Sabi 17:6 - Hdi

⁶ Wya yu dzaʼa sladata ta kəma gha ta pala ma Hwarev, ŋa dzaŋta gha ta tsa pala ya, ya dzaʼa sab sa imi mida ŋa say mnduha, » kaʼa. Ka magata Musa manda va tsaya ta kəma tsa la galata mnduha la Israʼila ya.

Sabi 17:6 ပူးပေါင်းရင်းမြစ်များ

Nəhemiya 9:15

Ka vləganatá ka ta həŋ daga ta luwa ta skwa zay ŋa ghəzla maya taŋ. Ka mbəzəganaptá ka ta imi ma kutumba ta həŋ ŋa ghəzla ndala taŋ. Ka ghunaftá ka ta həŋ da zatá haɗik ya tanaf ka ta imi ta sləməŋ nda waɗu ta həŋ, ŋa vlaŋtá həŋ.

Sabi 14:16

Kapaŋ kapa ta na dafa ma dzva gha na, ka fadapta ka ta dzva gha nda ta ghəŋa drəf, ka tanap ta ka ŋa mutsafta la Israʼila ta labi ma takataka drəf ta ghwalata vli.

Sabi 16:10

Ma fitika gwaɗay Haruna ta tsa gwaɗa ya ŋa guyatá ghəŋa la Israʼila demdem ná, ta mbəɗavatá hahəŋ ka nghə nda ma mtak. Gi ka zlagapta glakwa Yawe ma kusay.

Mbsak 20:8

« Klaf kla ta dafa gha, ka tskanata ka ta guyatá ghəŋa mnduha. Ta kəma taŋ, kagha nda zwaŋama gha Haruna ka gwaɗganata kuni ta kutumba, dzaʼa vlagap vla ta imi. Ka mbəzəganapta ka ta həŋ ta imi ma kutumba, ka vlaŋta ka ta imi ŋa say ta guyatá ghəŋa mnduha, nda braha taŋ tani, » kaʼa.

Yuhwana 4:10

Ka Yesu mantsa: « Ka má nda sna ka ta skwi ta kum Lazglafta ta vlaghata, nda mndu ya ta ɗawa imi ŋa say da kagha katsi ná, má kagha má dzaʼa ɗawa imi ŋa say, má ŋa vlaghatani ta imi ta vla hafu, » kaʼa nda tsi.

Yuhwana 4:14

ama mndu dzaʼa sa na imi dzaʼa vlaŋta yu na ná, walglaŋta a ndala ta kuzlaŋta wa. Tsa imi dzaʼa vlaŋta yu ya ná, dzaʼa nuna ka dzuɓay, ŋa mbəzagapta hafu ŋa kɗekedzeŋ mida, » ka Yesu nda tsi.

1Kwa 10:4

Demdem həŋ ta sutá imi ta sabi ma kutumba. Lazglafta ta vlaŋtá tsa kutumba ya ta həŋ. Tsa kutumba ya ná, *Kristi ya ta mbaɗa kawadaga nda həŋ.

Vrafta ta zlahu 1:2

Fitik ghwaŋpəɗ ndeŋ ta zata mndu ta mbaɗa daga ma Hwarev ka ɓhadaghata da Kadesbarnegha, nda ta tvi ta ghwáha Seghir.

Vrafta ta zlahu 8:15

Tsatsi ta hlagaghunapta ma mghama zivak ka makwitkwit, nda nahaɗikha ka gruma, nda rdaha, nda kwalyaha vli da pɗa imi ya. Ka mbəzəgaghunaptá tsi ta imi ma kutumba təŋtəŋa.

Suna Yuhwana 22:17

Ka i Sulkum nda makwamidzi mantsa: « Sagha sa, » ka həŋ. Ka inda mndu ya ta snay guli mantsa: « Sagha sa, » kaʼa. Mndu ya ta kuzlaŋta ndala, ka sawi tsi da sa ima hafu, dzaʼa vlaŋ vla lu ka mbalay.