Sabi 10:9 - Hdi

⁹ Ka Musa Mantsa: « Dzaʼa sliʼi ŋni nda duhwalha ŋni tani, nda galata mnduha ŋni tani, nda zwana ŋni zgwana nda kwagha ŋni tani. Mantsa rina fisika ŋni nda slaha ŋni tani, kabga nda ra ka dzaʼa ŋni da skalanatá skalu ta Yawe, » kaʼa.

Sabi 10:9 ပူးပေါင်းရင်းမြစ်များ

Zlrafta 50:8

Ka laf inda gwal ga Yusufu nda zwana ma ni, nda gwal ma həga ga da ni mista ni. Zwani kweŋkweŋ, nda rina fisik, nda slaha yeya zlana həŋ ta haɗika Guseŋ.

Sabi 10:10

Ka Firʼawna mantsa: « Aray! Má nzata Yawe kawadaga nda kaghuni yeya katsi, ka zlighunis zla yu ŋa sliʼa ghuni nda miʼa ghuni nda ya nda zwana ghuni, kabga mamu ndana maga ghwaɗaka skwi ma ghəŋa ghuni!

Sabi 10:26

Guli ná, dzaʼa sliʼi ŋni nda rina ŋni tani. Haɗ skwi nda səla dzaʼa pɗata hadna wa. Mataba ni dzaʼa klaʼata ŋni ŋa vlaŋtá Yawe, Lazglafta ŋni. Sna a ŋni ta ya dzaʼa ŋni vlaŋtá Yawe wu, ba ta lagha ŋni da hada karaku, » kaʼa.

Sabi 12:32

Hlawa hla nda rina fisika ghuni nda slaha ghuni tani manda ya mnə kuni! Sliʼawa sliʼa, magawa duʼa da Lazglafta ghuni guli ka tfiɗaghata tsi ta wi, » kaʼa.

Sabi 12:37

Tahula tsa, ka sliʼaftá la Israʼila ma Ramses ka laghu da Sukkut. Zgwana ta klaftá dəmbuʼ mkuʼ dərmək həŋ ta sliʼafta nda səla, mbəɗaf a lu ta miʼaha nda zwani wa.

Sabi 12:38

Mamu ndəghata mndəra sanlaha ma mnduha guli ta sliʼafta kawadaga nda həŋ, nda rina fisik nda slaha, ndəghundəgha tsa rini ya katakata.

Sabi 13:6

Ma fitik ndəfáŋ, buradi kul haɗ is mida dzaʼa kuni da zay. Baɗ mandəfáŋa ni ya, dzaʼa mamu skalu ŋa Yawe.

Sabi 3:18

Dzaʼa sna sna həŋ ta gwaɗa gha. Ŋa sliʼafta gha kawadaga nda tsa la galata mnduha la Israʼila ya slanaghatá mghama Masar. Ka kuni dzaʼazlay nda tsi na: “Yawe, Lazglafta la Hebru, ta guyata nda aŋni. Ndanana ta ndəɓa dzvu ŋni da kagha, zlaŋna zla ka dzaʼa ŋni za fitik hkən ta mbaɗa ma mtak, da planatá ghəŋ ta Yawe, Lazglafta ŋni.”

Sabi 5:1

Tahula tsa, ka lagha i Musa nda Haruna da Firʼawna, ka həŋ mantsa: « Ka Yawe, Lazglafta la Israʼila na: “Zliŋ zla ta mnduha ɗa ka dzaʼa həŋ skalihatá skalu ma mtak,” » kaʼa.

Sabi 5:3

Ka i Musa nda Haruna mantsa: « Marava mara Lazglafta la Hebru da aŋni. Kdəkkdək, zliŋnis zla ka dzaʼa ŋni da mbaɗa ka fitik hkən ma mtak, ka planata ŋni ta ghəŋ ta Yawe, Lazglafta ŋni, kada kwala tsi ta vzaŋnaghatá zləmnda, ka kafay a tsi, » ka həŋ.

Mbsak 29:12

« Baɗ maghwaŋpəɗ hutaf fitik ma tila mandəfáŋ, dzaʼa mamu kuni nda guyatá ghəŋ nda ghuɓa. Baɗ tsa fitik ya, haɗ kuni dzaʼa maga slna manda ya snu kuni ta magay wa. Ka skalanata kuni ta skala rfu ta Yawe ka fitik ndəfáŋ.

Afisus 6:4

Kaghuni dadaha, ma ganaf kuni ta ɓasa ŋuɗuf ta zwana ghuni. Galawagala ta həŋ, taghawa tagha ta skwiha ŋa taŋ, zlahawazlaha ta həŋ manda ya ta kum Mghama mu.

Yəhusuwa 24:15

Ka si ta nghadaptá kuni, ɗina a tsa tsəlɓanatá tsəlɓu ta Yawe ya wu, zbaʼawa zba gita ta ya dzaʼa tsəlɓanatá kuni ta tsəlɓu. Ka lazglaftaha ya si ta tsəlɓanatá dzidzíha ghuni ta tsəlɓu ta tsa sana ɓla Yufratis ya tsi, ka lazglaftaha la Amuru ta nzakw kuni mataba taŋ na a tsi. Ama iʼi nda həga ɗa, Yawe ŋa aŋni dzaʼa tsəlɓanatá tsəlɓu, » kaʼa.