Sabi 11:8 - Hdi

⁸ Mantsa tama, dzaʼa sliʼak sliʼa inda kwalvaha gha da tsəlɓu ta kəma ɗa nda manay kazlay na: “Lawa la nda inda mnduha ta ksa səla gha tani kəʼa.” Tahula tsa, ŋa saba ɗa, » kaʼa. Ka saghu Musa da Firʼawna nda gufatá ŋuɗuf.

Sabi 11:8 ပူးပေါင်းရင်းမြစ်များ

1Mgh 20:10

Ka ghunaftá Benʼhadat ta mndu da Ahav ŋa mnanata: « Ka tsiɗagha tsa lazglaftaha ta guma katakata, ka dzaʼa slaghu sla rgitika Samari ŋa ndəghanaftá guɗekwa dzva sludziha ta pgha iʼi, » kaʼa.

2Mgh 3:9

Ka sliʼaftá mghama la Israʼila, nda mghama la Yuda, nda ŋa la Idum ka laghwi. Tahula zata taŋ ta fitik ndəfáŋ ta mbaɗa, ka pɗatá həŋ ta imi ŋa sludziha, nda ya ŋa mbsaka rini ta dzaʼa mista taŋ.

Nəhemiya 5:6

Snaŋta ɗa ta wahu taŋ nda tsa gwaɗaha ya ná, ka drə tsi ta ŋuɗuf.

Sabi 10:29

Ka Musa mantsa: « Manda ya mna ka, vrəglagaghata a yu ta kəma gha wa! » kaʼa.

Danyel 3:19

Ka gaftá Nevuhadnetsar ta sidi katakata, ka ŋrusanavatá kuma ta i Sadrak, nda Mesak, nda Ghaveɗnegu. Kaʼa mantsa: « Vanaghawa va ta vu gik ma həga vu manda tsa snu lu ya, manda tsa snu lu ya ha ndəfáŋ səla, » kaʼa.

Mbsak 12:3

Tsaw Musa ná, sana mndu leɓtekw ka malaghuta leɓtekwa ta sanlaha ma mnduha ta haɗik ya.

Markus 3:5

Ka kuzlanaftá tsi ta Yesu ta ŋuɗuf manda waftani ta həŋ, kabga tsa təŋata ghəŋa taŋ ya. Huf safi ta ŋuɗufa Yesu, « tɗap tɗa ta dzva gha gra, » kaʼa nda tsa mndu nda mta dzva ni ya. Ka tɗapta tsi ta dzva ni, gi kundliŋ mbatani tsa.

Vrafta ta zlahu 29:24

Ka lu dzaʼa zlghaftá wa ni na: “Nda nza kabga zlanavata taŋ ta dzratá wa Yawe, Lazglafta dzidzíha taŋ, ya ta dzrafta nda həŋ ma hlagapta ni ta həŋ ma Masar ya.

Vrafta ta zlahu 32:24

Dzaʼa htaku mbrakwa taŋ nda ma maya, dzaʼa tuʼu tuʼuwa həŋ da ɗaŋwaha, nda ya da zləmndaha, dzaʼa ghunak ghuna yu ta ghəŋa taŋ ta nimtak ghiyaŋaŋ, nda tsuɗayha ka gruma lələɓaku ta haɗik.

Hebru 11:27

Nda ma zlghay nda ŋuɗuf sliʼafta Musa ka zlanatá haɗika Masar, kul zləŋaŋta gatá sida mgham. Ka dihavatá tsi manda skwi nda ngha ta Lazglafta ya kul laviŋtá lu ta nghaŋta nda iri ya.

Suna Yuhwana 3:9

Wya skwi dzaʼa yu magay ŋa guyata ghəŋa mnduha halaway ta mnay kazlay: La *Yahuda aŋni kəʼa, kul nzakway manda tsaya. Tsakalawi ta tsakalə həŋ. Dzaʼa tiŋwaftiŋwa yu ta həŋ ŋa lagha da tsəlɓu ta kəma gha ka vla glaku ŋa gha, ŋa snaŋta taŋ kazlay: Ɗvu ɗva yu ta kagha kəʼa.

Gwal tsa guma 4:10

Ka hgaftá Barak ta mndəra la Zəvuluŋ nda la Naftali ma Kedes. Ka laf mnduha dəmbuʼ ghwaŋ (10.000) mista ni, ka laf Debura guli kawadaga nda tsi.

Gwal tsa guma 8:5

Manda ɓhadaghata taŋ da luwa Sukut, ka həŋ nda mnduha mida mantsa: « Kdəkwakdək, vlaŋwa vla ta zlamblaha buradi ta na mnduha mista ɗa na, kabga nda hərfa həŋ, ta hwayiŋtá i Zeva nda Tsalmuna, mghamha la Midyaŋ yu, » kaʼa.