʼa.

Sabi 5:7

« Tazlay ná, kaghuni ta hlanaktá husu ta la Israʼila ŋa tsa brik. Ndana tama, ma hləglanak kuni ta həŋ, ka la hahəŋ ka ghəŋa taŋ da hlay.

Mbsak 33:4

Ma tsa fitik ya, ta paɗay paɗay la Masar ta inda zumaliha taŋ pəsla Yawe. Mantsa ya tsanaghatá Yawe ta guma ta lazglaftaha taŋ.

Lukwa 1:51

Nda dzva ni maraŋta tsi ta mbrakwa ni, ka ghəzliŋtá tsi ta gwal ta gla ghəŋ, nda ghərɓaku ma ŋuɗufa taŋ.

Yakubu 4:6

Ta vlay katək ta zɗakatahuɗi ya ta fərtuta kəl defteri ka mnay kazlay: Ta pgha ghəŋ Lazglafta nda gwal ta gla ghəŋ, ama ta vlay ta zɗakatahuɗa ni ŋa gwal ta hanaganatá ghəŋa taŋ kəʼa ya.

1 Piyer 5:5

Kaghuni guli duhwalha, hanaganawa ghəŋ mista la galata mndu ta ngha Igliz. Kaghuni demdem nzawa nza nda hanatá ghəŋ ma gwaya vgha ghuni, kabga « zɗəgana a gwal ta gla ghəŋ ta Lazglafta wu, ama ta zɗanaŋ zɗa ta huɗi ta gwal ta hanaganatá ghəŋ. »

1Sam 2:3

Ma bərfgiŋ kuni ta gwaɗa nda gla ghəŋ, ma səglap gwaɗa ghərɓaku ma wa ghuni, kabga Yawe ná, Lazglafta nda sna ta skwi demdem ya, tsatsi ta graftá ndəgakwa inda slna ta magata mndu.