Sabi 11:3 - Hdi

³ Yawe ta magata kəl la Israʼila ka mutsaftá zɗakatahuɗi da la Masar. Musa guli ná, nda nza ka mndu dagala ta haɗika Masar ta wa ira kwalvaha Firʼawna, nda ya ta wa ira mnduha.

Sabi 11:3 ပူးပေါင်းရင်းမြစ်များ

Zlrafta 12:2

Dzaʼa yagap ya yu ta ndəghata mndəra mndu ma kagha, dzaʼa tfaghagha tfa yu ta wi, dzaʼa ŋlanaf ŋla yu ta hga gha. Nda ma kagha dzaʼa mutsa sanlaha ta tfa wi.

Zlrafta 39:21

Kawadaga Yawe nda Yusufu, ka maranaŋtá tsi ta zɗakwa ni, ka vlaŋtá tsi ta zɗakatahuɗa ni ta wa ira mali ta ghəŋa gamak.

2Sam 7:9

Nza nza yu kawadaga nda kagha ma inda vli mbaɗ ka ta mbaɗa, ka zaɗanatá yu ta inda ghumaha gha ta kəma gha. Dzaʼa kapanaf kapa yu ta hga gha manda ŋa gwal dagaladagala ta ghəŋa haɗik.

Asta 9:4

Tsaw, ka mndu dagala nzakwa Murduhay ma həga ga mgham, tutá hga ni ma inda haɗikha, kabga ta ŋəlaku nda ŋəla Murduhay.

Sabi 12:35

Ka mag la Israʼila ta skwiha ya mnana Musa ta həŋ: Ka ɗaɗawu həŋ da la Masar ta huzla ka kfura tsedi, nda ya ka dasu, nda lgutha.

Sabi 12:36

Yawe ta magata kəl la Israʼila ka mutsaftá zɗakatahuɗi da la Masar: Ka vlaŋtá la Masar ta skwiha ɗawaŋ həŋ da həŋ. Mantsa ya ka həŋ kəɓatá huta ta la Masar.

Sabi 3:21

Dzaʼa vla vla yu ta tvi ŋa nghay la Masar ta kaghuni nda zɗaku. Ma sliʼa ghuni, haɗ kuni dzaʼa sliʼafta nda dzvu bətbət wa.

Slna gwal ghunay 7:22

Mantsa, ka taghanaftá lu ta Musa ta ɗifila la Masar, ka nzaku tsi ka mndu ta laviŋtá gwaɗa, nda mbra guli ma slna ni.

Vrafta ta zlahu 34:10

Tahula tsa, haɗ sana anabi ta nzəglata manda Musa ma Israʼila ya snaŋ Yawe kuma nda kuma wa.

Vrafta ta zlahu 34:11

Haɗ mndu ŋa gray nda tsi ta magatá inda ŋizlaha nda inda mandərmimiha ghunaf Yawe da magata ta haɗika Masar ta kəma Firʼawna, nda kwalvaha ni, nda inda haɗika ni wa.

Yəhusuwa 4:14

Baɗ tsaya, ka kapanaftá Yawe ta Yəhusuwa ta nghay inda la Israʼila. Ka zləŋatá həŋ manda va ya si ta zləŋ həŋ ta Musa ya, ha kɗavakta hafa ni.

Suna Yuhwana 3:9

Wya skwi dzaʼa yu magay ŋa guyata ghəŋa mnduha halaway ta mnay kazlay: La *Yahuda aŋni kəʼa, kul nzakway manda tsaya. Tsakalawi ta tsakalə həŋ. Dzaʼa tiŋwaftiŋwa yu ta həŋ ŋa lagha da tsəlɓu ta kəma gha ka vla glaku ŋa gha, ŋa snaŋta taŋ kazlay: Ɗvu ɗva yu ta kagha kəʼa.