Sabi 16:4 - Hdi

⁴ Ka Yawe nda Musa mantsa: « Dzaʼa nzəgaghuna nza yu ta luwa ta skwa zay. Inda fitik, ŋa sliʼagapta mnduha ma ghuɓu, ŋa dzaʼa da hla skwa zay prək zay taŋ inda vaghu. Mantsa ya dzaʼa dzəghaŋta yu ta həŋ, ka ngha yu ka dzaʼa snə re sna a wa a həŋ ta zlahuha ɗa.

Sabi 16:4 ပူးပေါင်းရင်းမြစ်များ

Nəhemiya 11:23

Mamu zlahu ya fana mgham ta tsa gwal fa laha ya, nda skwi ya dzraf lu ŋa magay taŋ inda vaghu.

Nəhemiya 9:15

Ka vləganatá ka ta həŋ daga ta luwa ta skwa zay ŋa ghəzla maya taŋ. Ka mbəzəganaptá ka ta imi ma kutumba ta həŋ ŋa ghəzla ndala taŋ. Ka ghunaftá ka ta həŋ da zatá haɗik ya tanaf ka ta imi ta sləməŋ nda waɗu ta həŋ, ŋa vlaŋtá həŋ.

Nəhemiya 9:20

Ma zɗakwa gha, ka vlaŋtá ka ta Sulkuma gha ta həŋ ŋa vlaŋtá mahizl ta həŋ. Klaghu a ka ta manna gha ta wa taŋ wu, vlaŋ vla ka ta imi ta həŋ ŋa ghəzla ndala taŋ.

Sabi 15:25

Ka wahu Musa ta wahu da Yawe, ka maranatá Yawe ta sana fu. Ka klaftá tsi ka vzamta da tsa imi ya, ka navaftá tsa imi ya zɗa. Ma tsa vli ya vlaŋta Yawe ta zlahuha ta həŋ, nda skwiha ya nda ra ŋa magay taŋ. Hada dzəghaŋta tsi ta həŋ guli.

Sabi 16:15

Nghanata la Israʼila, ka həŋ mataba taŋ mantsa: « Nahgani na na? » ka həŋ, kabga sana a həŋ wa. Ka Musa nda həŋ mantsa: « Skwa zay ya vlaghuna Yawe ŋa zay ghuni.

Mata 6:11

Vlaŋna vla ta skwa zay prək zay ŋni gita.

Lukwa 11:3

Vlaŋna vla ta skwa zay prək zay ŋni inda fitik,

1Kwa 10:3

Demdem həŋ ta zutá skwa zay ta saha daga ta luwa.

Vrafta ta zlahu 8:16

Ma va tsa mtak ya, ka zughunustá tsi ta manna, skwa zay ya kul snaŋta dzidzíha ghuni, kada hanaganatá tsi ta ghəŋa ghuni ŋa dzəghaghunata, ŋa nzakwa ghuni ləŋləŋ ma rfu dazlay.

Vrafta ta zlahu 8:2

Ka hava kuni ta inda tvi raghunaf Yawe, Lazglafta ghuni tida ma mtak ma na vaku fwaɗ mbsak na, kada hanaganatá ghəŋa tsi ghuni. Manda tsaya, ka dzəghaghunatá tsi ŋa tsatsaftá skwi ma ŋuɗufa ghuni, ka dzaʼa ŋana ŋa kuni ta zlahuha ni rí, ka ŋanata a wa a kuni.

Yəhusuwa 24:15

Ka si ta nghadaptá kuni, ɗina a tsa tsəlɓanatá tsəlɓu ta Yawe ya wu, zbaʼawa zba gita ta ya dzaʼa tsəlɓanatá kuni ta tsəlɓu. Ka lazglaftaha ya si ta tsəlɓanatá dzidzíha ghuni ta tsəlɓu ta tsa sana ɓla Yufratis ya tsi, ka lazglaftaha la Amuru ta nzakw kuni mataba taŋ na a tsi. Ama iʼi nda həga ɗa, Yawe ŋa aŋni dzaʼa tsəlɓanatá tsəlɓu, » kaʼa.