Ka tətərɗiŋtá tsi ta səla mwataha plisha taŋ, zlah ka həŋ ta klay. Ka la Masar mantsa: « Hwayama hwaya da la Israʼila, kabga Yawe ta vulanatá həŋ ta na vulu na nda Masar! » ka həŋ.
Ka Musa nda Lazglafta mantsa: « Mantsa nzakwa ni, dzaʼa sliʼaf sliʼa yu slanaghatá la Israʼila. “Lazglafta dzidza ghuni ta ghunaktá iʼi da kaghuni,” ka yu dzaʼazlay nda həŋ. A ka ɗawihaha həŋ kazlay “wa hga ni na?” kəʼa ní, nu ka yu dzaʼazlay həŋ? » kaʼa.
Ka Lazglafta nda Musa mantsa: « “Iʼi ná, Iʼi ya,” ka ka. Tsaya skwi dzaʼa ka mnanatá la Israʼila. “Iʼi ya ta ghunɗikta da kaghuni,” » ka ka dzaʼazlay.
« Ka ka dzaʼazlay nda la Israʼila guli na: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu ta ghungiɗaghata da kaghuni.” Tsaya hga ɗa ŋa kɗekedzeŋ. Nda tsa hgu ya dzaʼa hava inda zivira mnduha ta Iʼi.
