Sabi 12:16 - Hdi

¹⁶ Baɗ taŋtaŋa fitik nda ya baɗ mandəfáŋ, dzaʼa mamu kuni nda guyatá ghəŋ nda ghuɓa. Haɗ kuni dzaʼa magaŋtá slna dər ka kiʼa wa, ba skwi ya ŋa zay inda kaghuni dzaʼa kuni dá data.

Sabi 12:16 ပူးပေါင်းရင်းမြစ်များ

Sabi 16:23

Ka Musa nda həŋ mantsa: « Wya ka Yawe mnata: “Mahtsim fitika mbiʼa vgha, ka Sabat nda fa ŋa Yawe. Sulawa sula gita ta skwi ya kumaŋ kuni ta sulata, ka dadata kuni ta skwi ya kumaŋ kuni ta dadata. Pɗakwa ni ma vəl zay ghuni ya, ka fata kuni ha ŋa mahtsim,” » kaʼa.

Sabi 16:29

Fawa fa ta sləməŋ ɗina, Iʼi Yawe ta vlaghunatá Sabat, tsaya kəl yu ka vlaghunatá baɗ mamkuʼ a fitik ta skwa zay ŋa fitik his. Baɗ mandəfáŋa fitik ya ná, nzakway dər wa ta nzaku mintgha ni, yaha dər wa da sabi mintgha ni baɗ tsaya, » kaʼa.

Sabi 16:5

Baɗ mamkuʼ a fitik ya, ta pay həŋ ta tsa skwa zay dzaʼa həŋ tskafta ya, dzaʼa dukwaf dukwa həŋ ta sgavaghata his səla ka malaghutá ŋa sanlaha ma fitik, » kaʼa.

Sabi 20:10

Ama mandəfáŋa fitik ya ná, nda nza ka Sabat ŋa Yawe, Lazglafta gha. Ma mag ka ta dər wati ma slna, dər kagha, dər zwaŋa gha, dər makwa gha, dər kwalva gha, dər kurɗa gha, dər rina gha, dər mayəm ta nzaku mataba ghuni a tsi.

Sabi 34:18

Ka skala kuni ta skala buradi kul haɗ is mida. Ma tila Aviv ná, ndəfáŋ fitik dzaʼa magata kuni ta za buradi kul haɗ is mida manda ya mnaghunaf yu, kabga ma tila Aviv sliʼagapta kuni ma Masar.

La Levi 23:21

Baɗ va tsaya, dzaʼa mnay kazlay na dzaʼa mamu kuni nda guyatá ghəŋ nda ghuɓa kəʼa. Haɗ kuni dzaʼa maga dər wati ma slna baɗ tsa fitik ya, manda ya snu kuni ta magay wa. Ka snata kuni ta tsa zlahu ya ŋa ɗekɗek ha ma zivira ghuni ma inda vli dzaʼa nzata kuni.

La Levi 23:27

« Nda nza maghwaŋa fitik ma tila mandəfáŋ ka fitika slərɓaptá zughu. Dzaʼa mamu kuni nda guyatá ghəŋ nda ghuɓa. Ka hanaganata kuni ta ghəŋ, ka plata kuni ta ghəŋ ka draftá ta vu ŋa Yawe.

La Levi 23:35

Baɗ taŋtaŋa fitika tsa skalu ya, dzaʼa mamu kuni nda guyatá ghəŋ nda ghuɓa. Yaha kuni da maga dər wati ma slna manda ya snu kuni ta magay.

Mbsak 28:18

Baɗ taŋtaŋa fitik, dzaʼa mamu kuni nda guyatá ghəŋ nda ghuɓa. Haɗ kuni dzaʼa maga slna ya snu kuni ta magay wa.

Mbsak 28:25

Baɗ mandəfáŋa fitik, dzaʼa mamu kuni nda guyatá ghəŋ nda ghuɓa. Haɗ kuni dzaʼa maga slna baɗ tsa fitik ya manda ya snu kuni ta magay wa. »

Mbsak 28:26

« Baɗ fitika skala rfa nekwatá nimaya ta vwah ta kladaghata kuni ta mbəha taŋtaŋa ndəhatá lfiɗa nimaya ŋa Yawe, dzaʼa mamu kuni nda guyatá ghəŋ nda ghuɓa. Haɗ kuni dzaʼa maga dər wati ma slna baɗ tsa fitik ya, manda ya snu kuni ta magay wa.

Mbsak 29:1

« Baɗ taŋtaŋ fitik ma mandəfáŋa tili, dzaʼa mamu kuni nda guyatá ghəŋ nda ghuɓa. Haɗ kuni dzaʼa maga slna baɗ tsaya, manda ya snu kuni ta magay wa. Dzaʼa nzakway tsa fitik ya ŋa ghuni ka fitika vya duli.

Mbsak 29:12

« Baɗ maghwaŋpəɗ hutaf fitik ma tila mandəfáŋ, dzaʼa mamu kuni nda guyatá ghəŋ nda ghuɓa. Baɗ tsa fitik ya, haɗ kuni dzaʼa maga slna manda ya snu kuni ta magay wa. Ka skalanata kuni ta skala rfu ta Yawe ka fitik ndəfáŋ.

Yuhwana 19:31

Baɗu luma madagala ŋa gi lam da *Sabat magakwa tsa skwi ya. Va a la mali mataba la *Yahuda ta slanaghata Sabat ta tsa mnduha ya ta udzu wa. Tsa Sabat ya ná, sana mghama fitik ya. Ka sliʼaftá həŋ ka laghu da ɗaway da Pilat ŋa ɓalanaptá səlaha taŋ ŋa hligiŋtá həŋ ta udzu.

Vrafta ta zlahu 16:8

Ma fitik mkuʼ, buradi kul haɗ is mida dzaʼa kuni da zay. Baɗ mandəfáŋ, fitik ka tskafta kuni ta tska vgha dagala ŋa Yawe, Lazglafta ghuni. Magta a kuni ta slna baɗ tsa fitik ya wa. »