Sabi 18:1 - Hdi

¹ Yitru ná, mnda dra skwi ŋa Lazglafta ma Midyaŋ ya, tsatsi dzidza Musa. Ka snaŋtá tsi ta inda skwiha magana Lazglafta ta Musa, nda ya ŋa la Israʼila mnduha ni tani, ya ká Yawe hlagaptá la Israʼila ma Masar.

Sabi 18:1 ပူးပေါင်းရင်းမြစ်များ

Sabi 2:16

Tsaw mamu sana mnda dra skwi ŋa Lazglafta ma Midyaŋ, ndəfáŋ kwagha ni. Ka lagha tsa kuʼaha ya da zakamtá imi ma tsughaŋ, ŋa say rina fisika da taŋ.

Sabi 2:18

Ka sliʼaftá tsa kuʼaha ya, ka vraghuta dzagha slanaghatá da taŋ Rəghuʼel. Kaʼa nda həŋ mantsa: « Nya kəl kuni ka vrakta tewtew gita na? » kaʼa.

Sabi 2:21

Ka lagha Musa nzata ga taŋ. Ka vlaŋtá tsi ta makwa ni Tsifura ŋa nzakway ka markwa taŋ.

Sabi 3:1

Ma sana fitik, ka nghə Musa ta rina fisika Yitru dzidza ni, mnda dra skwi ŋa Lazglafta ma Midyaŋ. Ka mbadaptá tsi ta bra rina ni da huɗa mtak, ka lagha tsi da Hwarev, ghwá Lazglafta.

Sabi 4:18

Tahula tsa, ka sliʼaftá Musa ka vraghuta slanaghatá Yitru dzidza ni. Kaʼa nda tsi mantsa: « Kdəkkdək! zliha zla ka dzaʼa yu da nghanaghatá zwana ma ɗa la Hebru ma Masar. Ka dzaʼa yu nghanaghatá həŋ ka ta nda hafu həŋ tsi, ka ki tsi, » kaʼa. Ka Yitru mantsa: « La ka ɓhata ka nda vghata zɗaku, » kaʼa.

Sabi 6:6

Tsaya tama ná, kla ta lwa ɗa ŋa la Israʼila kazlay na, “Iʼi ná, Yawe yu. Dzaʼa hlagaghunap hla yu ma slna mbraku ma Masar. Dzaʼa zluʼagaghunap zluʼa yu ma ga vuʼa ta gə həŋ ŋa ghuni. Nda tɗatá dzva ɗa ta mbruta, nda ya nda glakwa slna guma ɗa dzaʼa varagaghunapta yu.

Mbsak 10:29

Ka Musa nda Huvav zwaŋa dzidza ni Rəghuʼel mnda la Midyaŋ, mantsa: « Ta sliʼi da vli ya taŋnaf Yawe ta imi ta sləməŋ ŋni. Kaʼa na: “Dzaʼa vlaghuna vla yu,” kaʼa. Sawi mista ŋni. Dzaʼa maga gha maga ŋni ta zɗaku, kabga mamu zɗaku tanaf Yawe ta imi ta sləməŋ ta la Israʼila, » kaʼa.

Slna gwal ghunay 14:27

Manda ɓhadaghata taŋ, ka tskanatá həŋ ta *Igliz, ka rusu həŋ ŋa taŋ ta inda skwi ya mag Lazglafta nda həŋ, nda ya kəʼa guninistá tva zlghay nda ŋuɗuf ta gwal kul nzakway ka la *Yahuda guli.

Slna gwal ghunay 15:12

Sew, ka tsa tskatá vgha ya nzata. Ka zlraftá i Barnabas nda Pwal ta rusa mazəmzəmha nda skwa mandərmimi maga Lazglafta nda ma hahəŋ mataba gwal kul nzakway ka la Yahuda.

La Ruma 15:18

Haɗ yu ta walaŋtá mna sana skwi, ka ya maga Kristi nda ma iʼi a tsi wa. Nda ma iʼi hlakta tsi ta gwal kul nzakway ka la Yahuda ŋa nzakwa taŋ ka gwal snanatá gwaɗa ta Lazglafta. Nda nza nda ma gwaɗa ɗa, nda nza nda ma slnaha ɗa.

Yəhusuwa 2:10

kabga snaŋnagha sna kinawu ka Yawe ghwaliŋtá drəfa Zaŋwafi ta kəma ghuni ta sab kuni ma Masar. Snaŋnagha sna guli na skwi ya magana kuni ta i Sihuŋ nda Ghug, mghamha la Amuru his ta ɓla zala Yardeŋ, zaɗana kuni ɗekɗek ta həŋ ya.

Yəhusuwa 9:9

Ka həŋ nda tsi mantsa: « Aŋni kwalvaha gha ya ta sliʼafta ta haɗik diʼiŋ katakata, kabga snaŋnagha sna kula hga Yawe, Lazglafta gha, nda inda skwi maga tsi ma Masar.

Gwal tsa guma 1:16

Ka sliʼaftá la Keŋ, mndəra la dzidza Musa, ka lafi kawadaga nda la Yuda daga ma Yeriku ta nzakway ka luwa zlizlamha, ha ta mtaka Yuda, ma Negev ndusa nda Gharat. Ka lagha həŋ nzata mataba tsa mnduha ya.

Gwal tsa guma 4:11

Si dga dga Hever, mnda la Keŋ ta vgha nda sanlaha ma la Keŋ mndəra la Huvav, la dzidza Musa. Ka dzugwatá tsi ta tumpula ni ta vata halalaya fu ma Tsaghananim, ndusa nda Kedes ya.