Sabi 16:23 - Hdi

²³ Ka Musa nda həŋ mantsa: « Wya ka Yawe mnata: “Mahtsim fitika mbiʼa vgha, ka Sabat nda fa ŋa Yawe. Sulawa sula gita ta skwi ya kumaŋ kuni ta sulata, ka dadata kuni ta skwi ya kumaŋ kuni ta dadata. Pɗakwa ni ma vəl zay ghuni ya, ka fata kuni ha ŋa mahtsim,” » kaʼa.

Sabi 16:23 ပူးပေါင်းရင်းမြစ်များ

Nəhemiya 9:13

Ka saha ka daga ta luwa ka gwaɗganatá ka ta həŋ ta ghwá Sinay. Ka mnanaftá ka ta həŋ ta guma tɗukwa, nda vərɗa tagha skwi, nda ŋərma zlahuha nda dvuha.

Nəhemiya 9:14

Nda ma kwalva gha Musa, ka snanamtá ka ta həŋ ta Sabat, fitik nda fa ka ŋa gha. Ka mnanaftá ka ta həŋ ta dvuha nda zlahuha.

Sabi 16:19

Ka Musa nda həŋ kay guli mantsa: « Yaha kuni pɗanata ha ŋa ga sərɗək, » kaʼa.

Sabi 23:12

Fitik mkuʼ dzaʼa kuni zata ta maga slnaha ghuni, ama baɗ mandəfáŋa fitik ya, mbiʼapta ghuni ta vgha, ŋa mbiʼapta slaha ghuni, nda kəɗihha ghuni ta vgha, ŋa hlapta zwana kurɗuha ghuni, nda matbayha ta hafu.

Sabi 31:15

Mkuʼ fitik ŋa maga slna. Ama baɗ mandəfáŋ ta nzakway ka Sabat, fitika mbiʼa vgha dar dar tsaya, nda fa ka ŋa Yawe. Ka magaŋ maga mndu ta slna baɗ Sabat katsi, dzaʼa dza dza lu ta tsa mndu ya.

La Levi 23:3

Ma fitik mkuʼ, dzaʼa ksay lu ta slna. Ama baɗ mandəfáŋ ya, Sabat, fitika mbiʼa vgha dar dar tsaya, dzaʼa mamu guyatá ghəŋ nda ghuɓa. Haɗ sana slna dzaʼa mag lu baɗ tsa fitik ya wa. Dzaʼa nzakway tsa Sabat ya ŋa Yawe dər ma vli ga dzaʼa nzata kuni.

Mbsak 11:7

Manna ná, manda hya masuʼata nzakwa ni, ta gara vgha nda mandaɓay.

Mbsak 11:8

Ta tatá mnduha ta vgha ŋa dzaʼa da hlay. Tahula tsa, ŋa huʼata ta buna, ka ɗəgata ma dzər a tsi, ka dadata ma sigaha, ka magatá gatuha a tsi. Manda gatu da lu ma rɗi zɗakwa ni.

Lukwa 23:56

Ka vraghatá həŋ da luwa. Ka payaftá həŋ ta rɗi nda urdi ŋa masay ta mbla Yesu. Ka nzaptá həŋ baɗu Sabat manda ya ta mnə zlahu.

Vrafta ta zlahu 5:12

Ka ŋanata ka ta fitika Sabat ŋa nzakwa ni nda fa ka ŋa Yawe, Lazglafta gha manda ya mnaghaf tsi.

Suna Yuhwana 1:10

Ma sana fitik baɗu Dəmas, ka ksuta Sulkum nda ghuɓa ta iʼi. Ka snaŋta yu ta lwi ta gwaɗata nda lwi dagala manda ghudzaga duli nda ga mahulhula ɗa.