Sabi 15:11 - Hdi

¹¹ Ari Yawe, wa ya manda kagha mataba lazglaftaha na? Wa ya ta gara vgha nda kagha na? Ta ndərmima mndu na ghuɓatá kagha! Nda sgit ta kagha ma inda slnaha gha, nda ra ka ka vlaŋtá glaku, mamu ka nda mbrakwa maga inda skwiha!

Sabi 15:11 ပူးပေါင်းရင်းမြစ်များ

2Sam 7:22

Dagala kagha mghama ɗa Yawe! Haɗ mndu taɓta kagha wa! Kahwathwata haɗ sana Lazglafta ta ghəŋa kagha, manda ya ta gɗata ŋni ta snaŋta wa!

1Mgh 8:23

« Ari Yawe, Lazglafta la Israʼila! Haɗ lazglafta ta gwagwaya vgha nda kagha wu, dər nda gaftək ta luwa, dər ndakalandala ta haɗik! Ta ŋana ŋa ka ta dzratá wa gha nda zɗakwa gha nda kwalvaha gha, gwal ta mbaɗa ta kəma gha nda hya hya ŋuɗufa taŋ!

1Rus 16:25

Dagala Yawe, raŋ ra zləzləvu, nda makwitkwit tida ka malaghutá sanlaha ma lazglaftaha,

2Rus 2:5

Ama wa dzaʼa laviŋta banaftá həga, ya wya ŋaf a dər luwa ta luwa ta ghəŋa luwa na? Wa iʼi ŋa laviŋtá banaftá həga na? Ba vla dra urdi ta kəma ni kweŋkweŋ yeya dzaʼa laviŋta iʼi ta banafta.

2Rus 6:14

kaʼa mantsa: « Ari Yawe, Lazglafta la Israʼila! Haɗ lazglafta ta gwagwaya vgha nda kagha, dər ta luwa, dər ta haɗik wa. Ta ŋana ŋa ka ta dzratá wa gha, nda zɗakwa gha nda kwalvaha gha, gwal ta mbaɗa ta kəma gha nda hya hya ŋuɗufa taŋ.

Sabi 18:11

Ndanana, nda sna yu kazlay na, malaghu mala Yawe ta inda lazglaftaha kəʼa, kabga zluʼagap zluʼa ta mnduha ni ma ghuya ɗaŋwa taŋ, da la Masar ta nzanaghatá həŋ, » kaʼa.

Sabi 20:3

Yaha ka nda sanlaha ma lazglaftaha ba iʼi turtukwa ɗa.

Sabi 3:20

Tsaya tama dzaʼa kəl yu ka kapaftá dzva ɗa ka dzuŋtá la Masar, nda inda mandərmimiha dzaʼa magata yu mataba taŋ. Tahula tsa, ŋa slighunista ni.

Sabi 8:10

Ka tsakanatá lu gəɗim gəɗim, ka ziʼuta vli ma tsa haɗik ya ghurndiŋ.

Sabi 8:6

Kaʼa mantsa: « Mahtsim, » kaʼa. Ka Musa mantsa: « Dzaʼa nzakway manda ya mna ka! Kada snaŋta ka kazlay haɗ mndu taɓta Yawe, Lazglafta ŋni wu kəʼa.

Sabi 9:14

Ndana tama, dzaʼa ghungaghaghatá inda zləmndaha ɗa yu ta vərɗa kagha, nda kwalvaha gha, nda mnduha gha tani. Mantsa ya dzaʼa kəl ka ka snaŋta kazlay na, haɗ ya ta gara vgha nda iʼi ta ghəŋa haɗik tender wu kəʼa.

La Levi 19:2

« Mnana mna ta inda guyatá ghəŋa la Israʼila, ka ka nda həŋ na: Nzawa nza nda ghuɓa, kabga iʼi Yawe, Lazglafta ghuni, nda ghuɓa yu.

Lukwa 12:5

Ka maraghuna mara yu ta mndu dzaʼa kuni zləŋay. Zləŋawa zləŋa ta Lazglafta. Tsatsi ta laviŋtá dzatá sluʼuvgha ghuni, mamu guli nda mbrakwa klafta kaghuni ka vzamta da vu. Mantsa ya nzakwa ni, tsatsi dzaʼa kuni zləŋay, ka yu ta mnaghunata.

Vrafta ta zlahu 1:30

kabga Yawe, Lazglafta ghuni ta klaghunatá kəma. Tsatsi dzaʼa vulaghunatá vulu, manda va ya magaghuna tsi ma Masar ta wa ira ghuni ya.

Vrafta ta zlahu 3:24

“Mgham Yawe, zlraf zlra ka ta maranaŋta kwalva gha ta glakwa gha, nda mbrakwa gha. Wati ma lazglafta ya dər ta luwa tsi, dər ta haɗik a tsi, ta laviŋta magatá mndərga na mghama slna maga ka na na?

Vrafta ta zlahu 33:26

Ar Yəsuruŋ, haɗ skwi ŋa gray nda Lazglafta gha wa. Ta nzafta ta ghwayak ka saha da kata kagha, ta saha ta luwa ma glakwa ni.

Vrafta ta zlahu 4:34

Ar mamu a sana lazglafta ta kaɗaŋta hlapta ŋa ŋa ni ta sana mndəra mndu mataba sana mndəra mndu, nda dzəghəha, nda mazəmzəmha, nda mandərmimiha, nda ya nda vuluha nda glakwa mbrakwa ni, nda ya nda tɗatá dzva ni, nda skwiha maga tsi dagala dagala ta ga zləŋ manda inda ya maga Yawe, Lazglafta ghuni ma Masar ta wa ira ghuni ya rki na?

Suna Yuhwana 13:4

Ka tsəlɓu həŋ ta tsəlɓu ŋa tsa makɗakatandaŋ ya, kabga vlaŋta ni ta ga mgham ta tsa nimtak ya. Ka tsəlɓu həŋ ta tsəlɓu ŋa tsa nimtak ya guli, ka həŋ mantsa: « Wa kamtagha na nimtak na na? Wa dzaʼa laviŋta guya kuma nda tsi? » ka həŋ.

Suna Yuhwana 15:4

Mghama ɗa! Wati ma mndu ya dzaʼa kwal kul vla glaku ŋa gha ka zləzlva kagha na? Kagha turtukwa gha ya nda ghuɓa. Dzaʼa sliʼagagha sliʼa mnduha ta inda haɗikha da tsəlɓu ta kəma gha, kabga nda ngha həŋ ta inda skwi ta mag ka ná, tɗukwa nzakwa ni, » ka həŋ.

Suna Yuhwana 4:8

Tsa skwiha fwaɗ nda hafu ma həŋ ya ná, mkuʼ mkuʼ zlambakha taŋ. Ka iri dzeʼdzeʼ wawa ta zlambakha taŋ nda vli nda ma huɗa ni tani. « Nda ghuɓa! Nda ghuɓa! Nda ghuɓa! Na nzakwa Mgham Lazglafta, ya nda mbra. Kagha manda ghalya, kagha ndanana, kagha guli dzaʼazlay ta kəma, » ka həŋ ta vaghay nda vagha, ka hanay nda hana, ta mnay.

1Sam 2:2

Haɗ mndu nda ghuɓa manda Yawe wu, haɗ sani ta ghəŋa kagha wa. Haɗ sana kutumba ŋa ɗifa mida manda Lazglafta mu wa.