Sabi 13:3 - Hdi

³ Ka Musa nda mnduha mantsa: « Havapwa hava ka na fitik ya sliʼagap kuni ma ga vuʼa ma Masar na. Nda mbrakwa dzva ni hlagaghunapta Yawe. Ta havə kuni ta na skalu na, yaha kuni da za buradi nda is mida.

Sabi 13:3 ပူးပေါင်းရင်းမြစ်များ

Zlrafta 15:16

Ta mafwaɗa zivir dzaʼa vrakta zivirha gha da hadna, kabga ta ndəghaf a dmakwa la Amuru karaku wu, » kaʼa.

1Mgh 8:42

Dzaʼa snaŋ sna həŋ kazlay na, dagala glakwa hga gha, nda mbrakwa gha, nda slna dzva gha kəʼa saghər mayəm da maga duʼa nda təv na həga na.

1Rus 16:12

Havakwa hava ta skwa mandərmimiha maga tsi, nda mazəmzəmha ni, nda gumaha tsa tsi,

Nəhemiya 1:10

Kwalvaha gha həŋ, mnduha gha həŋ, varagagha ka nda mbrakwa gha dagala nda ya nda mbrakwa dzva gha.

Nəhemiya 9:10

Ka maganatá ka ta mandərmimiha nda mazəmzəmha ta Firʼawna nda inda kwalvaha ni, nda inda mndu ta haɗika ni, kabga nda sna kagha ta mndərga gla ghəŋ glə həŋ ta dzidzíha ŋni. Ndaɗaʼa tutá hga gha manda va ya ta nzakway gitana wu.

Sabi 12:15

Ndəfáŋ fitik dzaʼa zata kuni ta za buradi kul haɗ is mida. Daga baɗ taŋtaŋ dzaʼa hliŋta kuni ta is ma həga ghuni. Ka daga baɗ taŋtaŋ ha baɗ mandəfáŋ zaŋ za mndu ta buradi nda is mida katsi, kliŋtá tsa mndu ya mataba la Israʼila.

Sabi 12:17

Ka nzakwa tsa skala buradi kul haɗ is mida ya ka skwa havay fitik ya hligiŋ yu ta kaghuni ka ghuɓa gwal vulu ma haɗika Masar. Ka ŋanata kuni ta tsa fitik ya ŋa zivira ghuni, ka skwi ŋa magay ghuni ŋa ɗekɗeka ghuni.

Sabi 12:19

Ma fitik ndəfáŋ, yaha lu slanaghatá is ma həga ghuni. Dər wa ta zaŋtá skwi ŋlanaf lu nda is, kliŋtá tsa mndu ya mataba guyatá ghəŋa la Israʼila, dər má ka mayəm tsi, dər má zwaŋa haɗik a tsi.

Sabi 12:2

« Nana tili na dzaʼa nzakway ka taŋtaŋa tili ka ŋa ghuni mataba tiliha, tsatsi dzaʼa nzakway ka taŋtaŋa tili ma vaku, da kaghuni.

Sabi 12:41

Hɗatá tsa vakuha fwaɗ dərmək nda hkən mbsak ya, baɗ tsaya, ka sliʼagaptá inda mnduha Yawe ka ghuɓa gwal vulu ma haɗika Masar.

Sabi 12:42

Manda ya nza Yawe hzleŋa ta tsa rviɗik ya ŋa hligiŋtá la Israʼila ma Masar ya, manda tsaya guli dzaʼa ŋanata inda la Israʼila hzleŋa tsa rviɗik ya ŋa Yawe ha ta zivira taŋ.

Sabi 12:8

Ta tsa rviɗik ya dzaʼa fsata kuni ta sluʼa ni ŋa zuta ghuni nda buradi ya kul haɗ is mida. Nda masuʼataha ɗahɗaha dzaʼa za kuni.

Sabi 13:14

Ka ɗawaghuna ɗawa zwana ghuni ta kəma dazlay, kabgawu ta kəl kuni ka magay na ka həŋ ya, ka kuni dzaʼazlay nda həŋ na: “Nda mbrakwa dzva ni hlagamapta Yawe ma ga vuʼa ma Masar.

Sabi 13:9

Dzaʼa nzakway ka ŋizla ta dzva ghuni, ka skwa havu ta bizlbizla kuma ghuni ŋa nzakwa zlaha Yawe ma wa ghuni. Tsatsi ta hlagaghunapta ma Masar nda mbrakwa dzva ni.

Sabi 20:2

« Iʼi ná, Yawe yu, Lazglafta gha ta klagaghapta ma ga vuʼa ma haɗika Masar.

Sabi 20:8

Havap hava ka fitika Sabat ŋa nza kwa ni nda fa ka ŋa ɗa.

Sabi 23:15

Ka skala kuni ta skala buradi kul haɗ is mida. Fitik ndəfáŋ dzaʼa zata kuni ta za buradi kul haɗ is mida, ma fitik ya mnaf lu ma tila Aviv, kabga ma tsa tili ya sliʼagapta kuni ma haɗika Masar. Yaha kuni sagha ta kəma ɗa nda dzvu bətbət.

Sabi 3:20

Tsaya tama dzaʼa kəl yu ka kapaftá dzva ɗa ka dzuŋtá la Masar, nda inda mandərmimiha dzaʼa magata yu mataba taŋ. Tahula tsa, ŋa slighunista ni.

Sabi 34:18

Ka skala kuni ta skala buradi kul haɗ is mida. Ma tila Aviv ná, ndəfáŋ fitik dzaʼa magata kuni ta za buradi kul haɗ is mida manda ya mnaghunaf yu, kabga ma tila Aviv sliʼagapta kuni ma Masar.

Sabi 6:1

Ka Yawe nda Musa mantsa: « Dzaʼa nda ngha ka ta skwi dzaʼa maganata yu ta Firʼawna ndana tama. Nda mbrakwa dzva ɗa dzaʼa mblafta yu ŋa zliŋta ni ta la Israʼila, ŋa ghəzliŋta ni ta həŋ ta haɗika ni, » kaʼa.

Sabi 6:6

Tsaya tama ná, kla ta lwa ɗa ŋa la Israʼila kazlay na, “Iʼi ná, Yawe yu. Dzaʼa hlagaghunap hla yu ma slna mbraku ma Masar. Dzaʼa zluʼagaghunap zluʼa yu ma ga vuʼa ta gə həŋ ŋa ghuni. Nda tɗatá dzva ɗa ta mbruta, nda ya nda glakwa slna guma ɗa dzaʼa varagaghunapta yu.

Sabi 6:7

Dzaʼa hlaf hla yu ta kaghuni ŋa nzakwa ghuni ka mnduha ɗa, ŋa nzakwa ɗa ka Lazglafta ghuni. Mantsa tama, dzaʼa snaŋ sna kuni kazlay Iʼi Yawe, Lazglafta ghuni, ta hlagaghunapta ma slna mbraku ma Masar.

Sabi 7:4

Haɗ Firʼawna dzaʼa snaghunata wu. Mantsa ya dzaʼa kəl yu ka faftá dzvu ta Masar. Dzaʼa hlagap hla yu ka ghuɓa gwal vulu ka ghuɓa gwal vulu ta mnduha ɗa la Israʼila ma haɗika Masar, nda glakwa slna guma ɗa.

Danyel 9:15

Ndanana Mgham Lazglafta ŋni, kagha ta hlagapta nda dzva gha ta mbruta, ta mnduha gha ma haɗika Masar, ka kulaŋta lu ta hga gha ha gita, gagha ga ŋni ta dmaku, gavagha ga ŋni ta sidi.

Mata 10:12

Ta lam kuni da həga ga mndu ya, “ka nza zɗakwa Lazglafta nda kaghuni,” ka kuni dazlay.

Lukwa 22:19

Ka kapaftá tsi ta buradi, tahula rfanaghatani ta Lazglafta, ka ɓlanaptá tsi, kaʼa mantsa: « Nana na ná, sluʼuvgha ɗa ya vla lu ŋa ghuni, ka maga kuni manda nana ŋa havay ghuni ta iʼi, » kəʼa ka vlaŋtá tsi ta həŋ.

1Kwa 11:24

ka rfanaghatá tsi ta Lazglafta ta ghəŋa ni, ka ɓlanaptá tsi, kaʼa mantsa: « Nana na ná, sluʼuvgha ɗa ya ŋa ghuni, ka maga kuni ta na skwi na ŋa havay ghuni ta iʼi, » kaʼa.

1Kwa 5:8

Ma zə mu ta tsa skala *Pak nda buradi nda is ŋa ghalya mida ya. Tsa is ya ná, maga ghwaɗaka skwi ya. Zama za nda buradi kul haɗ is mida ta nzakway ka vərɗa ni dzeʼdzeʼ ya. Nda ŋuɗuf ya nda ghuɓa, tɗukwa.

Afisus 1:19

Ta kumay yu ta snaŋta ghuni kazlay: Malaghu mala mbrakwa ni ta inda skwi, nda ya kəʼa ta kata amu gwal ta zlghafta kəʼa. Katakata tsa mbrakwa ni ya.

Vrafta ta zlahu 13:10

Katək ná, dzata gha. Tiŋəl vərɗa kagha nda dzva gha dzaʼa zlrafta wuɗata nda pala ŋa dzata. Tahula tsa, ka zlambata sanlaha ŋa dzata.

Vrafta ta zlahu 13:11

Ka zlambata kuni nda pala ha ka mtata ni, kabga psaŋ psa ta tsaghuta ghuni ta vgha nda Yawe, Lazglafta ghuni ta hlagaghunapta ma ga vuʼa ma haɗika Masar.

Vrafta ta zlahu 13:5

Mista Yawe, Lazglafta ghuni turtukwa ni dzaʼa kuni. Tsatsi dzaʼa kuni zləŋay, ka ŋanata zlahuha ni ya mnaghunaf tsi, lwa ni dzaʼa kuni da snay. Tsatsi dzaʼa tsəlɓu kuni ŋa ni, ta tsatsi dzaʼa ndiʼafta kuni ta vgha.

Vrafta ta zlahu 13:6

Ama tsa anabi, ka tsa mnda suni ya a tsi ya, dzaʼa dza dza lu, kabga gagaf gaga ta kaghuni ŋa ganavatá sidi ta Yawe, Lazglafta ghuni ta hlagaptá kaghuni ma haɗika Masar, ka varagaptá kaghuni ma ga vuʼa. Si ta kumay tsa mndu ya ta mbəɗiŋtá kaghuni ta tvi ŋa ksay ghuni ya mnaghunaf Yawe, Lazglafta ghuni. Mantsa ya dzaʼa kliŋta kuni ta tsa ghwaɗaka mndu ya mataba ghuni.

Vrafta ta zlahu 15:15

Havakwa hava ta si nzakwa ghuni ka vuʼa ta haɗika Masar, ka varagaptá Yawe, Lazglafta ghuni ya. Tsaya ta kəl yu ka vlaghunata na gwaɗaha mnaghunaf yu gita na.

Vrafta ta zlahu 16:1

« Ŋanawa ŋa ta tila Aviv ka skala kuni ta skala Pak ŋa Yawe, Lazglafta ghuni, kabga ma tsa tila Aviv ya hlagapta Yawe, Lazglafta ghuni ta kaghuni girviɗik ma Masar.

Vrafta ta zlahu 16:12

Ka hava kuni si ta nzakwa ghuni ka vuʼa ma haɗika Masar. Ka ŋanata kuni ta tsa zlahuha ya ka ksa slna nda tsi. »

Vrafta ta zlahu 16:3

Ta skal kuni ta tsa skalu ya, yaha kuni da za buradi nda is mida. Fitik ndəfáŋ dzaʼa zata kuni ta za tsa buradi kul haɗ is mida ya, burada sa duni, kabga ta hwaya ta hwaya saba kuni ma haɗika Masar. Manda tsaya dzaʼa hava kuni ma nzakwa ghuni, ká kuni sabi ma haɗika Masar.

Vrafta ta zlahu 24:18

Ka hava ka si ta nzakwa gha ka vuʼa ma Masar, ka varagaghaptá Yawe, Lazglafta gha hada. Tsaya ta kəl yu ka mnaghafta ŋa magay gha manda tsaya.

Vrafta ta zlahu 24:22

Ka hava ka si ta nzakwa gha ka vuʼa ta haɗika Masar. Tsaya ta kəl yu ka mnaghaftá tsa gwaɗa ya ŋa magay gha manda tsaya. »

Vrafta ta zlahu 26:8

Ka hlagaŋnaptá Yawe ma Masar nda glakwa mbrakwa ni, nda ya nda tɗatá dzva ni, nda skwi ta ga zləŋ, nda ŋizlaha, nda mandərmimiha.

Vrafta ta zlahu 4:34

Ar mamu a sana lazglafta ta kaɗaŋta hlapta ŋa ŋa ni ta sana mndəra mndu mataba sana mndəra mndu, nda dzəghəha, nda mazəmzəmha, nda mandərmimiha, nda ya nda vuluha nda glakwa mbrakwa ni, nda ya nda tɗatá dzva ni, nda skwiha maga tsi dagala dagala ta ga zləŋ manda inda ya maga Yawe, Lazglafta ghuni ma Masar ta wa ira ghuni ya rki na?

Vrafta ta zlahu 5:15

Havap hava ka si ta nzakwa gha ka vuʼa ta haɗika Masar, ka klagaghaptá Yawe, Lazglafta gha nda glakwa mbrakwa ni, nda ya nda tɗatá dzva ni. Tsaya kəl Yawe, Lazglafta gha ka mnaghafta ka ŋanata ka ta fitika Sabat kəʼa.

Vrafta ta zlahu 5:6

“Iʼi ná, Yawe yu, Lazglafta gha ta klagaghapta ma ga vuʼa ma haɗika Masar.

Vrafta ta zlahu 6:12

Ɗasuwa ka kuni, dá zanaptá kuni ta Yawe ta hlagaghunapta ma Masar ma ga vuʼa ya.

Vrafta ta zlahu 6:21

ka kuni dazlay nda həŋ na: “Si nza nza mu ka vuʼa Firʼawna ma Masar, ama ka hlagamaptá Yawe nda glakwa mbrakwa ni.

Vrafta ta zlahu 7:8

Ama kabga ɗvuta Yawe ta kaghuni, ka hɗamta tsi ta skwi ya waɗana tsi ta dzidzíha ghuni. Tsaya kəl tsi ka hlagaptá kaghuni nda glakwa mbrakwa ni, ka hlagaghunapta, ka varagaptá kaghuni ma ga vuʼa ma dzva Firʼawna, mghama Masar.

Vrafta ta zlahu 8:14

Mantsa tama, ɗaswa ka kuni dá glə kuni ta ghəŋ ka zanaptá Yawe, Lazglafta ghuni. Tsatsi ta hlagaghunapta ma ga vuʼa ma Masar.

Vrafta ta zlahu 9:12

Ka Yawe nda iʼi mantsa: “Sliʼaf sliʼa hadna ka laha ka misimmisim, kabga tsa mnduha gha hlagap ka ma Masar ya ná, gaga həŋ ta dmaku dagala. Vagim zluŋ zla həŋ hada hada ta tvi ya mnana yu ta həŋ, ka laghwi da slraftá skwa wuyay nda kfur nwap lu ŋa ghəŋa taŋ,” kaʼa.

Yəhusuwa 24:17

Yawe ná, Lazglafta mu ya. Tsatsi ta hlagaftá aŋni nda dzidzíha ŋni ma haɗika Masar ma ga vuʼa. Nda ngha aŋni da ira ŋni ta ŋizlaha ka mandərmimi maga tsi. Tsatsi ta nghagaptá aŋni ta inda tvi ya mbaɗagap ŋni, nda ya mataba inda mnduha ya tagap ŋni ta kwakwarha taŋ.

Gwal tsa guma 2:12

Ka zlanavatá həŋ ta Yawe, Lazglafta dzidzíha taŋ ta hlagaptá həŋ ma haɗika Masar, ka laghu həŋ mista sanlaha ma lazglaftaha, mataba lazglaftaha mndəra sana mnduha ta wanaftá həŋ. Ka tsəlɓu həŋ ta tsəlɓu ta kəma taŋ, ka ganaftá həŋ ta ɓasa ŋuɗuf ta Yawe.

Gwal tsa guma 6:8

ka ghunanaktá Yawe ta anabi ta la Israʼila, kaʼa nda həŋ mantsa: « Ka Yawe, Lazglafta la Israʼila na: “Iʼi ta hlagaghunapta ma Masar, ka hlagaptá kaghuni ma haɗika ga vuʼa.