Sabi 15:16 - Hdi

¹⁶ Ka slanaghatá mghama zləŋ nda ghudzaku ta həŋ. Ta kəma mbrakwa dzva gha, ka tsutá həŋ ka rgha manda pala, ha ka tsughwaɗadapta mnduha gha. Ari Yawe, ha ka tsughwaɗadapta mnduha klu ka ŋa gha.

Sabi 15:16 ပူးပေါင်းရင်းမြစ်များ

Zlrafta 35:5

Ka sliʼaftá həŋ ka laghu, ka vlaŋtá Lazglafta ta zləŋ ta inda mnduha ma luwaha ta wanaftá həŋ, kəl mnduha kul liŋtá zwana Yakubu.

2Sam 7:23

Mamu sana mndəra mndu dər turtuk ta ghəŋa haɗik manda mnduha gha, la Israʼila ra? Ar Lazglafta, sasa ka da varatá həŋ ŋa nzakwa taŋ ka mnduha gha, ŋa tsaftá hga gha, ŋa hɗamtá skwiha ta raghata, nda skwiha ta raŋtá haɗika gha, ka makwitkwit nda mandərmimiha, ka ghazliŋtá ka ta kəma mnduha gha varagap ka ma haɗika Masar ta mndəra sanlaha ma mnduha nda lazglaftaha taŋ.

Sabi 11:7

Ama nda da la Israʼila, haɗ lu dzaʼa snaŋtá ghughaŋtá kri ta mndu dər rini wu. Tsaya dzaʼa kəl kuni ka snaŋta kazlay dgana dga Yawe ta la Masar nda la Israʼila kəʼa.”

Sabi 15:13

Ma zɗakwa gha, ka klə ka ta mnduha gha vara ka. Ka pghafta ka ta həŋ nda mbrakwa gha da vla nzakwa gha nda ghuɓa.

Sabi 15:5

Ka ndutá lata drəf ta həŋ. Ka rkaghata həŋ manda palaha da lata ni.

Sabi 15:6

Ari Yawe! Zeghwa gha ná, maraŋ mara ta glakwa mbrakwa gha. Ari Yawe! Zeghwa gha ta huʼanaptá ghuma.

Sabi 18:8

Ka rusanaftá Musa ta inda skwiha magana Yawe ta Firʼawna, nda la Masar dabga la Israʼila, nda inda hərfaku ta slanaghatá həŋ ta tvi, nda ya ká Yawe katagaptá həŋ.

Sabi 20:2

« Iʼi ná, Yawe yu, Lazglafta gha ta klagaghapta ma ga vuʼa ma haɗika Masar.

Sabi 23:20

« Sna ɓa, wana yu ta ghunaftá duhwala ɗa ta kəma ghuni ŋa ngha kaghuni ma tvi, ŋa kladaghunaghata da vli ya payaghunaf yu.

Sabi 23:22

Ama ka fa fa kuni ta sləməŋ ɗina ka snanatá gwaɗa ni, ka ta magay kuni ta inda skwi dzaʼa mnaghata yu katsi, dzaʼa nzakway yu ka ghuma ghumaha ghuni, ka mnda dzaŋtá kuma nda mndu dzaʼa dzaŋtá kuma nda kaghuni.

Sabi 23:27

Makəɗ kuni ka ɓhadaghata ya ná, dzaʼa ganaf ga yu ta zləŋ katakata ta inda tsa mnduha dzaʼa lam kuni da taba taŋ ya. Dzaʼa hwazlaɓanaf hwazlaɓa yu ta həŋ. Da zləŋa iʼi ná, səla ma warga ma ghumaha ghuni.

Sabi 6:7

Dzaʼa hlaf hla yu ta kaghuni ŋa nzakwa ghuni ka mnduha ɗa, ŋa nzakwa ɗa ka Lazglafta ghuni. Mantsa tama, dzaʼa snaŋ sna kuni kazlay Iʼi Yawe, Lazglafta ghuni, ta hlagaghunapta ma slna mbraku ma Masar.

Slna gwal ghunay 20:28

Nghawa ngha ta ghəŋa ghuni, nghawa ta inda bra ya vlaghuna Sulkum nda ghuɓa ŋa nghay guli. Nghawa ngha ta Igliza Lazglafta ya mutsanak tsi ta ghəŋa ni nda usa zwaŋa ni.

Vrafta ta zlahu 11:25

Haɗ mndu dzaʼa ŋaŋta da kaghuni wa. Ma inda vli dzaʼa ŋlata səla ghuni ta tsa haɗik ya, dzaʼa fa fa Yawe, Lazglafta ghuni ta zləŋay mnduha ta kaghuni ka ghudzaku, manda ya mnaghuna tsi ya. »

Vrafta ta zlahu 2:25

Daga gita dzaʼa zlrafta yu ta favaghunatá zləŋay mnduha demdem ta ghəŋa haɗik ta zləŋ ta kaghuni. Na snaŋ sna həŋ ta gwaɗa ta kaghuni, dzaʼa ghudzaku həŋ ka zləŋ katakata dabga kaghuni,” » kaʼa.

Vrafta ta zlahu 2:4

Mnanaf mna ta na mnduha na, ɗasuwa ka kuni, kabga ta dzaʼa lab nda ta haɗika Seghir ma vli ta nzakw zwana ma ghuni la Ghesav ya kuni. Wya dzaʼa zləŋay həŋ ta kaghuni,

Vrafta ta zlahu 32:6

Manda tsaya má dá vranamta kuni ta Yawe rí, a mnduha ka rgha kul haɗ ɗifil ma ghəŋa taŋ? Tsatsi a da ghuni, ta vlaghunatá hafu wu ra? Tsatsi a ta magaftá kaghuni ka faghunata ra?

Vrafta ta zlahu 32:9

Mayaka Yawe ná, mnduha ni ya. Yakubu tsa mayaka skwa za həga ni ya.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Yəhusuwa 2:9

Kaʼa nda həŋ mantsa: « Nda sna yu kazlay na vlaghuna vla Yawe ta na haɗik na kəʼa. Nda ksa ŋni da zləŋ katakata, nda ghudza inda mnduha ta na haɗik na dabga kaghuni,

Yəhusuwa 4:24

Maga maga mantsa ya, kada grafta inda mnduha ta haɗik ta glakwa mbrakwa Yawe. Nda ya kada gɗata kuni ta zləŋa Yawe, Lazglafta ghuni, » kaʼa.

1 Piyer 2:9

Ama kaghuni ya, nda nza kaghuni ka mndəra mndu zabap Lazglafta, ka guyata ghəŋa gwal ta vla skwi ŋa Lazglafta, ka gwal faghu Lazglafta ka ŋa ni. Tsatsi ta hagaftá kaghuni ka hlagaghunapta ma grusl, ka pghaghunamta ma tsuwaɗak ta ndərmim lu nda ndərmima, ŋa mna skwi maga tsi ta malaghutá mbraku.

2 Piyer 2:1

Ghalya, zlagap zlaga ghwaɗaka anabiha mataba mnduha Lazglafta, mantsa ya guli dzaʼa zlagapta ghwaɗaka gwal tagha skwi mataba ghuni. Dzaʼa kladam kla həŋ ta ghwaɗaka tagha skwi ŋa zaɗiŋtá mnduha, ŋa vziŋta taŋ ta *Yesu *Kristi ta nzakway ka mnda tagha skwi ta mbanaftá həŋ ya. Mantsa ya gi dzaʼa tɗakta həŋ ta zaɗaku ta ghəŋa taŋ.

1Sam 2:9

Ta nghuŋ ngha ta wa səla ŋərma mndu, ama dzaʼa hanaf ha lu ta wi ta gwal dmaku ma grum, kabga haɗ mndu dzaʼa zata ghwa nda ŋa ni ma mbraku wa.

1Sam 25:37

Ga sərɗək tama, sab sa ghuzu ma ghəŋa Naval, ka rusanaftá markwa taŋ ta skwi ta maguta. Ka tsutá ŋuɗufa Naval ɗekɗek, ka ghwalutá tsi səluŋ.