Sabi 13:17 - Hdi

¹⁷ Manda zliŋta Firʼawna ta la Israʼila ŋa sliʼi, kladap a Lazglafta ta həŋ nda ta tvi ta haɗika la Filisti, dər má ndusa tvi nda ta tsa wa. Ka Lazglafta na: « Yaha mnduha ɗa da haga madər ka vraghuta taŋ da Masar, nghaŋər həŋ ta vulu, » kaʼa.

Sabi 13:17 ပူးပေါင်းရင်းမြစ်များ

1Mgh 8:47

ka vraganagha vra həŋ ta ghəŋa taŋ ma tsa haɗik dzaʼa hlaghata lu ta həŋ da ga vuʼa ya, ka vrak vra həŋ da kagha, ka taw həŋ ta taw da kagha ma tsa haɗika gwal ta hlaghatá həŋ ya, ka ka həŋ mantsa: “Gaga ŋni ta dmaku, gaga ŋni ta krughuvi, maga maga ŋni ta ghwaɗaka skwi,” ka həŋ,

Nəhemiya 9:17

Ka kwalaghutá həŋ ta snata, havak a həŋ ta mazəmzəmha gha ta maganatá həŋ wa. Ka təŋanaftá həŋ ta ghəŋ, ka fatá mgham ŋa vru da ga vuʼa taŋ ma Masar. Ama kagha, zlanava a ka ta həŋ wu, kabga Lazglafta ta pla dmaku ka, ta magay ka ta zɗakatahuɗi, nda tawa hiɗahiɗa. Zlah ta ɓasa ka ta ŋuɗuf, dagala zɗakwa gha, wuɗiŋ a ka ta həŋ,

Sabi 14:10

Ndusadaghata Firʼawna, kəʼa ka la Israʼila ná, ta ndusadagha ndusa la Masar. Ka ksaftá zləŋ ta həŋ katakata. Ka wahu həŋ ta wahu da Yawe.

Slna gwal ghunay 15:38

Lanaf a tsa dzaʼa ni mista taŋ ya ta Pwal wu, kabga daga ta haɗika Pamfali ta tsaghutá tsi ta vgha ka kwalaghutá kɗa dzaʼa maga slna kawadaga nda həŋ.

Slna gwal ghunay 7:39

Ka kwalaghutá dzidzíha mu ta snanata, ka vziŋtá həŋ, ka kuma vru da Masar.

Vrafta ta zlahu 17:16

Ama yaha da zakiŋtá plisha, yaha guli da vriŋtá mnduha da Masar ŋa sganaghatá plisha, kabga ká Yawe si mnaghunata: “Yaha kuni walglaŋta vrəglagapta ta na tvi na,” kaʼa.

Vrafta ta zlahu 20:8

Ka maliha ta ghəŋa mnduha dzaʼa kɗaŋtá gwaɗa mantsa: “Mamu mndu ta zləŋ nda rwa vgha ni ra? Ka vra tsi dzagha, yaha dá ganaftá zləŋ ta zwana ma ni,” ka həŋ dzaʼazlay.

Vrafta ta zlahu 28:68

Dzaʼa vradaghunam vra Yawe nda kwambalu da Masar, nda ta tvi ya si mnaghuna yu kazlay na: “Haɗ kuni dzaʼa walglaŋta nghaŋta wu,” kəʼa ya. Hada, dzaʼa kumay kuni ta skwanapta ghəŋa ghuni ta ghumaha ghuni ŋa nzakw ka vuʼa, nda kurɗuha, ama haɗ mndu dzaʼa kuma skwa kaghuni wu, » kaʼa.

Hebru 11:27

Nda ma zlghay nda ŋuɗuf sliʼafta Musa ka zlanatá haɗika Masar, kul zləŋaŋta gatá sida mgham. Ka dihavatá tsi manda skwi nda ngha ta Lazglafta ya kul laviŋtá lu ta nghaŋta nda iri ya.

Gwal tsa guma 7:3

Ndanana, wya skwi ŋa mnanata gha ta mnduha: “Inda mndu ta ghudzaku da zləŋ, ka vra tsi dzagha ni, ka ndra tsi nda ta ghwá Gilghat!” » kaʼa. Ka vraghutá mnduha dəmbuʼ hisambsak his mida (22.000) dzagha taŋ. Ka pɗatá mnduha dəmbuʼ ghwaŋ (10.000).