Sabi 17:7 - Hdi

⁷ Ka hgə tsi ta tsa vli ya ka Masa nda Meriva, kabga zbaŋta la Israʼila ta zlərɗa wi, nda ya kabga vəl kumaŋta taŋ ta dzəghaŋtá Yawe, nda mnay kazlay na: « Mamu Yawe mataba mu re haɗ wa a na kəʼa? »

Sabi 17:7 ပူးပေါင်းရင်းမြစ်များ

Sabi 17:2

Ka zbə mnduha ta zlərɗa wi nda Musa, ka həŋ mantsa: « Vlaŋna vla ta imi ŋa say, » ka həŋ. Ka Musa nda həŋ mantsa: « Nya ta kəl kuni ka zba zlərɗa wi nda iʼi na? Nya ta kəl kuni ka dzəgha Yawe na? » kaʼa.

Sabi 34:9

Kaʼa mantsa: « Rvera ɗa, ka si zɗəgagha zɗa yu, kdəkkdək, sawi da da taba ŋni. Nda sna yu kazlay təŋ təŋa ghəŋa tsa mnduha ya kəʼa má mndani, ama plaŋna pla ta krughuviha ŋni, nda dmakuha ŋni, ka tsuʼaf tsuʼa ta aŋni ka mnduha gha, » kaʼa.

Mbsak 14:22

Haɗ ya ma inda na mnduha ta nghaŋtá glakwa ɗa, nda ŋizlaha maga yu ma Masar, nda ya ma mtak, ghwaŋ səla taŋ ta dzəghaŋtá iʼi, ka kwalaghutá sna gwaɗa ɗa na,

Mbsak 20:13

Tsaya ima Meriva, ma vla zbay la Israʼila ta zlərɗa wi nda Yawe. Hada maranaŋtá tsi ta nzakwa ni nda ghuɓa ta həŋ.

Mbsak 20:24

« Dzaʼa laghu la Haruna da slanaghatá dzidzíha ni. Haɗ dzaʼa lami da haɗik ya vlaŋ yu ta la Israʼila wu, kabga ganava ga kuni ta sidi ta lwa ɗa, ta ghəŋa gwaɗa ta ima Meriva.

Mbsak 27:14

Tsaya ná, kabga ma fitika zbafta guyatá ghəŋ ta zlərɗa wi ta mtaka Tsiŋ, ganava ga kuni ta sidi ta lwa ɗa, ma mnaghunata ɗa ta maraŋtá nzakwa ɗa nda ghuɓa ta wa iri taŋ nda ma mbəzagaptá imi, » kaʼa. Tsaya ima Meriva ma Kades ta mtaka Tsiŋ.

Yuhwana 1:14

Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

Vrafta ta zlahu 31:17

Dzaʼa gufaf gufa ŋuɗufa ɗa ta ghəŋa taŋ baɗ tsa. Dzaʼa zlaŋ zla yu ta həŋ ka mbəɗaghutá kəma ɗa, ŋa zatá həŋ, ŋa slanaghata ɓadzaku nda ghuya ɗaŋwa katakata ta həŋ. Ka həŋ dzaʼazlay baɗ tsa: “Nana ɓadzaku ta slamaghata nana, nza a kabga vəl kwala Lazglafta mu kul haɗ mataba mu wu ra?” ka həŋ dzaʼazlay.

Vrafta ta zlahu 33:8

Wya kəʼa mnata ta ghəŋa Levi: Kagha ta vlaŋtá Tumim nda Urim ta la Levi, gwal klaf ka ka ŋərma mndu, ya dzəghaŋ ka ta həŋ ma Masa, nda ma zlərɗa wi ta wa ima Meriva,

Vrafta ta zlahu 6:16

Ma dzəghə kuni ta Yawe, Lazglafta ghuni manda ya dzəghaŋ kuni ma Masa ya.

Vrafta ta zlahu 9:22

Ka ganaftá kuni guli ta ɓasa ŋuɗuf ta Yawe ma Tavghera, nda ya ma Masa, nda ya ma Kivrutʼhataʼava.

Yəhusuwa 22:31

Ka Pinhas zwaŋa Ilghazar mnda dra skwi ŋa Lazglafta, nda tsa la Rubeŋ, nda la Gat, nda rita la Mənase ya mantsa: « Nda sna ŋni ndana tama, kawadaga Yawe nda amu, kabga gana a kuni ta krughuvi ta Yawe wa. Katap kata kuni ta la Israʼila ma dzva Yawe, » kaʼa.